لا ياقليل العرف لاتقرب النار $$$ وانته جنوبك يالضعيف صخيفه

	المشاركة الأصلية كتبت بواسطة محمد عبدالمحسن البدراني

	لا ياقليل العرف لاتقرب النار=وانته جنوبك يالضعيف صخيفه لوكان عندك سيفآ ابلج وبتار=ماظن تسطي فيه يمنن ضعيفه ياذا الكديش اللي له اخبار واذكار=في سكة اصحاب العقول الخفيفه مانت المعزب يوم حليت بالدار=حتى نقول فلان قصر بضيفه عليك قد حطوا هل العرف رادار=لاتحسب ان العين عنكم كفيفه مالك ببنك الطيب درهم ودينار=ولو تحتزم بسلاح مامنك خيفه ياللي عن اعدود الروى حبالك قصار=حشرت نفسك بالثياب القضيفه البوم مايذكر قنص فيه صقار=ولو صف ريشه ماينومس رفيفه له حومتن تقصر عن صقور سنجار=اللي مواكرها بروس المنيفه للخيل خيالآ صميدع ومغوار=إتنومس فعوله ليا سل سيفه وإن اعتلاها واحدآ هافي اشبار=ماذاق من مركاضها الا الكليفه لا كاسبن كسبن ولا ضادآ اخطار=مايحتزمبه للأمور العنيفه تعرف هل الوقفات لاصار ماصار=ولا الرخا كلآ فراشه قطيفه واللي غزا في بندقن مالها عيار=النصر ماهو بالنهايه حليفه ليا ارتكاله بالبلاجيك بيطار=خلا دموعه من ندبها ذريفه وعن الصحيح ان كان طاشن الانظار=ماينفع القراي ما بالصحيفه الطايره مايقودها غير طيار=ليا اقلعت مايطشها بالحتيفه خبير بااجهزة التحكم لياطار=وكلآ حسب عرفه يحط بوظيفه يارجم ياللي لك معزه ومقدار=بقلوب راعين الطبوع الشريفه عسى المزون اللي بها البرق سمار=اللي رعدها غادينله وحيفه تنثر على ترابك غزيرات الامطار=وتقش عشبن يابسن تقل ليفه عشبن مهشم كاسي اوراقه غبار=محدن رعاه وكل نفسن تعيفه وعقب المحل تنبت بختري ونوار=واللي رحل يعلن لدارك نكيفه دنيآ بها شفنا غريبين الاطوار=قامت تداحم بالمتون النحيفه ولا انت ياكحيلان يامكرم الجار=ياوافي الاشبار ياريف ضيفه يكرم جنابك يالوفي يابن الاحرار=عن واحدآ حطوه عقبك خليفه اللي ركب ريمه علي أمس واغار=عندي له سيوفآ حدادن رهيفه لاشك من ربعن حشيمين واخيار=ليته يفارقني ويذلف بكيفه ماودي المدفع ينوشه ليا ثار=ولا ودي تطبح عليه القذيفه لكن حداني ثم غنيت الاشعار=من عقب فنجال الدلال النظيفه

صح لسانك يابوعبدالله مليون

قصيده لم أمل من قرائتها رغم أنني قرأتها كثيراً

بيض الله وجهك على هذه الدره الفارهة الجمال وسعة الأفق والمعاني

تقبل تحيتي وتقديري

الشاعر محمد البدراني
طال غيابه عن الملتقى
عسى يعود
حيثه شاعر قوي ومتمكن

الشاعر محمد عبد المحسن البدراني
شاعر كبير وغني عن التعريف
نتمناء يعود لنا بالقريب العاجل

أتفق مع الأخوة النور الأبيض

والأخ أبوتركي ونتمنى عودة وتواجد الأخ محمد عبدالمحسن

فهو من الشعراء الذين تركوا لهم بصمة في هذا الملتقى وغيره

وفق الله الجميع للخير

صح السانك يا محمد انا اشهدنك شاعر منت بسيط ماشالله عليك
بغيت اختار من البيوت وحترت وش اختار وش اخلى كل بيت اطيب من الثاني ماشالله
على العموم بيض الله وجهك وما قصرت

تقبل تحياتي

اخوك محمد سالم الطريسي

صح لسانك ويعطيك الف عافية

محمد عبدالمحسن البدراني شاعر بارز من شعرائنا الكبار وضع بصمته باغلب المنتديات وبصمته الواضحه بعالم الشعر لكنه يغيب لظروف عمله البعيد عن عالم النت


كم اتمنى ان نراه قريبا بيننا فهو شاعر مبدع وجهوده جباره لاتخفى على كل منصف





الف مليون صح السانه ولاتكفيه قصيده جزله ومن العيار الثقيل وكان وراءها ماوراءها لله درره




تحيتي وتقديري

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك

كلماتك غايه في الروعه

أحييك على هذه الابيات المتميزه

دمت ودام شعرك وبوحك

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ