سلام ياهل السلام اللي برده خبر

اللي له الحظ قام يالقرم طاف وعبر=المسعد اللي عبر اللي له الحظ قام
واللي يعشق المنام وشو رصيد الغبر=وشو رصيد الغبر اللي يعشق المنام

الوضع ماهو تمام ناساً غطاها الوبر = واللي ماله وبر اشوف وضعه تمام
واللي مشى بالحرام اشوف بطنه كبر = واللي بطنه كبر يازين ترك الحرام

صح لسان الشاعر الخلوق والكبير مضحي بن جمران
وصح لسان لشاعر الجميل البدراني
بيض الله وجيهكم

الحر حلق وحام الغيم توه زبر=والغيم ساعة زبر الحر فالجو حام
يازين حد الحسام يعجبك كان اختبر=مبطي وهو ماختبر يازين حد الحسام

	المشاركة الأصلية كتبت بواسطة حفيد الحجيري

	صح لسان الشاعر الخلوق والكبير مضحي بن جمران وصح لسان لشاعر الجميل البدراني بيض الله وجيهكم

اخوي حفيد بيض الله وجهك وشرفت في مرورك

الحر روح عدام معاد عظمه جبر = معاد عضمه جبر من عقب ذاك العدام
عاين لسرب الحمام وتشوف منه العبر = مايندرا وين عبر عاين لسرب الحمام

السلام عليكم وصحة السنتكم جميعاً
وبيض الله وجيهكم على هذا الطاروق الممتع والمحبوك
تحياتي للجميع

أخوي ابو أحمد
اضع ردك وانا اشاء الله لاجيت ارد عليك لاني معزم الليله والان طالع تخبر الليله خميس

صح لسانك يامضحي بن جمران...وصح لسانك يامحمد البدراني...
طارووق متميز...

الطق وصل العظام اللي غطاها الهبر=عدا حدود الهبر الطق وصل العظام
غناء لحون الهيام على شواطى الخبر=على شواطى الخبر غناء لحون الهيام