ديوان الشاعر... فواز الزويهري

عشرة الأصحاب
شعر : فواز بن محسن الزويهري

قال العزيري قول بالحق كاسيه= من صولت الأيام كسب التجارب
والبيت لاجبته من الهجس بانيه= ماقول قال فلان فتل الشوارب
عينت فالدنيا وصاحب مصافيه= الدنيا تفنى والصحيب ايتغارب
لو طابلك يومين ياظفر تغليه = لابد من يوم يجيك بمثارب
واجب عليك تقيل عثرة خطاويه = ولا اعتزل ناسك من الناس هارب
يا طالب الصاحب من السوق تشريه= سوق المراجل من قراح المشارب
لاتصحب الدوني على الدون ترضيه= من يصحب الدوني يحز الغوارب
الصقر ما يصحب غراب يخاويه = ما يصحب الا صقر فالعز ضارب
اشري صحيب العز غالي تماشيه= نومسك بافعاله له العز مآرب
أصحابنا بطبوع والطبع انقيه = طبعي طبوعه ما نتقي طبع خارب
الصاحب اللي يروي الطيب نرويه= من طيب لو نسقى سموم العقارب
أمثال مثل الورد والورد جانيه =من عشرة الأصحاب اسدد واقارب

والسلام ختام

بسم الله الرحمن الرحيم
أخي القارئ الكريم : إن نفس المؤمن تشتاق لشهر رمضان
كما تحزن لوداعه
هذه الأبيات التي تعبر في باب الخواطر
قد خطرت لي بعد تذكري ذلك الشهر الكريم العظيم
وكيف أنه قد مر مرور الكرام
لا أطيل فهذه الخاطرة أمام ناظرك ولك التحية والتقدير
ضيف لفنا فوق ظامر عماني

الله من شوق في نفسي شجاني =على رمضان اللي هويناه ودع
=
ضيف لفنا فوق ظامر عماني= قلناله أجلس قال وفيت وأسرع
=
سالت دموع العين والضيف باني= عند المباين طعن فالقلب يوجع
=
ياكيف أنا ما بكي صيام رمضانِ=والصوم تقوى للبنادم و يردع
=
أو كيف مابكي عند وقت الأذان =في ساعة الإفطار كل تضرع
=
أو كيف مابكي بعد قمنا المثاني= يختم بوتر عند غفار يرفع
=
يالله تغفر ذنب صعب الوزان =والعفو عندك ربنا خير مطمع
=
يالله عفوك يا ودادي هواني= عبدك بعفوك ي يا إلاهي تشفع

ودمتم سااااااااااالمين

بسم الله ارحمن الرحيم
معرفت الرجال تجاره و مجالستهم مكسب
ولكن حينما تجلس في إحدى المجالس
وتجد أن هنالك شخص قد كدر صفو ذلك المجلس
الذي به من علوم الرجال وسير الأبطال والشعر والأمثال
ما يثلج الصدر كدره بكذبه وترهاته مما يجعلك تفضل
القيام على القعود وتعزم على أن لا تعود
إن وجد مثل هذا الموؤد
وفي ذلك المعنى هذا المبنى

سار القلم باللي ضميري مكنه =أمثال من قلبي بها اليوم غنيت
عجيب يا ذا الدهر فنه وقنه=أضحكتني وابكيت لقبلت وقفيت
مطيتي فالدهر وضحى مسنه= من يركب البكره تحسف بياليت
لجل الأمور اللي تجيني بظنه =أوزن لها ميزانها بخير ما ريت
حي الذي نجره من الطيب دنه= وأنا الذي فاني وبالطيب سجيت
عمر الفتى يفنى وذكره يخنه=وجدي لذكر(ن) فايح بطيب الصيت
خير الرجال اللي تكلم بفنه=وليا عطى جابه بها ما استشكيت
وشر الرجال اللي ترجيت غصنه= يثمر بحنضل حيْ في جملة الميت
إليا جلس مجلس يذوقك بنه=لاشك من كذبه وبوره تقهويت
ويل الذي بالكذب يضحك بسنه=هذار نثار السوالف بواهيت
فرقاه يهل الفكر لاشك جنه=ومجالسه نار(ن) قدحها بكبريت
يالله عفوك والرضى منك منه=وأنا ببابك يا إلاهي ترجيت

ودمتم ساااااااالمين

منظومة الرشاقة

منظومة الرشاقة لمن أراد الأناقة فهي نظام غذائي ومختصر وقائي

لها أصل من الطب وقد جربها المجرب

ويقولون أسئل مجرب ولا تسأل طبيب

وأقول أسئل مجرب بإشراف الطبيب

منظومة/ فواز بن محسن الزويهري

ياخالقي يا مبدعي= بك ابتديت مبدعي
الله جل شأنه= يصون عبدا صانه
بشرى تسر دا الشحم= وآكلا لحم الغنم
يزفها فتى ثقه= الشحم كان أقلقه
فاستمع لناصح= مجرب وكادح
إدا أكلت فاتسم= خلق النبي أبدأ وسم
ياسائلي عن اللحوم= الحوت في فضل يروم
دجاجكم خير اللحم= بلا جلود يلتهم
إن قلت من أي الخبز= أجيب بالبر ففز
ونقع الرز أنفع= ثلاث ساعات دعوا
يضيع فيها امر النشا= واقلل طعاما فالعشى
واستفتني عن العصير= أجيب بالقول اليسير
لاتشربن حلو غاز= واجعل على المنقى احتراز
وجربت فوت شربه= دو الشحم خف وزنه
واشرب عصيرا طازجا= فالخير فيه رائجا
واهرب عن الحلاوه= وموقع البقلاوه
إن كان لابد الحلا= فاشرب شرابا بالحلى
كالشاهي فيه سكر= مع كعكة أو وصحن تمر
وأقلل من الأملاح= تكن من الصحاح
عند الطعام كن سعيد= وكل رويدا يا مجيد
واجعل مواعيد الطعام= وقت الصلاة لاتظام
ثلاث وجبات فقط= من زاد في غي سقط
لا تأكلن بينها= تكن رشيقا حينها
والماء أوصي شربه= عند الطعام نخبه
أوصيك بالرياضة= وإياك و الفضاضة
وامشي على النظام= تكن فالمجد سامي
تحقق الأمر المحال= ومنك قد غار الغزال
وآخر النظم البديع= صلوا على الهادي الشفيع
محمد خير البشر= وآله أولي الغرر

[size=5]

والسلام ختام

هذه الزومالة ( الحداية ) نظمتها عام 1422هـ في حفل جواز عند المساعيد

من هذيل ولم يأتي بها الثمن المطلوب بعد ساعة ونصف من الوقوف

والمساعيد ممن أشتهر بقوة المعني والسبك المميز
للحداية ( الزومالة )


وهم عوانينا ومنازلهم الفوارة والسيل ...
وقد قلت فيها :

الأوله سلام ياقصر المعزة والرجوله=قصر(ن) له القالات والطالات عنوان البطوله
جينا على حسب الوفى يوم الوفى جانا رسوله=حنا على عاداتنا من يوم أهلنا الأولين

والثانيه ويشْ سيل جاكم كل مخلوق(ن) يهوله=أجلا قبايل وازرت العربان في صده وعدوله
والله يشهد والعرب تدريبه اليوم وتقوله=يالله كمل لازمي وشرح قلوب المسلمين

ودمتم سااااااااالمين

الحمد لله والصلاة والسلام على رسول الله
أخي القارئ الكريم لن أطيل في مقدمتي
إنما هو حلم وتأويله
أرجو أن ينال استحسانكم ورضاكم

قـــــال الزبيدي لالــود اهتياضي= نــــاس غــــووا درب الــرشادة مغاريق
حــــلــــمــت وانــي قاضي العدل قاضي= قــــاضي محكم في جميع المخالييق
ثــم ادعـى لي ضبي والـلـيــث راضـي=يـــشـــكي من الضرغام ظلم ومشاريق
والــلـيـــث جـــاوب مـــن عــيونه نواضي= الـــضبي زادي ما عدا الزاد ما طيق
حــــــار الـفـــكر مــنـهــم ونــزلـوا حياضي= ثــــم اســـتـنـرت بـــحــل فيه المغاليق
يـــطــعــــم بــــغــير الـضبي هذا افتراضي =لــــويــشـبع الـــجـــيعان كف التزاهيق
فـــســـرت حــلـــمي لـلـــفـقـير اقــتــراضي =وإن مــاعطي القرضه سهوم السواريق
يعدي على أهل المال حال اغتياضي =فــي هــــذي الحاله قروضك دواريق
تــــفــــرجــلـه الـعــســرات فــيكم يغاضي= شــــوفــــه بها خط الثياب المشاقيق
هـــذي زكــــاتـــك لــك فــيهـــا اتـعاضي =مــــن يـــتـــبــع ربـــه دروبـــه مــشاريق
صـــلـــوا عـــدد مــــا لاح صــــبـح بياضي =عـــلـى أحمد المحمود وآله مصاديق

والسلام ختام

أسعد الله مساااااااااائكم بكل خير

إن الإنسان السوي الذي يسعى إلى كاماااااااله الإنساني
ولايرضى بالدون حسب استطاعته
هذا المبنى بهذا المعنى كان
أرجو أن ينال أستحسانكم ورضاكم

قال الذي مارس يسيرات وصعاب =عمر الفتى ذكره وذكره عماره
والطيب يبقى وذكر الأشرار غيَاب =من عاش جرب والتجارب تجاره
في سوقها خضنا ومن دونه أبواب= طرقت باب الفكر حلم وغراره
لبست من سوق التجاريب جلباب= شفت العرب واعرف هدفها ومساره
في كل يوم إلنا من العلم مشراب= واللي شرب من علم واجب وقاره
والعلم بحر ونازل البحر طلاَب= فص(ن) من اللولو بوسط المحاره
والجهل ليل وساكن الليل فجراب= شوفه قصر ما طال ينظر زراره
والمال لجله علقت روس فحراب= واللي حفظ ماله توقى المعاره
مالك يعزك عن قريبين واغراب= ولاخير في مال(ن) بشح ادخاره
والدين ثوب المجد بالدين ما خاب = منهو تزينبه ودينك مناره
العلم تاج المال والدين مرقاب= أوصاف للي للكمال اعتباره
يقولها اللي قاس الأيام بحساب= صلوا على محمد عسانا جواره

والسلام ختام

طول الأمل
أحبائي الكرام إليكم هذه الخاطرة


من نقدني فقد أسدى إلي معروفا

إن الجهالة طول الأمل =فأقصر مناك تكن عاقلا
وعش ما بدالك ما أبلغك =ديار الخلود ديار العلا
إن ترى في الزهد عيش الهنا =تزهد ولله كن سائلا
ولكن تعفف عفافا جميل = فالذل طرقك باب الملا
إن ترى في المال أمر جلل = تمتع وكن شاكرا وآجلا
وقل ربنا آتنا كل خير= بدنيا وأخرى تكن أجزلا

والسلام ختام

هذه الحداية للشاعر /فواز بن محسن الزويهري
قيلت في قصر المسرات بالطائف لعبد الله أبوسته العصيمي العتيبي

سلام مثل النقد مصكوكه بمرسوم الشريعه=صيرافها بزبيد وبنوك الوفى عنده وديعه
للعاني اللي الوفى والجود بخلاقه طبيعه=سلام يادار العصيمي حيد ثابت في محله
قال العزيري لادعانا داعي العتبان قمنا=أنقوم لاجات الشدايد والرخى هذي سبلنا
حيث أننا عصبة شبابه والشريعه دين أهلنا =يالابس الثوب النظيف الثوب الأبيض لاتبله

الرد من العصمة

يامرحبا وأنتم هل القاله وفالطاله طليعه=أنتم رياجيل الوفى مثل الحصون اللي منيعه
أسلومكم فيها الوفى وقلوبكم دايم شجيعه=والله يحيكم عدد نوٍ صدوق البخت هله
قال العصيمي مرحبا يلي يجينا في وطنا=والطيب ساس اسلومنا واهل الوفى والطيب منا
حييَ الشبابي يوم في مبداه بلأشعار غنا=وحنا مثل حصن طويل الضل ما ينحد ضله

والسلام ختام

بسم الله الرحمن الرحيم

إنا لله وإنا إليه راجعون

هذه الأبيات على عجالة والحزن ما حرك الخاطر

والله إن خبر الموت فاجعة فكيف بمن تعرف

ولا أقول إلا ( لاحول ولا قوة إلا بالله

)

هلت العبرات والقلب انتحب=والمعاني جبتها كني خلوج
الله الباقي إلاهي قد كتب=مدة الآجال ما عنها خروج
موت بعض الناس يآتينا خطب=مير عند الرب نسأله ولوج
في جنان (ن) مابها لغو وتعب=يسكن الفردوس في عالي بروج
جعل مشعان العشية ابلا صخب=جوف درة عند حورية غنوج
هلت العبرات والقلب انتحب=والمعاني جبتها كني خلوج

عظم الله أجرنا جميعا في الفقيد الغالي

ملاحظة : مير عند الرب( نسألَـــه) ولوج
اللام مشددة في كلمة ( نســـألًه )