( ياخالد الهزّاع ولقولي اشهود=ابشر وذاك السّيف نكفيك حدّه )

/
/
/
/
/
/
/
/
/
/
/
/
/
/
/
/
/
/
/
/
/
في اتصال هاتفي مع الاخ القدير / خالد اللهيبي
بتاريخ 12 / 9 / 1433

حدثني عن قصة الاخ / خالد هزّاع العلوي الحربي
نسأل الله له الفرج
ونطلب من جميع ابناء قبيلة الحرب المبادره بمساعدته
والوقوف بجانبه لعتق رقبته وعودته إلى امه سالم غانم

الله واكبر كلمة ٍ مالها احدود=والخير فيها صعب حصره وعدّه
واللي يردّدها على غيره ايزود=ماينغلب لو تحشد النّاس ضدّه
وآنا مردّدها والايمان موجود=باللي منه مدّ الفرج نستمدّه
وتزيدني همّه لما كان مقصود=وراع الوفا والطّيب يدّي بيدّه
نفزع لخالد فزعة ٍ كلها جود=فزعة كريم ٍ تمدح النّاس مدّه
ياخالد الهزّاع ولقولي اشهود=ابشر وذاك السّيف نكفيك حدّه
ياحرّ مايعيبك تقيدت بقيود=ويطلق صراحك سور حزنك تهدّه
جاك الفرج مايمشي بدرب مسدود=ساعة حلفنا دين خالد نسدّه
حنّا حزامك درع جنبك وبارود=فلّ الحجاج ولاتهوّجس بشدّه
دامك على حضّك بلابتك محسود=ارقد هني لاركيت راسك مخدّه
لك لابةٍ تغرس فعين الحسد عود=حرب الابيّه للوفا مستعدّه
ياكم عدو روّح من الضّيم ملهود=ذاف الصّقطري راح ملطوم خدّه
يخسى ولايشمت على حرب نمرود=سهم الشّماته للمعادي مردّه
تاريخنا بالمرجله صرح ممدود=كل القبايل بالفضايل تعدّه
ياسعد عين امّك لها لازم اتعود=وتعيش معها بالرّضى والمودّه
هذا واصلّي عدّ مانسمع ارعود=واعداد من يفخر بميقاف جدّه
على نبي ٍ موعد بحوض مورود=ياالله وفّقنا لميراد عدّه

الشّاعر / خالد بن عبيد بن معتوق ألأحمدي