ديوان الشاعر ابو عوض

ودي ليا سجيت في مد الانظار
امدها فديار بسط وخلاويه

ولاهمني للبعد ولا اقول مشوار
وربعي معي قدام ماتخلف النيه

مايجاملون الراي والقول بتار
لافض من قايل مايرد بالسيه

شروا لبو عاطي ليا جيت بختار
وحماد ابورامي على حطت ايديه

لاثنينهم خاويت وعز الطلب صار
عندي ولاردو مطاليب جديه

نخوه ليا بقعا حطت بالاخطار
بالطيبه والجود معاميل منقيه


لاوا نديبي برفقت ربوعن اخيار
فديار ماعدا بها ناس طرقيه

ولافرها قناص ولا قرم صقار
بكرن طبيعتها من الرب محميه

ونجولها تمشي وبها عشب وازهار
ولاحافها قراش قص الشجر حيه
ابن حماد

مناهج التهميش صميتها صم
و اسلوب ما يمشي دخلنا صميمه

ما دامها تمشي ليه اتندم
دامه يماشيها بيلقى نديمه

والله من ذاتي و لاني بمنخم
جابت لك الدنيا جروحن وخيمه

تغلط و لا تحسب و لا تشيل لك هم
الخلق تحسبها فعينك بهيمه

يا كم من جاني و انا اقول له قم
حتى و لو يسوى من الخلق قيمه

و اليوم متمقلب و تبغى اتحّكم
با الخلق ما تدري نواها حكيمه

ربي يسلطها على اللي ملّزم
يخفي وسخ قلبه سنين للزيمه

يمشي و لا يدري لثوبه تعّدم
مطموس و الجدوى لنظفه عديمه

محدن على النيه و قلبه ملحّم
و يكن ما يوثق يشاكي حميمه

و لا احدن بدون اخراج يقدر يفلم
الا ليا حصل جماعه لئيمه

و لا احدن بلا معلم قالو تعّلم
الا ردا علمن علومه عقيمه

يوم انهجّم ساسك صرحك تهدّم
ما عاد له فاقه وش اللي يديمه

انسى و لا تفكر على شمل نلتّم
و لا ودي اشوفك ولو في وليمه

لا تزيد فنجالي و انا قلت لك تم
تممت و ان جيتك تراها جسيمه

صب قاع فنجالي و لا تقول لي سم
عدلت للنيه و لا هي سليمه
#ابن_حماد

الراس شايب و العمر دوب عشرين
و اللي يشوفه لامني كيف شايب؟

اقول عـّــلم فوق راســــي من سنين
قــدام وقـته لو حـسـبت الحــسايب

ي معذربين الـــشيب عذروبكم شين
طنـخه براسـي حققت لي كسايب

خـلت رصـيدي يـنـطبع با الدواوين
من دون لا اتعـب في زمان النشايب

الـشيب يـعطي راعي الشيب تقنين
رمـزه مـوّقٓر و مرجـحـن للـصوايب

يا لايمي با الشيب بتشيب بعدين
احسب حسابك يوم مركاك ثايب

ان راد ربي وصــرت من فوق ستين
تعـجز و تمسي عـود فاني وخايب

تغلط و تزعل و تنظر الناس مخطين
و اللي يـــــلومك با الكــبر فيه عايب

و صلاة ربــي عــــــد ما رفـــت العين
عـلى الـنبي المصـطفى و الصحايب
ابن حماد

.ودي بهواء الخبت والنسمه"
وابيحلك اشياء مكنونه "

الصدر ضايق وبه كتمه "
والدمع م ابغى يشوفونه "
ابن مسيفر

فضفض والارزاق منقسمه
لو العدو شاف بعيونه

ماغير حايه وسط عسمه
تعميه و تخييب ضنونه
ابن حماد

احترت فالضرب والقسمه
من حب لا لا تلومونه

(يمكن يضيع بعد اسمه
مدام الاشواق مرهونه)
ابن مسيفر

اكيد من حب له رسمه
فا ارشيفه الخاص مصيونه

بعض القرارات منحسمه
و اهدافها بخير مضمونه
ابن حماد

.الكرت روووح و خلانا
قلي شرايك بعد ما عاد
ندعيه للحق ان جانا
عجل على الرد ياابوجهاد
ابن حماد
اكيد ياعاليا الشانا
ندعيه ونحدد الميعاد
انكان فكره بيعصانا
نحرم عيونه من المرقاد
النحاوي
الكرت ليش يتحدانا
مادام بايفصل العداد
يم الكزابير ودانا
يقول هذي مباني جداد
ابونواف
سمعت انا صوت نا دانا
يامرحبا بالذي نشاد
اكد خبر بالعجل جانا
اني معاكم نويت اعناد
الكرت

نصبر على حال عنانا
مع هدة الطير يالاجواد
لا كن فا الاحلام اذانا
شوفو لنا حل يا رواد
ابن حماد

.هوقال جاني حنين الذات
ليه. انت ماحنلي ذاتك
نطق لساني زمانك فات
ماتن محي كثر زلاتك
الكرت

تهدر دموعي على الوجنات
ماحرقت فيك وجناتك
والعين من سقمها ماتبات
وتموت لو انها جاتك
ابونواف

وقت العرب تنغرق فسبات
فرصه تعوضك ما فاتك

تكتيك ما بين جاك وهات
من دون ما تضيع حسناتك
ابن حماد

. طوني وعنتر مع ابوشهاب
نزلو لبيروت ما عادو
وياسين عنهم اشوفه غاب
نقص عددهم ولا زادو
الكرت

غوار حتى مسك بغراب
سمعت الأخبار بالرادو
يقول جرحي ترى ماطاب
بالحرب كلاتهم بادو
ابونواف

جانا ابو زيد معه ذياب
ويقول من صبح ما صادو
شاري بروده جديده صاب
خجما و سيارته برادو
ابن حماد

جانا الخبر مصدره فكتاب
وسط المتاريس ما عادو
وللحين ماسارت الاركاب
والبدو لساع مر تادو
الكرت

اسمك لقيته فكشف غياب
وين انت يوم العرب نادو
الزمل قببلل على ديراب
عساسة العام ما فادو
ابن حماد

لاحضر الكرت قولوا له
اني موايق على المرقاب
اما يجي وناخذ الجوله
ولايقفل عليه ا لباب
النحاوي

ارسلت فرسان من دوله
تدحم لجل صيتها ما تهاب

اربع مناديب فزوله
و القو فدار الخصوم خطاب
ابن حماد
سيرتك ماهي بمجهوله
من لابتن تخصم الحراب

ياماخذوا جوله وصوله
للمعتدي ما تصف حساب
النحاوي

شرواك مضمون مفعوله
يشفي جروح اللذي منصاب
للصاع صاعين مدبوله
اعجز على عدها فكتاب
ابن حماد
راعي وفاء وطرب لقوله
مثل المهند جويد نصاب
لو المعادين صفوله
ياصل وعن ماقفه ماغاب
النحاوي

.لاتقول عنتر ولاصياح
انا على شوفتك ليه
قلبي تقلب مع الأرياح
والحظ ميل مع الفيه

مادام حظك صمل ما طاح
فديار حكم الهلاليه
عز الضحى تجني الارباح
وتسبي من القوم حوريه
ابن حماد

ماني كذا يالحبيب ارتاح
فالخبت ماسك نبتشيه

هايم وقلبي معه سواح
وافرح ليا شفت قمريه


طيب ولا اوحيت صوت سلاح
ثاير و لا طيور مرعيه
حتى و لا شاح و اللا لاح
من صبح و الان عصريه
ابن حماد

عينت بين الشجر اشباح
من دوجهم تشرد الحيه

ولنك على خبرنا لماح
الله يعين البوارديه

مدري متى يا الخوي نرتاح
من شاكله شبه معنيه

فا الخبت عاينتها و مجاح
تحتاج دكتور نفسيه
ابن حماد

. من ضيعة الخيف جبنا فل
نابت وسط فاق با الفيه

لا الشمس جاته لجل يذبل
عايش معيشه رفاهيه
ابن حماد