صياف الحربي ...و... حبيب العازمي

الله يجنبك الخطأ يا بنادم=لعل عين العازمي ماترى دم
و البرق يبرق و المخيله ترادم=غصبٍ على الحساد و إبليس ملعون
لون الشمس تطلع قبل تال الليل=يمر الوقت مثل الطرقي الساري
ترقد تجيب أثنين و تجيب واحد=انهج في تال الليل ماعندك آحد
إفلان راضي منك و إفلان جاحد=غصبٍ على الحساد و إبليس ملعون
بعد بكره نجيكم في ظهور الخيل= لو أنك ورع لاكاتب و لاقاري
ياصاحبي صياف فالدرب سقها= قدام يسري الليل خذها و ذقها
ياللي تحب المرجله و أتعشقها= الله أكبر يازمانٍ ذكرناه
نبأ نرويك ياصياف بن و هيل= و لو يطري على بالك مية طاري
ربعي عتيبه يارجال المواقف= مع حرب عية لاتزين السوالف
لكن يالحربي هاذا مايخالف=الله أكبر يازمانٍ ذكرناه
توكلنا على الخالق قوي الحيل=أنا داري و ابو مفلح بعد داري
يضحك حجاجي للعرب لين اشوفك= و أثر هذا راسك و هاذي كتوفك
ياللي تغني و الذيابه تحوذفك=الله أكبر يازمانٍ ذكرناه
تباها يالعتيبي حط و إلا شيل = أنا جيت الديار و سيلها جاري
ياهيه لاتخطي على حرب ياهيه= الليل باقي و أوله مثل تاليه
و أن كان مات الخال و إلا بناخيه=الله أكبر يازمانٍ ذكرناه
لو إنا نقطع الخرطوم مات الفيل= و راحت مثل غدر غليس بمكاري
يضحك حجاجك مير ماعاد لك حس= بعد الهواء ذعذع نسيمه و نسنس
أن كان ماتعرف تقول إيه قل يس=الله أكبر يازمانٍ ذكرناه
تراني يالمسايل عقب سال السيل=خساره تغضب البياع و الشاري
حنا نباها تنتهي في دقيقه= و إلا عساها فيك تالع حريقه
إن كان ضايق جاك شرهه و ضيقه=الله أكبر يازمانٍ ذكرناه
أبن عواد شاف الوعل بالدربيل=يشوفه فالجبل و الليل غداري
بعض العرب يضرب بكفه و لاكل= ياكل سنه و يقول لا أشرب و لا آكل
مابهذل العربان غير أهل المشاكل=الله أكبر يازمانٍ ذكرناه
فلوسك وينها يالتاجر الزنقيل= مع الصندوق و إلا راحت إجباري
ياللي تحفر فالخشب تقل سوسه= عكسك ربك و العلوم معكوسه
لولا الحياء و الله لأخليك حوسه=الله أكبر يازمانٍ ذكرناه
تحوم في سمانا مثل نجم سهيل= و نجم سهيل فوق الارض و أمباري