ليا هل الفزعات بالله الانصات والا الزلايب لا لا لا يسمعوني

ليا هل الفزعات بالله الانصات=والا الزلايب لا لا لا يسمعوني
قولٍ حضر ماهو بناص المخمّات=اللي مع الانعام مايفِرقوني
قولٍ حضر لأهل الحميات بالذات=زحولٍ لحزات اللقا يِذخروني
وشلون ننعم في حياة وملذات=وزمرة مجوسٍ بالعرب يذبحوني
ومجازرٍ تنقل بثير ومحطات=تفطر مشاهدها فؤاد الحنوني
وحنا ولا كنا رجال وفتوات=اذاننا توحي وقدم العيوني
صراخ الثكالى والبني العفيفات=باسماعنا كنْها دفوف ولحوني
لو ان فينا نخوة الجاهليات=كان النصيري ذاق كاس المنوني
الشعب جلّ الشعب غفله وسكرات=والجيش حراس الخنا والفنوني
ماعمّ قولي خوف رب السماوات=مانجحد اللي للحما يسهروني
حر الغضب يامر ببعض العبارات=لياجماعة خير بس اعذروني
بنياس تعرض لي وفي كل لحظات=اطفالنا باطفالها ذكروني
لولا الملام ولولا شمتات شمات=لقول يمّه بالهِدم دثّروني
لصارت الدعوه سوالف وضحكات=وبالجامعه جمعٍ فلا يستحوني
ولصارت الدعوه خداع ودعايات=وكذبٍ على الآفاق لاتقعدوني
الا اذا لجّت مناير بالاصوات=وعلى المنابر للوغا يعلنوني
في وقتها مدّي كفوف الضراعات=وادعوا لي الله يمّه وبشروني
ثم اسمحي لي ياعساك العليّات=موت الحرار ولا حياة الغبوني
وليا ملكنا مانريد البدالات=لاقرض ولا مسكان به تسِكنوني
نبغاك تنصب للمغاوير رايات=وانته لها ماتخيب فيك الظنوني
يجيك من نسل الصحابه سلالات=غاياتهم فج الحنك والسنوني
نبغى نصلي بين ذيك الجديدات=وبرادة المعبود مايبرحوني
العز كل العز موت الشهادات=والذل كل الذل عمرٍ يهوني