ديوان كسرات الشاعر / عبدالرحمن مساعد بن شريان الجحدلي ( الذراع )

قلت بمناسبة ولادة محمد ابن الشاعر القدير / حامد محمد الذروي

مبروك دامت سعادتكم = باللافي اللي شبابه لاح
ساعة سمعنا بشارتكم = هلت على قلبي الافراح

رد الشاعر / حامد محمد الذروي

الشكر مني لحضرتكم = أهل الوفا والقلوب صحاح
فالقلب والله مودتكم = واللي سكن فيه ما ينزاح

قلت بمناسبة ولادة عماد سمير صالح ابناخي الشاعر / هزاع صالح

سلام وافي على الأجواد = أهل الوفا وسط عزوتنا
مبروك هل الفرح بعماد = وافراحكم روح فرحتنا

رد الشاعر / هزاع صالح مفرج

يا مرحبا والليال شهاد = منك الرضا عز غايتنا
بحضوركم فرحنا يزداد = يا رجال فالطيب قدوتنا

الشاعر الكبير / سامي الصبحي من محافظة خليص طلب شريط فيديو لمحاورة حفل زواج بذال فهيد الغانمي المقام في رابغ عام 1411هـ وحضره من الشعراء الشاعر مبروك ابوناب العصلاني أطال الله في عمره على الإيمان و طاعة الرحمن والشاعر حمدان أبو حمراء الغانمي رحمه الله والشاعر حميد أبو حمراء الغانمي رحمه الله و شعراء فحول من قبيلة البلادية و غيرهم من قبيلة حرب و أبطيت عليه وقال :

حسب الهداية السماويه=سلام مع فائق التقدير
ينصا الرجال الصفاويه=باذكره واجمل التعبير

قلت له

يا مرحبا والسعد ليه=يوم اتكلف لكم واسير
ذكراك في البال والنيه=وشكراً على الطيب فالتذكير

وفي زواج مفرج صالح قال ابوفراس الشاعر سامي الصبحي يذكّرني بطلبه :

سلام يابن شرياني=يا راعي الطيب و التكميل
تكفيك يا صقر شيهاني=مني إشارة عن التطويل

قلت له

يا مرحبا قولكم جاني=يا شاعر المعرفة والجيل
من فضلكم هات برهاني=فيه المطاليب بالتفصيل

قال ابوفراس

عسى البقا وابشر الآني=العلم يأتيك يا حلحيل
وعدتني سابق ازماني=وراع الوعد يلزمه تكميل

قلت له

بشراك يالذيب سرحاني=ابشر بزين الوفا والقيل
من صافي القلب و اعياني=ميعادكم ما عنه تحويل

قال الشاعر / طارق حميد الفارسي

صحيح الأجواد ما تبخل=بالجود في كل الأزماني
خلي هجرني و جاني خل=لا يابعد كل خلاني

قلت له

راح الأسى و السعد أقبل=وانا بفرحتك فرحاني
يا معدن الجود تستاهل=فداك مدعوج الأعياني

قال ابويزيد الشاعر / قابل البشري من محافظة عسفان :

قلبي تسارعبه أيامه=مر السحابه عليه تفوت
مدري معه تصدق أحلامه=ولاّ فعمر الزهور تموت

قلت له

سعادة القلب واريامه=ربي جعلها قدر و بخوت
ما راح إقنع من ليامه=ولايفوتك الطارف المثبوت

قال الشاعر القدير الأستاذ / أحمد العمودي

سلام ياللي قعدتوا شام=نهار عنكم تيامنّا
من قلب مدة ثلاث أعوام=لازال معقول ومثنّا

قلت

يا مرحبا يا هلا يا كرام=عزّر بنا مشيكم عنا
سلامة القلب يا مقدام=مد الوفا منكم ومنا

العمودي

عسى البقا و اسمع الأعلام=اللي بلينا بها حنا
ماكر و صاب الحشا بسقام=نجيه منا يجي منا

عبدالرحمن

انصب شباكك وابن خيام=حوّش على الزين لادنّا
القلب لا صابته أسهام=بلا سببها ما يبرنّا

العمودي

حسب الأمل صرت له خدّام=ويامر عليّه و يتمنا
لكن يقول الوعد قدام=وسنين عمري يمرنّا

عبدالرحمن

انت الذي تشكي الآلام=من قلب منصاب و معنا
آمر على باشة الأريام=يرحم عذابك و يتهنا

قال ابو عبدالعزيز الأستاذ الشاعر / محمد بن سالم بن حمد

سلام ياللي ابعدت الدار=بطّلت حتى في جيرانك
ماعاد اسمع لكم أخبار=غير اتّصلنا بصدقانك

قلت له

يا مرحبا و المقدّر صار=ومن العجب قلت سبحانك
إنتم هل العز و المقدار=الروح ترخص على شانك

جاني واحد وقال لي إن هزاع بايعطونه ختم وبا يسير شيخ عليكم و ..و .. وأرسلت رسالة جوّال لهزاع أقول فيها :

سلام وافي لابو دانه=هزّاع يااصحابنا هزاع
النفس بالحيل شقيانه=بعلوم ما شرّفت لسّاع

قال الشاعر الرائع العملاق / هزاع بن صالح

ترحيب من صافي الخانه=للّي بطيب الموارد ذاع
لأوزان الأعراف وزّانه=ويش الذي فالخواطر شاع

قلت

معمورنا كان بنيانه=مدّة محمد سعيد وضاع
واليوم رابغ و سلطانه=بايعمّدونك على الأرباع

قال ابودانه

معمورنا عزّب اركانه=اللّي لهم فالمواقف باع
ومن يبذل الجهد في شانه=يبلغ مدى عزّها رفّاع

قلت

معمورنا تم حقرانه=غصباً علينا بلا شفّاع
من بعد رابغ وأوطانه=صرنا على الزير و الإيقاع

قال

معمور عامر بأقنانه=برجال لم يعلنون وداع
تثبيت بنيه و سيسانه=فهل الوفا ما بدا زعزاع

على شاطئ الهيئة الملكية بمدينة ينبع 17/1/1423هـ طلعت مع الشباب
خالد السيد
طارق الفارسي
منصور العتيبي
محمد العرابي
غرامه الشهري
احمد بكر فلاته
ابراهيم القايدي
حميد الجحدلي
مثيب العتيبي
محمد حجر
محمد اليوبي الله يرحمه
مطلق السبيعي
سليم القايدي

وقال الشاعر المبدع / طارق الفارسي :

يااصحابنا اليوم كمّلتم=واحنا بكم جد مسرورين
لعلها دوم جمعتكم=دايم على الخير مجتمعين

وقلت

يارب سلّم رجال الجود=وسلّم غرامه ابو مجدي
بالطيب و المرجله معدود=عزيز فالمنزله عندي

كنت على موعد مع الشاعر الكبير / ماهر بن مبروك العصلاني ( ابوناب ) وتعطلت سيارتي وانشغلت في تصليحها وأرسلت رسالة جوّال أقول فيها :

سلام يا ماهر الميلاف=ياشاعر الظلع والوادي
تعطّل السلف و الحذّاف=بالجمس واختل ميعادي

قال ابوناب

يا مرحبا باللحن و القاف=يا شاعر الملح و الزادي
المشكلة و العلوم خفاف=مكتوب ربك للأجوادي

قلت

عسى البقا يا نجم نيّاف=يا ذخرنا كيد المعادي
لسّاع ميعادنا ما طاف=بعد العشاء وقت ميرادي

قلت

سـلام مثـل البحـر طـامـي=ياماجـد العـز يــا مـقـدام
قولك شبيـه الوسـم سامـي=فيـه الحيـا و الربيـع التّـام

مـاجـد عبدالله الجدعاني

الليـلـه الـعـز قـدامــي=لجلـي أشوفـك معـي قـدام
يـافـن دايــم ومتـنـامـي=ترحيـب يبقـى مـدى الأيـام

عبدالرحمن

لـك البقـا شـاش إلهـامـي=ياراقـي الـفـن و الإلـهـام
لعـل حـاسـدك ينضـامـي=واللـي يواسيـك مـا ينضـام

مـاجـد

كملـي لفـن الشعـر ضامـي=وأبغى أعزف القيـل والأنغـام
ومـادام مِنـك المثـل حامـي=نفجِّـر أهـل الحسـد بألغـام

عبدالرحمن

أهل الحسـد جرحهـم دامـي=يـا كثرهـم باليمـن والشـام
مـن مكرهـم زادت اسقامـي=الحوف منهم عطيـب وسـام

مـاجـد

ألامــك تــزوِّد ألآمـــي=يامِشتكي مـن عنـا وأسقـام
الله عـلـى كــل ظـلآمـي=والحسـد مـن عـادة الظُـلام

قال الشاعر / ماجد عبدالله الجدعاني

تجمّـع الدمـع وسـط العيـن=ويومـآ بعـد يـوم يتـزايـد
عايش على الهم مـن عاميـن=والحزن فـي حالتـي شاهٍـد

عبدالرحمن

إحذر من الهم ما هـو زيـن=يقضي على الـروح ياماجـد
اضحك مع اهل السوالف ليـن=تنسـى سبـب همّـك الكايـد

مـاجـد

قلي أجيب الفـرح مـن ويـن=والضحك عن خاطري شـارِد
أنا أشـرب المـر والمُريـن=وما أشوف حولـي ولا واحِـد

عبدالرحمن

لاتحسبـن العمـر عمـريـن=فانـي وحكـم القـدر نـافـد
لكن تصبـر علـى الحاليـن=ويحلّهـا منـشـي الـراعـد

مـاجـد

حالي علـى مفتـرق دربيـن=وماأضِّـد الأقـدار وأعـانِـد
مع الصبُر ماأنقضالـي ديـن=ماكَّـن عيـد الفـرح عـايـد

عبدالرحمن

حال العسر ينقضـه يسريـن=بشرى من المصحف الراشـد
الحـق واحـد ماهـو باثنيـن=الخـيـر قدّامـكـم واجــد