ديـوان الشـاعـر.../ مـضـحـي بـن جـمـران الـحـربـي.

بعض الاوادم لا معزّه ولاود

بعـض الاوادم لامعـزه ولا ود=ولا يلتفت لك غير من شان حاجه
وان جيت له في حاجتك وانت محتد=مجهزٍ عذر الخلاص لخراجـه
لوكان معه يربطـك دانـي الجـد=مرواغ واروغ من سريع اللواجه
ولا يغرك فالمجالـس إليـا ارعـد=واشعل على زرق السوالف اسراجه
يبور لاجـات اللوازيـم مـن جـد=سحاب صيف وقافيتـه العجاجـه
هذاك لاتكسـر بـه العيـن وتلـد=ارفع نظرها يـم فزعتـك ناجـه
وبينك وبينه حـط حـد وراء حـد=وابعد عن اللي شاطرٍ فاللجاجه
مدام ماهو من هـل الجـود ينعـد=مابه عـلاج ولا تحـاول علاجـه
قيل الثميله ماهي مارد كمـا العـد=ماله المحالـه فالثميـل اندراجـه
عليـك باللـي كـل يـوم ايتجـدد=النـادر اللـي مايقطـب حجاجـه
لابـد مـن دورات الايـام لابــد=كم دالهـن فجئه تعكـر مزاجـه
دنيا كفا الله شرهـا تبحـث السـد=تلهـي سـوات مدلهينـه بعاجـه
اليا اقبلـت عـن طيبهـا لاتنشـد=وليا ادبرت تشبه لكسر الزجاجـه
تضحك على الجهال بمـورد الخـد=سجن العباد وجنـةٍ للخواجـه

مشكور ياعبدالعزيز الله يعطيك العافيه
وصح لسان الشاعر/ مضحي بن جمران
قصائد تستحق القراءه لاكثر من مره
لكما التحيه والتقدير

العولمه والانفتاح

ياوجدنا للي بهم عزه ودين= اهل الجزيله والثمينه والثمين
من حضر والا بدو ذربين اليمين=واللي يبرهن هرجته بفعالها
لكن زمان اليوم يالله النجاه =كلٍ على الطيب يومي في عصاه
الخط ابو عنوان بان لمن قراه=ماتصفق اليمنى بدون شمالها
هبت من الغربي ذعاذيح الرياح =الي تحول كل ممنوعٍ مباح
حنا بعصر العولمه والانفتاح=الشجره اللي مايظل ظلالها
قمنا نقلد كل صعلوك اجنبي=والنفس نمشي في هواها اللي تبي
هلاكنا في البعد عن نهج النبي=عزالها بعض البشر عزالها
اكالت القصعا قريب خيمت=بعض علامات القيامه تيمت
كان الرجال الفاضله ماقيمت=تراء البقيه ماتسرك حالها
يمكن بعد مده يسوقن الحريم=والوضع لاسالم ولاهو بالسليم
يالله تزينها وسترك ياكريم=ياعالمٍ بقصارها وطوالها
يعني يصير الامر بيدين المره=هذا التحرر كم من بيت ادمره
والرجل ماب ايده من الامر شعره=فرس بدون عنان ياخيالها
ويصير شيٍ يالنشاما مايقال=بس الامل بالله ثم بابو العيال
اللي يربيهم على سلم الرجال=تبا الرعيه واحدٍ يصحا لها
واللي حصل له منصبٍ دونه يذود=غير القرابه مال احد عنده وجود
وين الامانه والعوايد والعهود=العنصريه ذا زعيم ارجالها
فالواسطه ياكثر من طار ورقا=للمنصب اللي به جنابه ماهقا
ومدور اللقمه يدور مالقا=يالقمةٍ كل البشر تشقالها
لاسادو اللي مايعرفون الاصول =انكان مالك واسطه مالك قبول
يعني تعلم للنطاله مع نطول=والكف تفداء السيف لوهو شالها
ولاهو بكل الناس هذا طبعهم=ياكثر ناسٍ مثل زمزم نبعهم
اهل الوفاء يعم دايم نفعهم=صحيح نذخر للحمول جمالها
قبل الختام اهدي لكم ياهل الوفاء=لغزين يامن للجزيلات احلفاء
موروثنا الشعبي مانرضى له جفاء=ورث الاسود تورثه لاشبالها
الاسم واحد والسكن ماهم جميع=واحد تعلا فوق والثاني وضيع
عند الوضيع المال قالو مايضيع=اشوف ناسٍ ودعته اموالها
واللغز الاخر بنت مافيها عيوب=يجي لها مع داير المده وجوب
واللي بها العذروب قالو ماتنوب=واهل الجزيله جمل الله حالها
وختامها يالله تحمى المسلمين =من شر من به شر وغواه اللعين
امين قولوها معي يالسامعين=جعل الهزايم للعداء تشتالها

[/poem]

مناجات بنت الافكار الغاليه

يالغاليه لاينوش اهل الوفاء شرك=والا على الطيبه تراك مسموحه
لو ابغضك مبغضك فالهرج ماضرك=مدام بعيون من ثمنك مملوحه
ولاانتي وسيلة عبور وجسر متحرك=الا لمجروح فانتي بلسم جروحه
واللي على الدرب الايسر ينتوي فرك=حذراء وحذراك خوة قاصر شبوحه
حذراء من اللي ليا دهواك ماسرك=مانتي على كيف من يتبع هواء روحه
اللي على غفلة الاجواد يجترك=خسران وانتي ليا طعتيه مفضوحه
وحذراء المذير من الاجوال لامرك=انكان طرتي مع الاجوال مذبوحه
وإلا نزيه الضمير القرم ماغرك=اتجملينه وهو جملك بطروحه
لاباس راع النقاء بريه ويبرك=ماتزعلينه ولا يزعلك بمزوحه
اللي من الوجد في زين اللحن جرك=اللي يجاوب حمام الورق في نوحه
حلمك قبلته مقابل رفضي لشرك=من شان تبقين مرغوبه وممدوحه
ماغصت قبة بحرك الا لجل درك=سيدك يالغاليه ادراء بمصلوحه

السلام عليكم ورحمة الله وبركاته
اهديكم هذه الابيات وقد قلتها بمناسبة زيارة الشيخ /محمد بن عبدالمحسن الفرم شيخ بني علي واللذي قام بزياره خاصه لامير دولة الكويت الشيخ/ صباح الاحمد الجابر الصباح ومن ثم افراد القبيله بدولة الكويت وكان ذلك سنة 2007م ومن ثم لبا دعوة الاخوان /حمد بن منادي الصبيحي العلوي واخوه المهندس /صالح بن نداء الصبيحي نيابة عن الجميع اطال الله باعمارهم وعساهم على القوه اهل الجزاله والعلم الغانم من عوائدهم الصبحه وقد زارنا بمدينة الخفجي وكنت ضمن شعراء هذا الحفل المقام على شرف ابو فيصل بقاعة الخفجي للاحتفالات والقيت هذه الكلمات راجيا ان تحوز على استحسان الجميع

بسم من كل الخلايـق تلتجيلـه=واحدٍ من سـو بقعـاء يلتجابـه
عالمٍ غيب البنادم وش حصيلـه=واحدٍ ماصك عـن داعيـه بابـه
بعدها حييـت ياشيـخ القبيلـه =انت والحضار من اصحاب وقرابه
يازعيـمٍ كـل جزلـه تستويلـه=مع هل الطولات ورجال المهابـه
ياولد من يرعب الخيل بصهيلـه=يومها غـارات فاليمنـا نهابـه
من صداها تمرج الخيل الاصيلـه=صيحهٍ منها الاصايل مستصابـه
له فعولٍ معجـزات ومستحيلـه=بدس طير من الغزو خلص ركابه
لاتعـزو ماوقـف قدمـه قبيلـه=اخو حسناء كم صنديـدٍ يهابـه
سيفه الفسقان كم راسٍ يشيلـه=لاتعـزو بالشريـده واعتـزابـه
قدم حمول الخيل لاقـاد الدبيلـه=في ظهور الخيل جمـعٍ يندعابـه
يوم ضرغام العرب ولع سبيلـه=ويتحدا وكفو محسـوبٍ حسابـه
قام ابن فايز وقـال انـا عميلـه=جاه حي جنـازةٍ روحـه جلابـه
قـال هـذا هالنـي يالله تهيلـه=كيف ابانطح ساكرٍ وقت الحرابـه
مانميلهـا ولا بالهـرج ميـلـه=والفعول الطيبه مـع كـل لابـه
عن حمول الخيل ذي نبذه قليلـه=اختصرنا الهرج واوجزنا الاجابه
للقبايـل مثلنـا فعـولٍ مهيلـه=من زمان اليوم وايام الصحابـه
راح عصر الجهل واصبحنا قبيله=صف واحد جنب ميال العصابـه
كلنا نفـدا راع اليمنـا الطويلـه=بكل موقف صعب ناقف مع جنابه
بدو بـدو مابنـا نفـسٍ ذليلـه=والحضر اشرس واشر من الذيابه
واللحى اللي بينا صارت دخيلـه=كل جحـرٍ ذابحينـنٍ فيـه دابـه
ضايعين الـراي مافيهـم دليلـه=ساريين بليـل ماهـو ينسرابـه
ابن منادي اشكر واذكـر جميلـه=هيلعينٍ طـول الله فـي شبابـه
الصبحه رجلهـم مافيـه حيلـه=رجلهم نجـم شمالـي يقتدابـه
مثل هديب الشام حمله يرتكيلـه=عن بني عمه وشالـه فالنيابـه
رجلهم واضح وصوف ولايبيلـه=الشجاعه والكرم بـه والذرابـه
وختمها مع كل ركعـه وتهليلـه=الصلاه على النبي مع كل جابـه
راعي حوضٍ جعلنا نارد سبيلـه=وجعل كـلٍ ترفـع اليمنـا كتابـه
يوم مايفزعٍ خليـلٍ مـع خليلـه=واهني من صارت الجزله زهابه

السلام عليكم ورحمة الله وبركاته


يامل عينٍ لذيذ النوم ماجاها

يامل عينٍ لذيـذ النـوم ماجاهـا=والنوم ياصفوة الاصحاب ماجاني
الليل دايم يطـول فيـه مسراهـا=في كل ليله بهذا الوضع سهراني
عين العناء مابخلت اقوم برضاها=لو اقنعتني بسر العلم ورضانـي
انكانهـا عاشقـه ادور امنـاهـا=يمكن لها لفتةٍ في خدر الاعيانـي
وانكان حب الدراهم قام يشعاهـا=يمدهـا واحـدٍ ماهـو بمنـانـي
ياعين نبي المياه تـرد مجراهـا=لاطولين السهر ياعين من شاني
قالت ذنوبي كثيره قلت ابا انساها=امسامحه بس منك السهر ينساني
قالت بي العله اللي يصعب دواها=دكتورها لو تدلـه كـان دوانـي
ذا لغز له رمعتاً وشلـون نلقاهـا=الله على العين وش جاها تحداني
قالت تدل الدروب وعمد تغواهـا=علـي مثلـت فالخطـه عميانـي
عندك خبر خطةً لقمـان سواهـا=ليت العرب تلتزم في هرج لقماني
عذرت عيني بعد عرفت دعواهـا=من وضعها مالها راحه وسلواني
شكواك بعد الله الرحمن منصاهـا=اخوان نوره عزاز القدر والشاني
وليا دعونا لهيب النـار ناطاهـا=وارواحنا ماتروح بخس الاثماني
ومن دور الطايله ياعين يلقاهـا=للطايله سعرهـا ماهـي بمجانـي
ياعين دونك جبالٍ صعب مرقاهـا=بسفوحها كم تحطم راس شيطاني
ياعين يلقى عماه اللي تهقواهـا=مير ارجهني وروفي بابن جمراني

السلام عليكم وحمه الله وبركاته
ياطفل ياللي

ياطفل ياللي في بحر غي غطـاس=تبكي وتسلاء والجـوارح سليمـه
مادق في قلبك من الهم هوجـاس=وقتك عساء الله مايوريـك ضيمـه
الباب لاتنصاه وتـدق الاجـراس=تجي تراء وتروح من دون قيمـه
ماتدري ان الناس مخلوقه اجناس=جنسٍ عجاج وجنس هتـان ديمـه
من قبل تلقا به مسرات واونـاس=وجبين فيه من المكـارم وسيمـه
براعية اللي ذكرها يرفع الـراس=ام الحنـان تعـادل الفيـن ميمـه
سميت الجوهر ماهي صفر ونحاس=لعل تفداهـا الهنـوف الغشيمـه
يامعاذ راحو وابعدو عنك الارماس=قفـو وذكراهـم بقلبـي مقيمـه
ذكرتني اللي جعل يسلم من الباس=احمد ابو نايـف قـوي العزيمـه
الطيب ورثه من جدوده على ساس=بكسبٍ حـلال ماخـذوه بظليمـه
معادن الاجواد اغلاء من المـاس=ومجاور الاجـواد نعمـه عظيمـه
من يشبه البسام نادر من النـاس=فسلومهم للجـار مليـون شيمـه

السلام عليكم ورحمة الله وبركاته





((( شاشة الرادار)))

بحثنا ودوارنا على شاشة الرادار=على الذبذبه ماغير صوتٍ بلا صوره
انا اشك واصدق بعيد او قريب الدار=تموج السحابه والقمر ينشعق نوره
تعذر وديانك ماهو يقبل الاعذار=والاسرار ياسيد الرعابيب مستوره
رفيع النسب حنا ماحنا من الاشرار=طيور السراج اللي على النار محشوره
نعز الصدوق ونترك الماكر الغدار=ولا نشرب الشاهي بكاسات مشعوره
من اسبابكم ليلي قضيته مع السمار=بليس اللعين معيدٍ لاعباً دوره
تلح بفوادي لحت العود بالمنشار=وتلعب بحضرتنا كما تلْْعب الكوره
اسامحك لوكبدي بها مثل حر النار=وانا عادتي لطف الحشاء ماجرح شعوره
وابا اصبر ورجوايه من الواحد الغفار=يجود بوجودك طب جرحي ودكتوره

السلام عليكم ورحمة الله وبركاته



العز للي نهج منهج رسول الله

سلام والمبتـداء نبـداه تسليمـه=تسليمةٍ عند واجبهـا لهـا قيمـه
اهتديتها لاهل التقديـر والشيمـه=والعز للي نهج منهج رسـول الله
وتحيةٍ عطـرت فالـورد نهديهـا=للمملكه حاضرتها مـع بواديهـا
ذي مهبط الوحي فالارواح نفديهـا=والعز للي نهج منهج رسـول الله
من بعدها ياهل التوحيد والطاعـه=به مطمعه تغري الطماع فطماعه
هبو لها قبل تاقف عقرب الساعه=والعز للي نهج منهج رسـول الله
الخمس ياطيبهن لااحـدٍ يخليهـن=واللي يجن قبلهن واللي بتاليهـن
مايغبـط إلا سنافـيٍ يحاضيهـن=والعز للي نهج منهج رسـول الله
زكاة الاموال يالوافيـن مطلوبـه=للي نصابـه وجـب اده لمندوبـه
زكه ويزكا بعد ماديـت ماجوبـه=والعز للي نهج منهج رسـول الله
الصدق فيه النجاه الصدق ياطيبـه=والثاني ايقول راع العرف ماليبـه
نغليك ياللي كلام الصدق تحريبـه=والعز للي نهج منهج رسـول الله
كلٍ دراء ويش وصابه رسـول الله=بمكارم الخلق وصـا ياعبـاد الله
وهايبن وسعة مابيـن خلـق الله=والعز للي نهج منهج رسول الله
اوصاك تخفض بجنحانك إلشيبانـك=ابوك وامٍ رضت فالسهر منشانـك
واللي تسويه به تجـزاك بزرانـك=والعز للي نهج منهج رسول الله
الجار حثه على الاحسان مع جاره=لابـد مايذكـره لاشـد لـديـاره
واضرب مثل فالبلالي وافي اشباره=والعز للي نهج منهج رسول الله
وتبقاء الامانه من الوافين مطلوبه=اوجيه اهلها عن النيران محجوبه
واللي مقصر يجود بصادق التوبـه=والعز للي نهج منهج رسول الله
النيه الطيبه مـن حـظ راعيهـا=ماهي بضاعه من الاسواق نشريها
والناس مثل الاصابع مانساويهـا=والعز لللي نهج منهج رسول الله
ولينا ماله إلا السمـع والطاعـه=يامر وحنا وألـم لادقـة الساعـه
ولهرجة المبغضه مالاذن سماعه=والعز للي نهج منهج رسول الله
المملكـه كلنـا نمـوت لفداهـا=حربة نحر ساطيـه للـي تحداهـا
اللي على سنة المحمود ممشاهـا=العز للي نهج منهـج رسـول الله

السلام عليكم ورحمة الله وبركاته
اهدي للجميع هذه الابيات وهي قديمه من ايام المراسلات بواسطة الاجهزه مثل الكنود والايكم واليكم الابيات والمعذره عن انتهاء تاريخ الصلاحيه
/
\
/
>>>>>>>>>

تراء الذيب لامنه سمـع قنبـة الذيبـي=تحرك شجون الذيـب ويجـاوب الثانـي
تزين المحطـه فـي رجـال المواجيبـي=رجال المراجل ونخـزاء كـل شيطانـي
فتخـان الايـادي مكمليـن المطاليبـي=خفاف النفـوس مدلهـة كـل ولهانـي
رفعنـا الطويـل المعتلـى بالمراقيبـي=على اربع جهاته ضابطينـه بالارسانـي
للاصحـاب ياطيبـه سـوات المناديبـي=ثمان وثـلاث الفاصلـه صنـع يابانـي
سقا الله زمانٍ يوم سيـد الرعابيبـي=على العـد مـع وردٍ البيـر وفانـي
مع نجع بدوٍ جامعتهـا المشاريبـي=على جال جوٍ تجتمع فيـه نجعانـي
انا لاذكرت اللي عـن النـاس يدويبـي=اضيع بلغزٍ لـي عطيتـه كحيلانـي
عيون اشقرٍ فالجول عطب المضاريبي=وحش فارسي وهداه راعيـه سلطانـي
وخدٍ تكاشف مثـل نـور الكهاريبـي=ليـا ولعوهـا فالمديـنـه مسيـانـي
كساه اشقرٍ ياصل حدود العراقيبـي=غذاه الشمطري خالطـه ريـح ريحانـي
ولاشفت بـه ياغيـر هـاك العذيريبـي=نهوده كمـا طـاع الزبيـدي بريضانـي
صدوق المشاعر مايعـرف ال ألالعيبـي=ابا ابكي زمانٍ راح ياخدر الاعيانـي
نقـيٍ بـدورٍ ماتجيـه الشواذيـبـي=عليـه اتوجـد ثـم اكوسـر فالالحانـي
انـا لاذكرتـه هاجـس الـود يسريبـي=على وصف من جابن مطالب سليمانـي
على شانهـم عديـت روس المراقيبـي=ولا طعت شور اللي عن الرجم ينهانـي
زمانٍ مضى مالاح في عارضي شيبي=قبل يالشمالي ابيـض الشيـب يغزانـي
كبرنـا وتبنـا ثـم رمينـا المشاعيبـي=ولا نطري المطراش مـع كـل ديقانـي
وابا اطلب رحيمٍ يعلم السر والغيبـي=لـدرب الهـدا رب المخاليـق يهدانـي
على المصطفى صلو عزيز الاصاحيبـي=رعى حوض من يرده فلا هو بعطشانـي
عدد مالمع نجـمٍ للعيـان ويغيبـي=وعدد من سعاء واطاف في هاك الاركاني