زوماله للشريف محمد وتم الرد عليها من قبل قميش القريقري

هاذي زوماله للشريف محمد بن حبيب الله جابها في زواج ابناء قابل الغانمي يرحمه الله وتم الرد عليها من قبل قميش القريقري

الشاعر / محمد بن حبيب الله الشريف :=
سلام تسليم الوفاء وسع السمـاء بشراقهـا=رديّـةٍ مثـل المخايـل يـوم ربـي ساقهـا
تنصى الرجال أهل الوفاء و الطيب زاد أوثاقها=الله عساكم كل عام بخير في كـل العصـور
جينا على حسب الوعد في دعـوةٍ بشواقهـا=نبغى نشارك فرحةٍ مثـل العسـل مذواقهـا
لاشبالنا اللي في الملا دايـم تزيـن أخلاقهـا=مبروك يا محمد و وجدي ياصقور من الصقور
الرد / قميش بن فالح القريقري الحربي :=
يا مرحبا عد المزون اللـي سـرى برّاقهـا=بأهل الهدى و اللي لفانا من جميع أعماقهـا
حنّا فرحنا بالرجـال اللـي تجيـد انطاقهـا=ربعٍ تغلّق في اللوازم في الورود وفي الصدور
يامـن لفيتـوا دار حـرٍ والمعانـي واقهـا=الطيّبـة بيـن العـرب لازم يجـي مغلاقهـا
هذي سبول أهل الوفاء في جلّهـا و دقاقهـا=الله يحيّي من لفا عـد الليالـي و الشهـور