ديوان الشاعر الاستاذ ( صالح الحربي )

	دخيلك الروح تلفانه ؛؛ عميق جرح الاسى فيها هم الهوى ارتقى شانه ؛؛ وصبر المفارق معنيها

	اعاتب الروح واسألها ؛؛ وارمي ملامه على قلبي عيني هواها مشغلها ؛؛ وخلافه جايبلكم غلبي

	ياقلبي ريح الاسى هبت ؛؛ والروح هفتها اوجاعه دايم علوم الهوى تثبت ؛؛ صافيه مايبدل اطباعه

	حسيبه اللي سقاك السم ؛؛ جور الالم سكنه جوفك ظلمه تسيد صنوف الباس ؛؛ تاليه هاجسك بحسوفك

	الجهل والمعرفه وجهان ؛؛ فالبخت مكتوب ومقدر الا الموده جهلها بان ؛؛ عاشق وعالم ومتكدر

	اوصفلي قلي مرار الصد ؛؛ قدام لاحكي اسى ويلك نبعك بظلمه عليا انهد ؛؛ عاتب غيابك وقسى ليلك

	لامال قلبك وتاه مرساه ؛؛ وعذب الهوى صار متخالف ودك وهمه على مقساه ؛؛ بنزعها من جوفي التالف

	ابري قلم بكتب اوراقي ؛؛ واقرا خواطر عنا العشاق صبري نفذ والالم باقي ؛؛ والفلب حاله ماعاد ينطاق

	راقب عيوني وتقرا الهم ؛؛ واسأل فوادي تجيب الآه بالحيره دمعي تبدل دم ؛؛ محروم ودي قبل تنساه

	الفن كله ادب وإحساس ؛؛ قدام يحكي غرامي فيه يسقينا نبعه اعذب كاس ؛؛ نعطيه قدره قبل نحييه