أقسى ثلاثٍ في حياتي يمرّن !!!

صح الله لسانك شاعرنا الجزل

ولاهنت على هالعذبه

لك التقدير طال عمرك’,,

صح لسانك وسلم بنانك وبيض الله وجهك

قصيدة في غاية الروعة والجمال والأبداع الله يعطيك العافيه

دمتم بخير

عل وعسى .. يشتـاق سيـد الغناديـر = ويـعـود وأيـامـه مـعــي .. يسـتـمـرّن
مليـت أحــط لـشـوف زولــه معـاذيـر = ومليت أقول : (أحلام عمري يغرّن)

نص راقي وابداع غير مستغرب
صح لسانك شاعرنا القدير
وبيض الله وجهك

	المشاركة الأصلية كتبت بواسطة سآمي الوسيدي

	السلام عليكم ورحمة الله وبركاته واسعد الله اوقاتكم بالخير والمسرات اخواني في ملتقى حرب اضع بين ايديكم هذا النص المتواضع علّه ان يرتقي بذائقتكم الشعرية ... جرحي .. ومسباح الندم .. والمقادير=أقسى ثـلاثٍ فـي حياتـي يمـرّن ونوحي .. وتهميل الدموع المحادير=للناس عيب .. وللخـوي مايسـرّن وذود الغلا الي من خفوقي مصادير=فرت بهن ترف القـدم يـوم فـرّن قفّن وريف الصدر مابـه مباذيـر=وغدن علـى كبـد المولـع يحـرّن عيّـن يِطيعّنـي بوقـت المعاسيـر=وانـا معودهـن .. بقلبـي يبـرّن واليـا بغيـت أردهـن بالمحاذيـر=أشوفهن ضـد الحقيقـه .. تجـرّن أيست معهن عقب طول المشاويـر=وباح الخفا يـوم الهقـاوي تبـرّن عل وعسى .. يشتاق سيد الغناديـر=ويعود وأيامـه معـي .. يستمـرّن مليت أحط لشـوف زولـه معاذيـر=ومليت أقول : (أحلام عمري يغرّن)

مرحبا ياسامي الوسيدي..

حينما لمحت اسمك ..تذكرت ((الثلاث))وكيف جاءت تسوق امامها

تلك الرائعه التي اعترضتني في يوم (ما) ويبدو ان هذا النص يلامس

شيئا في كل نفس تصادفه ولست بصدد الحديث عن هذا الذي يسبر

أغوارالنفس..ولكن ..

تلك الصوره المجسمة الرائعه بقولك..

وذود الغلا الي من خفوقي مصادير....فرت بهن ترف القـدم يـوم فـرّن

وهناأيضا تجسيم حالة العقوق وروعة اللقطه..

عيّـن يِطيعّنـي بوقـت المعاسيـر...وانـا معودهـن .. بقلبـي يبـرّن

...

ثم الالتقاط المدهش لصوره من صورالخذلان..في عجز البيت التالي..

أيست معهن عقب طول المشاويـر...وباح الخفا يـوم الهقـاوي تبـرّن
..
..

وفي البيتين الاخيرين جمال مرفق بالاسى حين ارتمى سامي

في احضان (عل وعسى) مع صورة جميله لوقع الانتظار...

وبالمناسبه هنا ماكنت اطلبه من شعرائنا وتحدثت عنه في موضوعي

هنا (لماذا نكتب الشعر)...

وهذه القصيده نموذج يوضح ماقلت..فمثلا...مفردة(ذود) من تراثنا اللغوي

التقطها سامي هنا ووظفها لتنتظم مع مايليها ولتكمل جمال صورة حديثه

تعبرعن ثقافة هذا الجيل...


تحياتي لك سامي وبالتوفيق دائما والسلام..
..

,
,
,
صح لسانك وسلم بنانك
قصيدة وافيه من وافي
بيض الله وجهك يالذيب
اتمنى لك التوفيق
اخيك ابو فياض النويمي

صح لسانك
..
..
أسجل اعجابي بالقصيدة
..
ويعطيك العافيه ..

	المشاركة الأصلية كتبت بواسطة ماجد بن تركي الحربي

	قصيده وافيه ومن راس وافي لاهنت ولاهان هذا الحضور تقبل تحيتي

أخوي ماجد بن تركي

الله لايهينك وجعل عمرك طويل

وشاكر لك مرورك وتعليقك الراقي

لك جُل تقديري واحترامي

	المشاركة الأصلية كتبت بواسطة رابح الجحدلي

	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

اخوي رابح الجحدلي

صح بدنك مليون ووجهك ابيض

شاكر لك مرورك وتعليقك الراقي

لك جُل تقديري

	المشاركة الأصلية كتبت بواسطة سمو الاحساس

	اخي الوسيدي الله لايهينك على القصيده وصح السانك واما المقدمه اعتقد انه يجب اضافت (( الى )) ( اضع بين ايديكم هذا النص المتواضع علّه يرتقي (الى ) ذائقتكم الشعريه.......) لانني متأكد انها غلطه مطبعيه تقبل تحياتي

صح بدنك أخوي فواز ولا تهون

وبالنسبه للمقدمه حاولت اسوي لها تعديل بس ما طلع لي إختيار التعديل ولكن يعطيك الف عافيه على التنبيه يالغالي ...

شاكر لك مرورك وتعلقيك الراقي

لك جُل تقديري

	المشاركة الأصلية كتبت بواسطة سعدالفريدي

	صح لسسسسانك قصيده رائعه من شاعر رائع وجزل

اخوي سعد الفريدي

صح بدنك يابعد راسي والاروع من القصيده مرورك وتعلقيك الراقي

لك جُل تقديري واحترامي ...