ديوان الشاعر (غافل الهم قلبي)

يعجبني الليل والقمـــرا -------------- وخدك اللي تلالا فيــــــــه
في تالي الليل فالمسرا -------------- بقولك شي لاتطريــــــــــه
حتى جروح الهوا تبرا -------------- كاس الهنا نحتسي صافيه

‎‎‎=
=
=
=
=
=
نحيل جسمه ونابــــي ردف ----------------- والوجه مثل القمر ضوه
شاليش شعره تعدى الكتف ----------------- مربوع والا العمر تـــوه

=
=
=
=
=
=
=
=
=
=
=
=
=

في موقفي دوم تلقانــي = مثل الجبل ماتهزه ريح
للظيف والجار والعاني = والباقيه ماتبي توضـيح

كل مالقيته بوســـط الناس =نظرة عيونه تعاتبنــي
ياناعس الطرف ياحساس =طيلة حياتي تحاسبني

قلبي تولع بتبع الصيـــــد =مغرم وقناص لي شاني
ترتاح نفسي بوسط البيد =وحدي وذكراه تبرانـــي

لاتعاتب اللي تحبه لين =يرجع بنفسه ويسئل عنك
والا يقفي ودربه وين =وداه كيفه ولاهو منـــــــك

[type=620249]

حكمه وطيبه وقوة باس ---------------------- اكيد من عانده يتعــب
المنطقه وضعها حساس ----------------------- مايحلهاغير ابو متعب

[/type]

=
=
=


بعد انتهى وقت لذاته ------------- عود نسيم الهوى بالطرق
مدري غلط فتجاهاته ------------- والا بيحرق فؤادي حــرق

كل مقبل الصيف زاد الهم ---------------- لعنت انا الحب وسنينه
ياليتهم جرعوني ســــــــم ---------------- ولا فرقو بيني وبينـــه

صدفه وموقف صعب ينسى =في زحمة الناس قابلته
همست له قلتله تكفـــــــــى =قال ابتعد حبك اتلفتـــــه