تشرفت امام خادم الحرمين

اخواني الاعزاء في ملتقى حرب

اعتذر منكم بعد غيابي عن الموقع وذلك لبعدي عن النت

طيلت وجودي بالبر . واقدم لكم هذه القصيده لعلها تنال استحسانكم

حيث تشرفت بها امام سيدي خادم الحرمين اثناء

وصوله لروضة خريم في 5/5/1433هـ

بامرحبا يا زعيم المجد ووسامه =حياك ربي يقوله شعبك الوافي
تحية بالولا تكتب على الهــــامه =على جبين المواطن حبك الصافي
حي المليك الكريم و حي مقدامـــه =مثل الحيا نور وجهك يوم تنشافي
هلا وسهلا بحبيب الشعب وايمامه =حياك ربي ودمت بخير متعافي
تسلم ياعز الوطن حاميه واحسامه =ياعز راس السعودي تاجه الضافي
هلا يادرع العرب لاثارت اخصامه =يانخوت اليعربي ولزلته رافي
درع الخليجي وسوره وخيرة اعلامه =صفوة ملوك العرب بفعال ووصافي
خادم بيوت الاله وناصر اســلامه =ياقدوت امة محمد عرب واحلافي
ياسيدي من مسكة الحكم بزمامـــه =رفعة شان الوطن ياخير الاسلافي
بسبع السنوات شعبك حقق احلامه =اسما شموخ المعزه عدل وانصافي
حي التطور وعهدك للوطن دامـــه =يامسس نهضته في مدن واريافي
مشروع مكه وطيبه حطم ارقامـــه =الله معينك على تحقيق الاهدافي
وحجاج بيت الكريم شهود لــيامه =ومكه حرمها وسيع لكل مطافي
يحتار فكر اللبيب وتنشف اقلامه =مايحصي المعجزات بنهضة الوافي
ركايز الـــعلم والتعـــليم بقســامه =كم جامعه في بلدنا لبنت وسنافي
من الجنوب العريب لشرقه وشامه =صروح علم تلوح بكل امشرافي
تسـلم ويسلم ولي العهد وحـزامــه =نايف عـضيد السعد وبحنكته نافي
رمز الوفى والامانه بصمة ابهامه =يكفي تفاخر نجاح الامن له كافي
والجيش حيه وحي سلمان قدامه =تباشرو في قدومه كل الاطرافي
مجده فخر للبواسل عــز في عامه =وتاجه قرار المليك الصايب الشافي
وعلى الرسول الامين الذكر بخـتامه =عليه اتم الصلاة بجهرو الخافي

الشاعر / سعد هذيل الفريدي