التنافس شريف وبعد التحيه بالجميع

خلك مهذب معي وحليل=وخل المعاني على ميزان
لا تحط فالسالفه وتشيل=ولا تجيب علم بلا برهان

ماقلت لك قول قال وقيل=العلم واضح من العنوان
عيب الرغي ياجملنا شعيل=بعد الهدر والثمان ثمان

حفيد الحجيري وفهد عواضة صح الله لسانيكما وأدام عزكما وبيانكما

محاورة رائعة ومتابعون

تقبلا ودي واحترامي

يا مخلفي لا تصدى السيل=يجرفك مع جملة الأغصان
واحذرتعذرب هل التكميل=ترميك بالعرف يا عميان

اصح الله لسانيكما


بدع ورد قوي

وإبن عواضه حرابي الحجيري


بيض الله وجيهكم

ياحفيد ياقرم ياحلحيل=بنرفعك ياولد من شان
مالك ذكر فالبلاد محيل=وزبد الحكي ياولد نيشان

حفيد الحجيري صح الله السانك وبيض الله وجهك

يا حاسب الراس مثل الذيل=حفيلكم ليش سرعه بان
امسح دموعك على المنديل=ما كل طير ترى شيهان

صح بدنك وبيض الله وجهك واستر ما واجهت
مع السلامه

حـفـيـدالـحـجـيـري=
سلام يا أصحابنـا والليـل=نبغى جميع العلوم سمـان
والفارس اللي بظهر الخيل=يبرز على ساحـة الميـدان
فهـد عواضـه المخلفـي=
اقلط على البن ويـا الهيـل=الا علـى مجـزل القيفـان
لن جيت عندك سطاه و حيل=بتبين بمصامـخ الفرسـان
حفيد الحجيري=
دام البقا يا وفـي الكيـل=عداد ما يرتوي عطشـان
والعدل ماهو سواة الميـل=والزود ما هو كما النقصان
فهد عواضه المخلفي=
السالفـه ماتبـا تحليـل=اقبلت بك وسوس الشيطان
كبك بعد ماحضر جبريل=راضي بها لو بها زعلان
حفيد الحجيري=
خلك مهذب معي وحليل=وخل المعاني على ميزان
لا تحط فالسالفه وتشيـل=ولا تجيب علم بلا برهان
فهد عواضه المخلفي=
ماقلت لك قول قال وقيـل=العلم واضح من العنـوان
عيب الرغي ياجملنا شعيل=بعد الهدر والثمان ثمـان
حفيد الحجيري=
يا مخلفي لا تصدى السيل=يجرفك مع جملة الأغصان
واحذرتعذرب هل التكميل=ترميك بالعرف يا عميان
فهد عواضه المخلفي=
ياحفيد ياقرم ياحلحيـل=بنرفعك ياولد من شـان
مالك ذكر فالبلاد محيل=وزبد الحكي ياولد نيشان
حفيد الحجيري=
يا حاسب الراس مثل الذيل=حفيلكم ليش سرعه بان
امسح مدامعك بالمنديل=ما كل طيرا ترى شيهان