هجيني قصير

هذه قصيدة هجينية من الهجيني القصير وبالمناسبة فيه ناس يسمونها كسرة وحسب مااعرفه ان الكسرة ليست قصيدة
بل هي بيتين كلملة المعنى مثل
نسنس علينا هوى الغربي = وارتاح قلبي لنسناسه
اطفى لهب كان مشتبي = وارتاحت اشواق حساسه
وسميت كسرة لانها تكسر بها شيلة زيد او الرديح وماتجاوز البيتين ليس كسرة هذا رايي حسب علمي ولايفرض على الاخرين
ارجو انت تنال رضاكم وهي قديمة

لما تلاشى امل حبي = رجع لي الحب من ساسه
اسباب ريم ملك قلبي= ماله شبيه من اجناسه
غرو على العز متربي= ومتوج الزين بالباسه
له مدة ايام متخبي = عني ونا ادقدق اجراسه
قامت هواجيس تلعبي = وخافقي ضيع الطاسة
مابين الابعاد والقربي = يبدل اخماس باسداسه
والنار في الجوف تشتبي= ومعاني القلب منحاسه
نسنس نسيم الهوى الغربي =واشتاق قلبي لنسناسه
اطفى لهب كان مشتبي = وارتاحت اشواق حساسة
مااحلى الهوا الطلق لاهبي = مرار باوصاف مياسة
يجلب روايح ثمر طبي = تثلج الصدر وانفاسه
من حسن حظي تولعبي = اللي مولعني احساسه
وارسل مع الريح ماينبي = عن حجم حبه ومقياسه
وصلت من اللب للبي=وشالت عن العقل وسواسه
فالحال انا قلت ياربي = تجمع شمل حي مع ناسه
ونصير محبوب ومحبي = سواة خاتم ولباسه
اطلب مطاليب ويلبي = وما يطلبه من فدا را سه