ما يقدي قاصر الشوف رجال كفيف

ما يقدي قاصر الشـوف رجـال كفيـف=لو يقول انـه بعيـن البصيـره شايفـه
ولا يقول الحق ياكود من قلبـه نظيـف=ابيـض مابـه شوايـب وشـي خايفـه
والرديه ما تمشى على الرجل الشريـف=يقطـع الله مـن تمشـى عليـه الهايفـه
الحقايـق مـا تـزور بتلفيـق وزيـف=لـو يزورها المزور تعود زايفه
في جليد اشباط محد يسولف با المصيـف=لا يغـرك طايفيٍ يـمـدح طايـفـه
ولا تلاطف هرجة قالها السـان لطيـف=تمسي اهـروج لطيفـه وتصبـح كايفـه
لا تخليها تهايف علـى الجـال المهيـف=ما تنام وفوق راسـك حصـاه امهايفـه
خل عرق الهم ينزف همومه با النزيـف=اقطعه لا عـاش راس همومـه حايفـه
يا مسولف با الحيا وانت في فصل الخريف=الضواري لـو تخـاوا ماهـي متلايفـه
من تحسبنه على وزنة الطـرق الخفيـف=شب له نار ابعلـم فـوق راس النايفـه
لا تقول ابلحق اقصاك يا الضلع المنيـف=قل تركت الضلع هـذا طويـل وعايفـه