( مقباس رختر )

يامل قلب ٍ يرتجف بين الاضلاع= رجفة مكينه فوق بير ارتوازي
زلازل ٍ من هم بقياسها ضاع= مقياس رختر قايس الاهتزازي
بسباب من قفى على غير مرجاع= من بعد مانور ديار الحجازي
مخلوق حط القلب خاتم بالاصباع= وآخذ شهادات الحسن بمتيازي
ودعتهم منضام والقلب ملتاع= واقفوا على جمس ٍ فريد الطرازي
والخاطر اللي منكسر اربع ارباع= ماينجبر لو يجبرون القزازي
والعبره اللي عبرت كل الاوجاع= حبستها متمسك ٍ بعتزازي
ياحسرتي يامنوتي زين الاطباع= حضيض منهو في مودتك فازي
روعة جمالك فايقه كل الارواع= ما كنه الا صابكم عرق نازي
نيران حبك بالصدر تضوي اشعاع= وعدواننا صبوا على النار قازي
معادلة حبك صعيبه بالاقناع= ماسجلت فبحاث سينا ورازي
ماعمر المثلث كان متوازي اضلاع= وخطي وخطك مامشت بالتوازي
وكل ماجابت لي الريح ذعذاع= اترك جميع الناس واغدي انحيازي
للهم في صدري ملاجي ومرباع= غنيت ماغناه قبلي عزازي
عليك قلبي يرتجف بين الاضلاع = ما فادني بالود كثر احترازي
واعوي عوي سرحان بالليل لاجاع= في عاليات اجبال ارض الحجازي

الشاعر/ خالد بن عبيد بن معتوق الاحمدي