بنت مرجوجه

السلام عليكم

ابيات لتواصل معكم

يا كبدي اللي من الايام مفلوجه=من بعد ما شفت فيها اللوان واشكالي
والموقف اللي طرالي بان به عوجه = الناس ضاعت شيمها يالله الوالي
من بعد ما كلمتني بنت مرجوجه=اتقول وينك حبيبي منشغل بالي
الصوت يسحر وبنت الناس غنوجه=من سمع صوت البنيه صابه اهبالي
النفس تجمح وخيل الشوق مسروجه=وانا بدوي والدلع موتي وغربالي
حتى لساني تلعثم ضاعت هروجه=ماني متعود اهرج بعض الازوالي
قلت الخطاء فالرقم والنفس محروجه=دور حبيبك ولا تغلط بجوالي
ياشين من غير اطبوعه ومنهوجه=وش عاد باقي وباقي وش هو التالي
فار الحضاره حفر للحصن وبروجه=بكره يهب الهواء ويطيح طوالي

تحيااااااااتي