الأصيل النايفه

الأصيل النايفه

ابتدي باسم الله اللي له الخافي يبين=خالق انفوس الخلايق ويعلم مابها
الله الفرد الصمد له عبيده ساجدين=مرتجينه رحمتً تحت حكمه بابها
من بعد ذكر الله اللي على الشدّه يعين=هاض هوجاس الحشا والقوافي جابها
والهجوس الغاليه ماتجيب الا الثمين=شامخه ما طمّنت للهزيل ارقابها
نالن الغالي بقافً له القاسي يلين=والمثل قال الأصايل لها ركابها
في يميني سلّة السيف ابو حداً سنين=السيوف الثالمه مالنا بنصابها
الأصيل النايفه دونها الدرع الحصين=والمورّاء لا رما يحسب انه صابها
يوم طاعت حكمنا زاد جمع الحاسدين=والمغاره يتقي مايبين دابها
وان تبيّن بالقدم ماتعدى وطيتين=نقتل الحيه وسم البلا بنيابها
القلوب السود في كل تاقي متقين=من حسدها كن جمر الغضى يسطابها
عن كلام الحق مغويهم ابليس اللعين=حافها يالين غنى على مرقابها
بالقفى يطعن وقدام عيني ما يبين=وان لزمته ماحتمى كلمتن يبدابها
مير حنا عن طمان الهزيله شايمين=نقصـر اعنان الرديه ولا نسعابها
وان بلانا شرها للخصيم مروضين=القدم من فوق درب الخطر ناطابها

الشاعر - عبدالهادي صالح السليمي
,,

,,,

,,,,