اهل الهروج اتزيد بالعرج وتعيـد

المستريح اللي عن الناس في حيد = مبعد عن هروج القفا والطلايب
مطرف(ن) ماهو عن الطيب ببعيد = وان كان به شرٍ عن الشر غايب
يمد لامن اعطوا الناس ويزيد = وليا خذوا ماهو من الناس هايب
ماغير مبعد عن هروج المقاريد = ناسٍ تردد هرجها لاا النشايب
سماجة الهرجة ليا شفت ترديد= لوهو بعلو الصوت رام الغلايب
وان كان تبغا علم مابه ولا فيد= ماغير بعض علوم فيها غرايب
احدٍ يقول اذياب واحدٍ ابوزيد = وهما جناح الصقر وقت الضرايب
واحدٍ يقول بواحد الصقر بيصيد= هذي عجيبه من كبار العجايب
هذي وصاتي وافهم الهرج ياعيد =بعض الهروج ارمال وقت الهبايب
الحق واضح راعي الحق كالحيد= ماهو كثير هروج وان قال صايب
اهل الهروج اتزيد بالهرج وتعيد = واهل الفعول اليوم تحت النصايب
الله يرحمهم رجال الصناديد = راحوا على الزينات والذكر طايب
و الله يبقي من يحسب المناقيد= يجمع ولا يفرق مابين القرايب
وياما لشايب يالعرب حق تمجيد= وياما شباب مضيع اعلوم شايب

ورقان العوفي