ديوان الشاعر//دليم مرزوق الشدادي

السلام عليكم ورحمة الله وبركاتة
اليكم هذه القصيده المتواضعه راجياً ان تحوز
على رضاكم وتنال اعجابكم

ياكبر شرهة عباد(ن)ما تخاف الله=تبي تهد الجبل وتزيل ما حوله
لو انها ماتصافت كود في ضله=قدام ضله وهي ماجالها دوله
لالاللارهاب قبل وعقب عبدالله=ومن شذ يلقى جزاه بسبة فعوله
الشعب واحد على الفنجال والدله=الصدق يجبرني الموقف على قوله
ياسامع القيل ليتك زين تفطله=وبيبان بعض الروابع عنك مقفوله
من لابغاء الصدق مات وعلته عله=مير ان حبا بينا والا مشى طوله
وين انت عنها قبل ترتاح بالفله=وتطلب من الشام كانك جعت تبوله
وان قلت فاتتني الفرصه وبسم الله=اقول سميت بس الملك منهوله
لله ثم لأخوان نوره وانت لابله=لوان زقمك يحب الكوع ويطوله
فاتت رجالٍ تعقد الحبل وتحله=وعلى ظهور الاصايل جالها صوله
خل انت ياللي بعد طبلتك مختله=وعينك من الغرب واهل الشرك مكحوله
بس ابلع العافيه يالطير ابو قله=قدام الاخطاء عليك تصير مدبوله
ارجع لرشدك وكنه ماحصل زله=ترى المعاذير قبل تفوت مقبوله

السلام عليكم ورحمة الله وبركاته
اليكم هذه الابيات المتواضعه عسى ان تحوز على اعجابكم

عزالله انك في سعه كنت عنها=بس الصراحه كل شئي(ن) له اسباب
والا اضنون(ن) فيك كنت اخمنها=لو اصدقت تجمد على روس الاشناب
بس التجارب ماخبرنا ثمنها=الامقدم لو على حزم كلاب
ولاصار لك رفقه وتامر وتنهى=ولك في مجال الطيبه ربع واصحاب
والشجره اللي منك وايضا انت منها=مالردا فيها ملاحيق وانساب
والمرجله متجودن في رسنها=ماعاد والله للمشاريه مجناب
ورجل(ن)يتوع بكلمة(ن) ماوزنها=تجيه في وجهه مثل صكة الباب
ورجل(ن)ثيابه مسبله ويخبنها= ماهوب لله يعتبر شخص نصاب
ورجل(ن) يسبل لحيته ويحسنها=من خوف ماشفناه قدام الارهاب
والنفعه اللي ماتجي في زمنها=الابحب خشوم مرارة اغراب
من الحسد لاجاه موته دفنها =من شان يطلع نصها كله تراب
وهاذي تجارب وان تضايقت منها=قلنا الصراحه كل شئي(ن)له اسباب

الصدق ماهو كل الاوقات مطلوب= في شرط ماتلمس حقوق الخليقه
وفي حق نفسك مانت بالامر مغلوب= حتى لو انك كل رجمٍ تويقه
وتجر فيه الصوت والطرق مسحوب=مسرور والا فيك مليون ضيقه
محدٍ بماخصك مكلف ومندوب=ولحدٍ تجيله في حياتك طريقه
اليا نشدك مودي العلم مقلوب=ماهو لزوم تصارحه بالحقيقه
خله يروح بصوب والصدق في صوب=ويجيه لومه من توالي رفيقه
الرجل ماهو بالتواصيف دالوب=سهلٍ على من كان وده يويقه
الرجل قالو كنه الصلب محسوب=مثل التجوري فكته وتغليقه
وحفظك لسدك مايجي فيه عذروب=تلقاه لك عند النشاما وثيقه

السلام عليكم ورحمة الله وبركاته
اليكم هذه القصيده اللتي ارجو ان تحوز على رضى الجميع وهي عباره عن رد ثناء
لرجل نصيته في يوم من الايام لحاجة من حوايج الدنيا وقام بالواجب وكفا وفا 0
وبيض الله وجهه 0 وهوالاخ العزيز الوافي مبخوت بن هذال الدوسري
وانه لمن دواعي سروري ان اشيد بوفاء هذا الشخص وذالك في هذا
الصرح الشامخ وبين ربعي واقول بيض الله وجهه بياض دايم0 والسلام

كم لي وانا ياهاجس الفكر خازنك==ذاخرك للي فزعته تسبق الصوت
رجل(ن) وفا ووفا وفا وزامنك==بالماقف اللي فيه حضارك اسكوت
هذاك لاتنسى وفاه بتهاونك==لين المشاعرتونس الموت وتموت
تراي يومني من العام ساجنك==مابيك تلعب لعب ماهوبكبوت
ورافعك عن شعر التصنع وصاينك==من شان تطلع لي زمرد وياقوت
واليوم مالي عنك وابغا الفزع منك=وابغاك مني توصل العلم مبخوت
وتقول طبت وطاب ساسك ومعدنك==ياطيب(ن)فيك الوفا كف وسبوت
كف(ن) يكيل الطيب بالماقف الظنك==وسبت(ن) تعب للمرجله مالبس بوت
الطيب غاية ناس بس انت ساكنك==شاربك له مركى ولحيتك له قوت
وله شاهد(ن) بحجاج عينك وله عنك==ذكر(ن) يسولف عنك وابليس مشموت
ان غبت عنك يتوجنه محاسنك==واليا حضرت القول تصديقه ثبوت
وهاذي مشاعر واحد(ن) لاحقه منك==معروف واللي ينكر الطيب سربوت

سمعة شيله لنساء في ال يوتيوب واعتقد ان الرجال مغضبينهن وعنوان الشيله جعل الرياجيل للماحي


وتعاطفت معهن في هذه القصيده ومع ضيقة الصدر التي مررت فيها الاسبوع الفايت جت هذه الابيات

غنّيـت يـوم الصـدر فـاحـي=
=جـزلـن مــن ابــداع حـربـيـه
ردي علـى غـيـدن مـلاحـي=
=خــوذنّـــه مـــــن الـسـنـافـيـه
ياللي شكن زود الاجراحي=
=مـاهـو طــرب مـيـر مـرثـيـه
شكـيـتـن ارجـــال الـفـلاحـي=
= مــــن ظلـمـهـمـم والانـانـيــه
والـحـق مايـزعـل الصـاحـي=
=كــم مـهـرتـن حـالـهـا سـيّــه
من عقب ماتزها الوشاحي=
=جـاهـا مــن الـغـبـن مـاريــه
والسـبـه الـــزوج لاصـاحــي=
= قـــاســـي ولافـــيـــه حــنــيـــه
والـزوج ماينـشـد ان راحــي=
=لـــو عــــدْ صـحـايـبـه مــيــه
مـايـبــي اعــيــال ومــراحــي=
=ولايــبـــي عـــــده مـسـولـيــه
يـامــفــرج الــهـــم لــنــزاحــي=
=يـاعـالـمــن تــعــلــم الــنــيــه
تــدلــنــا درب الاصـــلاحـــي=
=وتهـديـهـم وتـبـعــد الـسـيــه

السلام عليكم ورحمة الله وبركاته
اليكم هذه المعارضه على قصيدة الشاعره منيره الحربي
واللتي بعنوان جعل الرياجيل للماحي عسى ان تحوز على رضاكم وتنال اعجابكم

يــــــالاح يـــمــــلاح يـــالاحــــي =عــلــى الـلــحــون الهـجـيـنـيـه
سلـط عـلـى الــورق لانـاحـي =يـشــعــف قــلـــوب الــهــواويــه
مـابــيــن مــســـرا ومـســراحــي =غـنــت مـــع الـــورق قـمـريــه
من غيض ماهو من افراحي =اشـــدلــــك واقــطـــعـــي لــــيــــه
وقـصـيــد وهــمـــوم ونـيــاحــي =وتــبـــادل اشــعـــور واحـمــيــه
وهالحين بعد الغضـب راحـي =وش مــوقـــفـــك يـالـرجـيـلــيــه
لـــو قـلــت يامـنـيـره ارتــاحــي =لاتــســابــقــيـــن الــعــمــانــيـــه
الــديــن يـابـنــت الانـصـاحــي =مـاهـو تـعـاون عــاى السـيـه
والـلـي عـلـى خــف وجنـاحـي =يــاكـــثـــرهـــن بــالــســعـــوديـــه
عــنــوان مـايـقـبـلـه صــاحـــي =ولاتـقــبــلــه كـــــــل نــشــمــيــه
وحـنـا مسلـمـيـن وصـحـاحـي =لــوصــار مـــــن بـيــنــا عــيـــه
مـــاديــــنا ديــــــــن قــــرداحــــي =الــلـــي لــكـــن فـــيـــه حـــريـــه
كـــلٍ بـــه يــحــوش ويـتـاحــي =مـســمــوح لــومــالــه ارعـــيـــه
هـاذا وكــان الحـطـب طـاحـي =يـابـنـت مـــن يـنـطــح الـهـيــه
حـنــا لـكــن سـتــر وسـنـاحـي =مـبـطــي وهـالـحـيـن وشــويــه
وذخــيـــرةٍ مـالــهــا اســلاحـــي =تــــبـــــور لــوكــلــهـــا حــــيـــــه

اللهم ارحمه واسكنه جناتك
شكرا لك من القلب يابوخالد ولا يستغرب منك الوفا يالذيب

	المشاركة الأصلية كتبت بواسطة عبدالله عتيق الحنيني

	السلام عليكم ورحمة الله وبركاته اليكم هذه المساجله بين كل من الهامور الشيباني ومهجرس الحرف عسا ان تنال اعجابكم حيث قال الهامور فالمدارس يامهجرس مادرسنا=ولاخبرنا الطيب يجزاله بسئيه من دروس الوقت عشنا واقتبسنا=والجهاله يوم وقت الجاهليه وكان بعض الناس في علمه لمسنا=عارفينه ماش شمس ولاش فيه والردي بالعرف مايقطع حنسنا=ماعليكم منه وانا ماعليه كم حفظنا بالضمير وكم حبسنا=والرديه بينوها اهل الرديه ولاتعومسنا ولاتظهر عمسنا=خص لاصارت تجي من راس عيه ولو عرف ماقلت يومنه عكسنا=كان شال القش في ظهر المطيه يحسبني بانطح القشرابحسنا=مادرى ان راع الخطا يلقا خطيه ولادرى انالا تعدوينا ندسنا=ونلحق الكيات ياهل العرف كيه ولاقدمنا في طريقٍ ما نكسنا=لو وطينا فوق داب وفوق حيه ونلطس العايل لامنه لطسنا=وله حساب التاليه والوليه والفراسه عندنا لامن فرسنا=لايحسب انه ركب ظهر العبيه كان مابه عد كيف الرجل يسنا=ودون عدالعرف صارت مهمهيه كيف نعري جسمنا من مالبسنا=اللباس الخارجه والداخليه والمصيبه فولنا خالط عدسنا=والخوي قام يتبرى من خويه واصتبحنا يامهجرس واغتمسنا=والبواقي عند راع الشاذليه وهاذ رد مهجرس الحرف بعد ابومنصور ماحرك جرسنا=بالبيوت اللي تقل وقع برديه والله انا من سببها مانعسنا=نعسةٍ نقدر نسميها هنيه ازعلتنا وانشوينا وانحمسنا=من زعل شقر الحرار الصيرميه الخوي ماكدره كدر ونسنا=جدنا الاول موصينا وصيه والا ابو منصور وده يفترسنا= مير ماجتله على كيفه وغيه لو حصله ظنتي كان التمسنا=لين بالشكوى يحملنا طميه ولو همس بسموعنا مثله همسنا=في سموعه قبل لاتصبح قضيه خلنا من سالفة ضيق نفسنا=وضاق ابن مشيب وضيقها عليه الصراحه ودنا ماجت على آسنا=مير ماهي بالتمني ياعطيه مادرس من لاعرف نحنو ولسنا=اترك ادروس الحياه العايديه مادرسنا مثلكم لاكن قبسنا=نارنا من درس تجربةٍ قويه علمتنا كيف نخرف ماغرسنا=وعلمتنا كيف حمل البندقيه وعلمتنا كيف نسبح لاغطسنا=بالبحور الهايجه والغيهبيه وعلمتنا وش نجيب اليا رمسنا=للمراجل بالليال الخرمسيه وعلمتنا نحمد الله لا عطسنا=ولانزك نفوسنا لوهي زكيه والردي بقدامنا فوقه دعسنا=ولايجي من رفقته غير الأذيه ولايدنسنا ولو حاول دنسنا=ولايفور دمنا عشرين زيه مير قله جيشنا يحمي حرسنا=بالرجال وفي سلاح المدفعيه وقله انا لاهرجنا ما هلسنا=ولانجيب الا العلوم الواقعيه وقله انا لاوقفنا ما جلسنا=لين نلحق شفنا والنار حيه ومن لحاسة غيرنا ماقط لحسنا=ولانفكر بالهوين والبليه

رحمكما الله يابن عتيق الحنيني ويامهجرس دليم الشدادي
كم يفتقدكم الشعر الحق والشعراء الرجال الأوفياء