هدهد سليمان

الشعر وهبه وباكتب أصدق أحروفه=اباكتب أصدق حروفه والعمر فاني
الهم كلن يعرفه بس انا اشوفه=كنه أبو زيد وإله الثار باعياني
واقرب قريب ٍ لك الله غاب معروفه=يوم إن جاله لزوم اقفى وخلاني
الوقت لولا البشر مابانت ظروفه=حكمه من الله قبل هدهد سليماني
من بعدها يالغضي لاهنت معزوفه=على لحن من يكون اليوم ماكاني
غنيتهالك بدون اسباب معروفه=دافع محبه من اقصى القلب للساني
عنوانها روف قلبي يالغضي روفه=وحكم بشرع الولي لاشفت نقصاني
الحب نكبه من النكبات ماعوفه=ياكود يلف الزمن لفه على شاني
حبك بقلبي سموم البعد لاتلوفه=يكفي سهوم الليالي ماتعداني
مانساك يالين سالم يرفع اسيوفه=ويصيح ياكليب جيت اليوم لاجاني
ويطلع لنا يوسف الحجاج بالكوفه=يقول انا شيخكم وانتم ترا اخواني
بالمختصر من يعرف الهم ويشوفه=يقول لك من يبيع العمر خسراني
وختامها من يغيب اليوم معروفه=يعيش عمره ليا منه تناساني