بعطيك جمله واعتبرها منبه

السلام عليكم ورحمة الله وبركاته
ومبروك عليك شهر رمضان المبارك جعلنا الله واياكم من
عباده الصائمين والقائمين وتقبل الله منا ومنكم صالح الاعمال
واسمحولي بهذه المشاركه

اللي يحب!! يواصل اللي يحبه=بـ احلى تعابير الغرام ومعانيه
يظهر له شعورة وشوقه وحبه=لا يكتمه ويقول:تدري بخافيه
ادري ولكن سعد قلبي وطبه=إنك توضح لي غرامي وتبديه
أعطش على وصلك وأرومه واحبه=واحن له واشتاق وابعث دواعيه
ماتدري إن شعور قلبي لعب به=وده معك في كل ساعه تناجيه
ترويه من هملول عشق¸¸ تصبه=تنعش غلاه وذابل الغصن تحييه
تعال له بين المعاليق لبه=يدعيك كنه يسمع إنك تناديه
لاتتركه يا احلى غرام إنسكب به=للشوق والحيره و وحشة لياليه
وقبل اختم شعور الهوى والمحبه=اسمع كلام اللي غرامه لعب فيه
بعطيك جمله واعتبرها منبه=(الحب مثل النبت يحتاج نسقيه)