ديوان ألغاز / فايزموسى البشري

ويش بنت ٍ كل ماهبت هبوب =عاتـيـه والا عـواصـف هـاديـه
ماتركها الشهم غالب ومغلوب =مــن قـديـم وفالسنـيـن التالـيـه

فايزموسى البشري

شفت رجال ٍ مع الناس حاضر مايغيب =لو تحـاول مسكتـه مامسكتـه فـي ايديـك
يجتمع ثم يتفـرق ولـه مشـي ٍ عجيـب =وإن بغيتـه مـا خذيتـه ولا يشّـره عليـك

فايزموسى البشري

	الحلول من رقم (1) الى رقم (12) بالترتيب 1) النقطة وسط حرف النون ( ن) 2 ) العقال الي يوضع على راس الرجل وعقال البعير 3) الصوت الشديد جدا ً 4 ) النوم 5)الواسطة 6) جواز السفر 7) الحكم القضائي 8) الختم على الورقه 9 ) المفاتيح الثلاثه لي قفل 10 ) السلاح وذخيرته 11) الحميه اي النخوه 12 ) الماء

ياويش رجال ٍ يدوّر لرجال = ومن بعدهم بنت ٍ نفت لتشابه
الياجمعت احروفهم سج بالحال = لاكن ماهي سجت ذهول وغرابه

فايزموسى البشري

ويش الاسير الي مع اثنين حراس = والياطلع من بينهم يفقد اسره
قصير عمره بينهم مامعه باس = ولاصار وسط الناس ياطول عمره

فايزموسى البشري

ياويش بنت ٍ دورها دوم فعال = كم واحد ٍ باسبابها جر ونه
خواتها اربع كل وحده بمنزال = والبنت في منزالها مستكنه
تقيم وقت وباقي الوقت ترحال = وخواتها مسهاجها يسهجنه

فايزموسى البشري

ياويش رجال ٍ وجوده مغره = كم واحد ٍ غره وهو ماجهل فيه
في ساعة ٍ فيها المنايا تجره = من قبل ياصل له نزح عن حراويه

فايزموسى البشري

رجل ٍ يعيش وقيمته في بطن بنت = ولولى بطن هالبنت ماينقلونه
مهمته معها اليا منك امعنت = والبنت تفقد فايدتها بدونه

فايزموسى البشري

اسالك عن بنت ٍ لها دور حساس = لاجيت تسالها عطتك الاجابه
تنزل له الانظار وينزّل الراس = وتعطيك توجيه ٍ دقيق الاصابه

فايزموسى البشري

ياشين رجال ٍ خفي ٍ عن الناس = ماحد يشوفه بس ينشاف فعله
كم واحد ٍ من سبته صار منحاس= ومن كان عنده قال ماني من اهله

فايزموسى البشري