ديوان الشاعر حمدان دراج القايدي

لو تفتح القلب تلقى فيه=
مكتوب إسمك على جداره=
في داخلي حب صعب أخفيه=
يزداد كل يوم مقداره=

عديت فالقلب مية جرح=
وللآن ماكملت جراحي=
كيف أهتني أو يجيني فرح=
من بعد ماغابت أفراحي=

يلوح طيفك على القرطاس=
كل مامسكت القلم بكتب=
لجلك بقلبي أعز الناس=
حالي بعد غيبتك تصعب=

من بعد مرت علينا سنين=
شبنا وشابت مفارقنا=
واليوم عدى العمر ستين=
يارب تحسن خواتمنا=
طلال دراج=
.............................=
نفخر فخر عزنا فالدين=
مانحيد هذي عوايدنا=
نمشي الخطى دايما مانلين=
وعن شرعنا قيد ماحدنا=
حمدان دراج=

لها حب فالقلب متمكن=
خلاني دايم مع جروحي=
صعبه انزعه صعب مايمكن=
لو انزعه تنزع روحي=

والله ترى النفس خداعه=
تغريك تبقى مع الأحلام=
سارع إلى الله والطاعه=
مادام باقي معك أيام=

ياراعي الورد في البستان=
اقطف من الورد واعطيني=
من ريحته أذكر الخلان=
عساه يمكن يسليني=

ياطير ماشفت محبوبي=
ونت مع ديارهم عابر=
أبطى ولا جاء مكتوبي=
ياطير ماتشوفني حاير=

أخاف أقسى على خلي=
ماعاد يقوى على التعذيب=
يبغى معايه مثل ظلي=
اكون جنبه ماعاد اغيب=

أشيد بأهل الوفاء والجود=
اللي إلى الجود سباقه=
لوتطلب النفس عنك تذود=
تسعى إلى الطيب مشتاقه=