ديوان الشاعر مناع الوهبي

ياللي تهرج وش وهب عبر االازمان =حنا زحــــازيحن فعل وردودي
قاله ابن خشـــــــــــمان ردن لفسقان =حنا الطلوح امعربين الجدودي
واللي ســـــواتك لاغلط غصب ينهان =والنقص نقص ولاإظنه يزودي
يامضيع الـــــــهرجه على غير برهان =يالسـاقط الضايع دلخن ربودي
ياللــــــــي تهايط وانت عميان غلطان =تظلم قبايل وانت مالك جهودي
وأنا احمــــــــدالله عزوتي خير فرسان =الليا نزلنا السوق سقناه فودي
بين القـــــــــــــبايل قدرنا عالي الشان =حنا الطلوح امعربين الجدودي

يامساعد هاض الذي فيني "=كل البلاء صار قدامي.
أطرد و عادت شياطيني"=ماتنربط وقت الاصيامي.
وغديت مابين ثنتيني"=بين الحقيقه والاوهامي.
طروا عليه عزيزيني"=غابوا بلا ذنب وأثامي.
كل البلاء مايراعيني"=مارتاح قلبي ولا أقدامي.
واللي تسلك بوجهيني"=ماهوا على دين الاسلامي.

سن القلم واكتب حــــــــروفن جزايل =لــــــــــــلأبه أهل الطيب والمقدريه
حربن هل الافـــــــعال واهل الجمايل =واهل الصخى والجود واهل الحميه
أنا أحـــــــمدالله مابنا ضلع مــــايل =كلن يســـــــــــــاعد بالمواقف خويه
ميثاقنا معــــــــــروف بين القبــــايل =حنا هل الصـــملات في صــــدق نيه
واليوم حان الوقت يا أهل الصمايل =أندهى بها مســـــروح وسالم سويه

على الله يهتدي طرق القصيد وتجهز الامثـال
وأعبر بالقصايد عن شعوري وأطلب الخيـره.
اعرف الشعر وأهل الشعر وأشري خوة الرجال
ولا أقصر إذا قصر معـي يصبـر لتقصيـره.
يبين لك خفى الرجال مشوار السفـر لاطـال
وعن الزلات والغلطات وش عذره وتبريـره.
على الله كل شي وللحمـول الكايـدات جمـال
صحى النايم ولابعد الفجر نومـه وتصفيـره .
هنا الوقفه هنا المعنى هنا المخراج والمدخـال
هنا أول انطـلاق ومابقـى لفـه وتدويـره.
وأنا اقف دون قولي واتحدى واشرب الفنجـال
ترى ياهيه ماباقـي بهـا شوتـه وتدويـره.
ماحب أكشف عن أسمك للعرب ياجارح العقال
لاكن ياهيه تكفي عن بقايا اسمك وتفسيـره.
علـى العقـال يـاذوال لاتلعـب ولاتحـتـال
هناك اللعب بعيد وديرتك ماهيب لـي ديـره.
عسى الله لايعقلك فسفـر والحـال والترحـال
جزاك الذم من كل العـرب ياخايـن الجيـره.
احسب ان العرب جهال وانت أجهل من الجهال
ولاعنـدك لسلـم النـاس لانبـذه لاسيـره.
الشاعر مناع