وقفت صدفه جنب قصر<ن>من الطين

وقفت صدفه جنب قصـر<ن >مـن الطين = متهـالكه مـن طـول عمـره السقـوفه
قصـرن تحدى الريـح والعسر واليـن = وعـاش السعـاده والاسى والكلـوفه
ينعى حظارت نـاس ماهـم بهلحيـن = يوم الرجل يبلش بعيشت الضيوفه
ورغم الظـروف مقلبات الموازيـن = اهل الكـرم والجـود نـاس معروفه
يرهن شعـر وجهه راعي الدكاكين = ويصدق ويوفي والرهان مخلوفـه
ومعشـي الضيفـان وام المساكيـن = يصخـر الله مـن يقـدر الظـروفـه
عودن تربى طول عمره على الدين = ويكفيك سجدة جبهته عن وصوفه
وشوف البخيل اللي رصيده ملايين = ومن ظرب خمسه مايلاتن كتوفـه
مـات البخيــل ولا بقالـه عنـاويـن = وان مات راع الجود يبقى معروفه