ديوان -الشاعر محمد الكنيـــــــــــدري

يالقايدي جيت وانصاني= بهر دلالك وشب النار
الماد يبغى الحميداني= وانته فى ميله من الشطار

خذني هوى ياهوى خذني= بمشي معك في دروب التيه
وراضي عذابك وعذبني= من غير لآسال واقلك ليه

النوم للمهتني راحه= والي بهمه منه مارتاح
مادام الافكار سواحه=كيف يتهنى بنزف اجراح

يانسمة الليل روحيله= وحسي لي الشوق فى اسراره
ولاقال لك اه قولي له= مغليك مثلك على ناره

دق الفرح عندهم وانا= في جالهم مادعوني فيه
ومابيننا جيرة اقنانا= ومدي لهم بالوفاء موفيه
مدري تدابير شيطانا= اخلف علينا صفاء نمشيه
واغوابهم عدل الاوزانا= وميراد مدي نهو ماضيه

ليلي سرى وانعرف تاليه= فى مشابهة ليل عشته امس
عجل ياصبح الآمل وانهيه= واطمس بقايا جروحه طمس

شوف المنازل بعد ماخلت= الي بها من رجال دهات
وصلت الى حد ماوصلت= وقفابهم هادم اللذات

يامن عليه اتجه وادعيه= ياخالق الخلق سبحانك
عبدك غوابه جهل ماضيه= واليوم طالبك عفرانك

كل مابصيص الآمل عشناه= مات الآمل وانقطع وصله
مامن تمنى ونال مناه= الا شتكى ماعترض سهله

لاحنا ضمايا ونشكي جوع= ولانار نشكي صهارجها
ولاحنا من الي خساس طبوع= ولاسلافنا من عوايدها
حروب وقت اللوازم طوع= فى صداف هبت عجايجها
من ساس واحد كثير فروع= ورجال عالي مناصبها
شجعان مانلتفت لرجوع= ونخوض فى اقصى نشايبها
ومهما انجبرنا نهل دموع= مانبيح خافي سبايبها
ولاازمت حالة الموضوع= نفتش لها من مراجعها
ولله وحده حنينا خضوع= مهما شكينا مصاعبها