معيض عوض العجي الجابري الحربي... شاعر تناساه القبيله

	البلادي الله يعطيك العافيه على المجهود والشاعر معيض العجي رحمه الله غني عن التعريف

البلادي الحربي


مشكور على النقل الرائع لشاعرنا الراحل / معيض العجي الجابري الحربي رحمه الله


و ارجوا أن يوضع ملتقى خاص بالشاعر/ معيض العجي و تجمع محاوراته بتلك الملتقى مثل بقية شعراء حرب الراحلين0

و أبو روان اكيد مايقصر و يرحب بهذه الفكرة

البلادي الحربي
الله يعطيك العافيه على المعلومات النيره والوافيه عن شاعر لوكان حيا ماكان مستوى قبيلة حرب في شعر المحاوره بهذا المستوى بعد ان كنا مسيطرين على شعر المحاوره من وقت اللهيبي والعجي وصياف وابوناب ورجالله ولاكن اتوقع ان لايتكررون في قبيلتنا ولاكن اتمنى من شعراء قبيلتنا ان اي شاعر يوجد لديه موهبه ومتمكن ان يشارك في مساقة شاعر المعنى ويبيض وجيهنا
دمت بود

	الله يـعـطـيـك الـعـافيـــــــــــة بيض الله وجهك

يعطيك العافيه البلادي الحربي
قصيدة الوصيه
عندما تقدم به العمر وهو شاعر المحاورات المعروف والذي كان يحسب له
شعراء المحاوره الف حساب حينما يقف في نادي هذا الفن من الشعر، فقرر اعتزال شعر
المحاوره ولم يستطع السفر والترحال كما هو حال شاعر الرد فقد أوصى
بقصيدته التاليه ليخلفه اثنين من أبرز شعراء قبيلته (حرب)ممن يجيدون فن المحاوره
ولهم مكانه بارزه
وهما صياف الحربي ورجاء الله الحربي فقال

هنـدس ضميـري ثم بين لـه الـقـاف=وسويت من طرق اللحن ما طرالي
وقمت أتعيـن في كـثيرات الأصـناف=وابـتـاع واشري بـين مـرا وحالـي
يطـرا عليـه حـب كـاملـة الأوصاف = مولـعـة راع اليــمـن والشـمالــي
بـنـت الحكيـم اللي تزنـعـف تزنعـاف=وظـلـي لها قسمة سهم في حبالـي
اخذت معها فـي اول العمر محـراف=وصـفيـت معها يـوم وقتـي صفالـي
والـكـل منـا صار عـاشـق ومـيـلاف= وزداد عـشـق الـحـب يا هـمـلالـي
يامـا سريـت الهـا أتحـذرف تحذراف=وبـديـت واجـبـها عـلى أم العيالـي
وياما بديت الها على راس مشراف=ويـامـا سـهـرت ايـامـهـا والليالـي
وياما قعـدت لطــلـعة الصبـح وقـاف=مـاكـنـي الا فـوق قـطـن وزوالـــي
اليوم شبـت وشفـت بالركب الانكاف= وسلمتهـا يمنـى الرفيـق الموالـي
سلمتهـا يمـنى رجاء الله وصيــــاف=عوق الخصيم ان بان ميل وعدالي
اللـي مواقـفـهـم اليــا جـات تنشـاف= ان جـاء نـهـار فـيـه مثـل القـتـالي
عـطيـتهـم من حـر مـالـي ولاأخـاف= وباب العطـاء مفتوح بين الرجالي

في محل اهل الوفى والطيب ورجـال الكرامـه=مرحبا باللي حضر في حفلهم من كـل ديـره
ثم اهني من حضر عقب المغيبـه بالسلامـه=والعلوم مفسـره يالله عسـى بالأمـر خيـره
البقا ياشاعر يفرض علـى النـاس احترامـه=العميل اللـي يخلـص فالكبيـره والصغيـره
احسب ان شعيل الأشقر ماع شحمه عن سنامه=له سنين طوال ما اسمع لا رغـاه ولا هديـره
صاحبك يعطي حقوق الناس ومكمـل نظامـه=يشتري ويبيـع ومجـود مضاميـن البريـرة
وانت ماتجهل شعيل يشيل مخه فـي عظامـه=محتسي ممشى المشاه ومحتسي ممشا المغيره
يامعيض الوقت فيه مغالطـه مـدري علامـه=حد سكينـه علـى النـاس الغنيـه والفقيـره
نعرف الرجال من فعله ومن منطـق كلامـه=لا تحـط الاولـه ياصاحبـي جنـب الأخيـره
لا تلوم اللي يحط القفش الأحمر فـي حزامـه=وانت لك شي ظهر مانتـه بـداري بالسريـرة
بعض خلق الله تضيع ابه الروابع فـي منامـه=وان صحى بلشان بين الوارده واللـي صديـره
البنادم مايحاسـب غيـر فـي يـوم القيامـه=يالله انـك لاتوريـنـا بعمـيـان البصـيـره
....... بعـض الدعـاوي لا تلحقنـا ملامـه=لا توقفنـا علـى حيـد الرحـاه المستديـره
البنـادم مقتفيـه حسـاب وحسـابٍ يمامـه=وانت برق ويش لون النار في جنـب الذخيـره
مايجيك اللوم وانته مادحمـت أهـل الرغامـه=ميـر دنيانـا تـدور وصـار للجـرة جريـرة
لو لزمنا المـوس يمدينـا تعلمنـا الحجامـه=ان لزمناهـا خطيـرة وان تركناهـا خطيـرة

منقول من منتدى بني جابر

مرثيه في الشاعر معيض العجي
للشاعر / شــديــد غنـــــيم السلـــيمي الحــــــربـي في 8/10/1424هـ

عشرين وتسعه من الشهر غاب مفقود == وعـزالله انـه غـاب منـا فقيـده
بتالي رمضان اللي به الشر موصود == وعساه بالفـردوس يثقـل رصيـده
جاني الخبر بتالـي الليـل مقصـود == ليت الخبر ما صـار وابعـد بعيـده
قالـوا أبـو بنـدر تـولاه معـبـود == وتحت الثراء حطوه ما هـي مكيـده
تدبيـر رب الكـون والعـد مـارود == ومن خلقـت الدنيـا فناهـا تزيـده
وهلت دموع العيـن والبـال منكـود == من فقد منعـوت السجايـا الحميـده
ونوم الكرى ما لامس العين مطـرود == من واهج بالصدر سـوات الوقيـده
ومرحوم يا شيخ على الطيب معهـود == من خلقتـه والطيـب همـه وعيـده
ريف الخوي والجار والضيف له جود == وجنـه لربعـه والمعـادي يكـيـده
وليا عدوا الشجعـان بالفعـل بالـود == قلبـه كمـا البـولاد ولا الحـديـده
رجل القبيله والفعايـل لهـا شهـود == معيض العجي بالطيب شبوحه بعيـده
ليت القدر ماجـاه والعمـر ممـدود == ويطول عمـره فـي حيـاة مديـده
ويبقى لنا معـرب الخـال وجـدود == ركن نصـادم بـه قضايـا عديـده
ونبغاه لنا اليا حك عود علـى عـود == ومثل الأسد يصيـد ولاحـدٍ يصيـده
ونشكر أبو بندر على كـل مجهـود == الفعـل كامـل والمراجـل سـديـده
والله لو هـو بالنقـا لابـس الخـود == لدفـع حياتـي دون راع العقـيـده
ولو صار بدفع المال فالمال موجـود == نـذرن عليـه مـا نمـد الزهـيـده
ولو صار فدى بالروح لفديه بسعـود == لفديه بابنـي لـو يكـون الشريـده
وياالله عسى ورث الاجاويد محمـود == ويكمـل مسـار السابقيـن ويزيـده
اللي لهم بالمجـد طـولات وزنـود == ونالـوا بهـا الدنيـا فعايـل فريـده
وعساه مع الابرار ومع صف داوود == بجـاه رب معتنـي فـي عبـيـده

منقول من منتدى بني جابر

البلادي

تسلم يمينك ورحم الله الشاعر الكبير والفحل من فحول الشعر معيض العجي وكان رجل متزن وفيه دين وكل ماينحلى به الرجال

لا والله ما ينسي

معيض العجي


عز الله انه شااااااعر

الله يرحمه

ماقصررررررررررررررررررررررررررررت