ديوان الشاعر مناع الوهبي

إكتب وعبر ونفسك غير مستره =اللي تــــــــــــــريده حقيقه ماتهيالك
هذا الهوي ياعرب كلن شكى حره=الحب يمــــــــــلك ولاله واحد مالك
نارب المحبه تتل القلب وتجره =وتجعلك تشــكي على كل العرب حالك
وتشوف حيلك ونفسك دوم منضره =وكلن يــــقول المحبه خلها أشوالك
لاشك ماني من اللي كاشفن سره =أنا مــن اللي على درب الثقه سالك
مير البلاء يالقضي شين بدى شره =شين لياجــــاك لازم يقطع أوصالك
شين بدرب الهوى لازم بنا إنمره =شين يفـــــــرح عــــــــدويني وعذالك
فرقن وطعم المفارق يوه يامره =يشبه لطعم الشـــــري الضايع الهالك
فرقن وفرقن تهز القلب وتفره =وتفقدك من حبيبك غــــــــــــــاية امالك
لاني بقايل عسى الله يسعدك مره =ولاني بقايل عسى درب الشقى فالك
أبعدت عني مثل لندن عن السره=لانته بصافي وانا وشـــــلون ابصفالك