بعد زان الملتقى جيت أبا أرد السلام ؛؛؛؛؛؛؛؛؛

	المشاركة الأصلية كتبت بواسطة مضحي بن جمران

	صحت السنتكم شعرائنا المبدعين حفيد الحجيري وبدر بن شطيط العريمي لاهنتو على الطاروق الجزل والمتميز من الطرفين وهذا ماتعودنا عليه منكم ولاهو غريب عليكم بيض الله وجيهكم واصلو والصفوق حاضره والنار حيه

حياك الله يامضحي وبارك الله فيك ونتشرف بمتابعتك ومتابعت شرواك شهادتك نعتبرها وسام وفخر لنا ومكسب لاهنت

من على مر الليالي ودورات السنين = ما لها الا رجالها فحرب والا في سلام
بدر لن كانك تبا تدحم الضلع المتين = قوّ متنك قبل تصحى السباع اللي نيام

الليالي طايله والخبر سمن وسمين = ياوسيع العرف درج جمالك بالخطام
الرحى للحب ماش ارحمه تطحن طحين = والسباع النايمه بنجها بنجا" تمام

الليالي مقبله والخبر جيماً وسين = كيف تجلى النور والنور جلاي الظلام
الرحى مطحون والقاف لأسياده رهين = وانت بين القاف والوزن أخليت النظام

الله يعطيك العافيه يا بدر
طالع ويمكن ارجع الليله
مشغولين الله لا يشغلنا الا في طاعته
لك كل التقدير

الدروب اثنين ماضاعت يسار ويمين = درب روح شرق والدرب الاخر راح شام
انت في راس الجبل مانت في بطن البطين = جيت يم البحر والبحر يبغى من يعام

صحت السنتكم شاعرينا المبدعين
بيض الله وجهيكما
واصلا واحنا متابعين

لا تحسب الدرب كله ورود وياسمين = شوكةً فالدرب تحرمك تحقيق المرام
موقعي دايم على النايفه في كل حين = واردين العدّ يومنّ خلق الله حيام

انت اضن انك عور عين ماهي مثل عين = الغشامه كل ليله تعشاها يدام
الذهانه وين هي ياذكي مدري ذهين = لاتهبد فالخلا مايلبسك الوسام

يشبه الذيب الحمر مير اضنه بن حصين = فيه عله ما لها طب وجروحه قدام
الثقاله وينها يا خفيف ويا رزين = لا تطب الحرب من دون درع ولا حسام

ياسلام ياسلام صح الله السنتكم الاثنين
محاوره جزله تقبلوا مروري