مرحبا ترحيب هيل وزعفراني

هذه قصيده القيتها ليلة الجمعه الماضيه بحفل
فيصل سعود سعد الرشودي
/
/
/
/
/
/
/
/
/
/
/
/
/
/
/
/

ياسلام الله لكم قاصي وداني= يالرشود ومن حضر برا القبيله
مرحبا ترحيب هيل وزعفراني=بالضيوف عداد همال المخيله
جيت آشارك من شمال الدار عاني=فرحة ابوسعود كسّاب النفيله
واجبي يوم ان ابن عمي دعاني= لو طويت البعد في حقه قليله
ابو نايف من طويلين اليماني=راعي الفزعات وعلومه جزيله
ماجحد قدر الرفيق الا الهداني=الضعيف اللي تغطراسه حصيله
والردي من بيننا ماله مكاني=لايجي معنا ولا حنا نجيله
مجد ربعي حرب من ماض الزماني= اسم يرفع راس منهو ينتميله
صرح شامخ كنه سهيل اليماني= الهرم فوقه هرم صعبه تزيله
يوم حرب السيف هو الجبخاني=لاتحيزم حربي يامن دخيله
اسأل التاريخ يعطيك البياني=معجزات لحرب عدة مستحيله
شامله للطيب في كل المعاني= للخوي والجاروعلوم فضيله
البلالي ساق روحه في ثواني= دون جاره ماتوانا بالثقيله
وكل حي فوق سطح الارض فاني=وراعي المعروف ماينسى جميله
والصلاة اعظم عمل وآجل شاني=من تساهل في صلاته عزتيله
عن حياة البؤس هي بر الآماني= راحة المسلم بها يومه وليله

عيسى الرشودي العوفي=