ديوان الكحيله للشاعرة كحيلة حرب

السلام عليكم ورحمة الله وبركاته

والــهـــوا مــابـــه عــلـــى مـثــلــي مـعــيــره

شطر من قصيدة لشاعرنا القدير مساعد الجليدي
http://www.m-harb.net/vb/showthread.php?t=148129
وهو يشير لصحاب النميمة والغيبة والعالم اللي مالهم شغل الا قال فلان وسوى فلان
و حرك الساكن وجت هذه القصيدة نتمنا ان تكون في مقام المقال

يالجليدي لاتعيش الامر حيره=عبر المعنى وخل الخفياتي
هرجة العذال مافيها بصيره=كم رمو في هرجهم للمحصناتي
قادهم شيطانهم ويدق زيره=ينبشون قبور مافيها رفاتي
الرخيم اللي مثل هرش الحضيره= وانيٍ حيله ويزبد بالرغاتي
لايسام و لايباع ولاتعيره=ولو ذبحته مايقدم لرعاتي
بعد الله مثلهم عن كل ديره=كان فرقا مثلهم راس الغناتي
وانت شاعر ماتبا مني مشيره=مار هاض القاف واسرج مفرداتي
اقبل المردودمن عذرا حذيره=ماتنزل فكرها لنازلاتي
تفتخر وان قيل حربي العشيره=وتعتزي بفعول اهالها الطيلاتي
حرب لاقلو على حرب المغيره=وقفوبسيوف هند مصقلاتي
دون عانيهم لهم وقفه كبيره= يشهد التاريخ ذاعلمٍ ثباتي
ذودهم لاقاد ما يقرب نشيره= يحتمونه فوق قبٍ مسرجاتي
المهار اللي على صوت الذخيره=دربت متهاب من جمع العداتي
كم نذيرٍ راح يقفا له نذيره=بادهم جمع الذويبي ياغناتي
سيرةٍ ياحرب ماهي باي سيره= كم ولف عنها لمو لفاتي
واختصر معناي في جمله صغيره=لاتحسب للعقول النقصاتي

http://www.m-harb.net/vb/showthread.php?t=148221

	المشاركة الأصلية كتبت بواسطة الكحيلة

[/TABLE1]

	[TABLE1="width:85%;background-color:gray;"]		نزلت قصيدة الشعر ديوان العرب في احد المواقع واعترضها الشاعر ماجد الرتيق القحطاني ورديت عليه http://www.m-harb.net/vb/showthread.php?t=149311 ارجوكم اعطو لشعر حريه=خلوه يروي بالمعاني ضامي لايقتل الأبداع سو النيه=وعلوم تلبس لنفاق الثامي الله عالم وش خفا خافيه=اللي كتب يقول ما ينلامي؟ يمكن صحيح وسالفة حتميه=اوهو خيالٍ ناسجه بحلامي لاكن مايعنيك ياقاريه=قوة معاني حرفه المتسامي اللي تهز القلب في حنيه=وتسلي اللي ساهرٍ منامي لحظة سمعها قال هيه هيه=ماغيرها يبري عظيم اسقامي عبير حرف وفاح في مرثيه=ولاغرامٍ بالخفوق وزامي الشعر ديوان العرب مازيه=اليا هدر في بحره المترامي على شواطي نغمته حوريه=بتت من الدر الثمين حزامي وتناثر المرجان في شاطيه=وبداخل اعماقه زمرد طامي ولولو وعقيق ودرةٍ مخفيه=يجيبها اللي ماهرٍ لاعامي من يكتب الاشعار حيه حيه=لاصار في حد الحمى ماحامي كم شاعرٍ يروي من( المطويه)=وكم شاعرٍ (رسٍ) عليه هيامي واللي قراء معناي وأيد ليه=يرفع خطابي للمقام السامي ويقول هذا خطته حربيه=تطلب اعتاق الحرف يالمقدامي وحماه من بعض العقول العيه=اللي عليهم لمحة الاجرامي كحيلة حرب رد الشاعر ماجد الرتيق القحطاني حيّ الجــزيل اللي عبق جــــــوريّه تعــــــداد ما هـي كـــــانت الأيامي يا مرحبا ترحـــــيبتن نجــــــــــديّه بالقاف واهل الشـــــارد الزمزامي باللي نباهــــا بالســـــــــــما ماريّه واللي جـزايلــــــها غدير الظــامي بالشعــــــر واهل المترف و غاليّ نبع النوايف و الشمــــــوخ الزّامي صح اللســـــــــان و زانت القافيّه واللي قريته شَــــــــــدّني لأقلامي للشعــــر فَيّه و المشاعـــــــر فيّه هو ترجمــــــان الخاطر المترامي نوبن يجي حـــــــــــــنيّه وما ويّه والنوب الآخـــــــر للعتب إلزامي ما بينهــــــــــــــم تِيّه و ذيك و تِيَّه للشاعــر أطياف وفكــر و أوسامي الشعر ديوان العــــــــرب يا و خيّه قيثارة الحـــسّ القَـــــــراح الحامي بالحب نفحاته شَـــــــــذى عطريّه وان جا عَتَب دمدم دموع اعوامي ما بينهم جـــوريّه و شــــــــــبريّه بارود وانهــــــار و سما و هْيامي أحــيان حَــــــــربة تاقف ل جنبيّه و احان فيضة عاشقن صمصامي نوبن ملاك و نوب مع جـــــــــنيّه آمال تشـــــرب من قراح أحلامي للشعــــــر يا بنت العــــرب أهليّه بارواحـــــــــــــنا يترنّم و متنامي فينا غدا لليعـــــــــــــــربي ماريّه بصمة فخَـر من سالف الأعوامي هاض القصيد و جيت انا كلــــــيّه والشُــــــــرّد امست خانعة قدّامي أرفع واقلّــــب جَـــــــــزلها بيديّه وارجَـــــع و رتبها على مرزامي حيّ الجــزيل اللي عبق جــــــوريّه تعــــــداد ما هـي كـــــانت الأيامي رد كحيلة خرب مادامها فوري وكيبرديه=ارخ السموع وكتم الانسامي جاريت حرفي يا زبون الهيه=بحرفٍ بديع وكامل الهندامي لجلي كتبت الحرف في ساميه=مهاب في يوم الوغا الضرغامي لوكنت بنت وبالبني ماريه=رقة شعور حساسنا الالهامي لكن في جزل المعاني ذيه=اعلو علو الحر لحظة حامي واصور المعنا على القافية=نقشٍ مميز بالوشام وشامي ولو نكتب المعنى على الفرضيه=قطعت في جزل النشيد خطامي لكن اصيغه في صيغ مرضيه=من شان ماتفرح به الاقزامي اهل القلوب السود والصديه=لعلهم يفدون. للاحشامي والشعر نار ودلةٍ مجذيه=فنجالها ينساق للاكرامي من زعفران بطبخةٍ بريه=عدي على شخٍ زعيم اقوامي في مجلسٍ ماصك عن طرقيه=مفتوح بابه من سنين اقدامي من عهد جده نارهم مضويه=سيرة كرم ماهي علوم الشامي اللي ينقل قهوته في اديه=وبالطاولة لعبة هل الازلاامي ولاشاب قافي بس قلت انهيه=وختام حرفي بصمة الابهامي والله مخون الحرف دامي حيه=لنصب على مت الجدي لخيامي هذا مكاني والردا مو ليه= اللي يجي حياه في مرسامي نبت الفياض وعلته وسميه=خبراه فاضت واغرقت لخصامي من حرفي اسقيهم بسم الحيه=شربوه غيرة وانتحار ارغاامي

http://www.m-harb.net/vb/showthread.php?t=149349

من باع بيعه ولو في حفنة من تراب=ميزحزح الراس غير الله من متونها
دون الكرامة يسكر فوق مليون باب=ولو عسكر الصين صفت قول ياهونها
ماظن دون الرقاب الايدين الرقاب=ذي سنة الخلق مايجهل القانونها
الا ضعيف البصيرة مرتوي من سراب=يركض ورا لمعته جاهل بمضمونها
من قال ارد السحاب امحق يرد السحاب=اليا ارزمة مزنته وانهل كينونها
القافلة ماعثرها صوت نبح الكلاب=تمشي وحراسها معها ويحمونها
ومن لاعترف بالخطاضيع طريق الصواب=والناس ماتنعمي لاسلمت عيونها
قابيل من علمه؟ ياغير ذاك الغراب=منه اعتبر سالفة وانتم تعرفونها
كم حاكمٍ راح راسه والسبب لنقلاب=دارت عليه الرحى مع عرض. مطحونها
من لاعتبر مايغير به كثير العتاب=لاتشقي النفس ياعاقل .بمجنونها

من لاعتبر مايغير به كثير العتاب=لاتشقي النفس ياعاقل. بمجنونها

http://www.m-harb.net/vb/showthread.php?t=149228

ياوليف الروح يالهفة ضماي=ارحم اللي جور وقته ليعه
صب لي كاس الغلا واملك ولاي=مابقي بالوقت وقت نضيعه
لك غلا يالروح يملالي حشاي=لو احطه فوق صلب يميعه
ولوتعيشه كل خلق الله معاي=كان عاشو سلم يجنو ريعه
وشفت كل الخلق عاشت هاي هاي=تابعين السنة ومتشيعه
ياغرام القلب ودك منتهاي=من ملك ودك حرام يضيعه
شمس ودك مشرقة دوم بسماي=وكل صعبٍ في رضاك اطيعه
الوفاء فيني طبع ماهوخطاي=لو يقال إني معاك مضيعه
ارغب العالي وهذا مستواي=ولايهز القلب ضحك وضيًعه
ومن يغادر مهجتي بيباي باي=ما بكت عيني نهار اشيعه

http://www.m-harb.net/vb/showthread.php?t=147458

	المشاركة الأصلية كتبت بواسطة الكحيلة

	السلام عليكم ورحمة الله وبركاته الحقيقة ان اللي يقرا ما يكتب ومايقال في تويتر والفيس بوك يشك ان يكون هذا الكلام من مسلمين يخفون الله ويعرفون انهم محاسبين على كل حرف يكتبونه كيف لما يكون في اعراض المسلمين انفسهم من جد استغرب سعة الذمة وفراغة العقل وهزالة المنطق اللي في هذه المواقع كل اغلبها حش بعراض خلق الله من اقصى الدنيا لدناها في مسلمين وفي كفار شيء مايصدقه العاقل حتى العلما حشو فيهم وكانهم ينسون او فعلٍ ناسين انهم محاسبين كل همهم كيف تضحك الناس على فلان كائن من كان استغفر الله لنا ولهم ونطلب الله لهم الهداية وفل يحذر الجميع الامر اكبر من كلام يقال يقول نبينا صلى الله عليه وسلم (وَيْلٌ لِلَّذِي يُحَدِّثُ فَيَكْذِبُ لِيُضْحِكَ بِهِ الْقَوْمَ وَيْلٌ لَهُ وَيْلٌ لَهُ)اخرجه أبو داود من هذا الحال جت هذه الابيات ولا نزكي انفسنا لكن نطلب الله الثبات ماضاقت الا ورب الكون فارجها=مار البلا ناس ربي مايخافونه اهل القلوب المريضة من يعالجها؟=ناسٍ تبيع الذمم والدين ينسونه اللي على غيبة المقفي مهرجها=تحط بحظوظها لو مايعرفونه وراع النميمة خيوله دوم يسرجها=يبحث ورا الناس لو ماشفت عيونه السالفة من مريض الفكر درجها=ويبهر لطبخته من فاسد ضنونه اليا لفى مجلسٍ يضبط بهرجها=يبهر بها ناس تركض معه مفتونه ياقوة الله والذمه محرجها=يبيعها بيعة اللي زادت غبونه واليا خلص مجلسه لتويت عرجها= Twitter اللي ربوعه به يزفونه والسالفة هو بطلها وهو مخرجها= لوكان في واقعه خالف المضمونه دايم ونفسه مع اهل الخير محرجها=ميتوب لوكان بالكعبه يقصونه

http://www.m-harb.net/vb/showthread.php?t=148375

[TABLE1="width:85%;background-color:black;"]

ياسحابٍ تكاشف بارقك في مزونك=عل دار الحبيب كان يمزن طايع
وقول له ما ولهت ولاحرقنك شجونك؟؟=ماذكرت الودادٍ شاف منك الشنايع!!
كم قسيت وطعنت ولا شكا من طعونك=يستلذ بجروحه منك رغم الفضايع
رغم حدة سيوفك ماطلب منك هونك=لجل ماتحتسبها من كبار الذرايع
حالفٍ يا وداده مايشتت ضعونك=وافيٍ لك وقلبه بالوفا معك رايع
لاتطاوع عداك وتستزيد بجنونك= انت فرقك عن الباقين مثل الطلايع
فارقٍ في غلاك ومستحيله يخونك=وشي يجيب المنامة عند حي الشرائع؟؟!!
خوف خوفه عليك تكون تتبع ضنونك=يشتريك بغلاه وصرت للود بايع
ورغم ذلك سجينٍ في دهالز سجونك=حافظٍ لك ودادك ماهو السر شائع
لايغرك كلام الناس تكفي عيونك=شوف حرفه بودك صار للود ذايع

http://www.m-harb.net/vb/showthread.php?t=148398

لو تجتمع شعار خند ف على يام=ومعهم شبابة موصفولي شعوري
من هاجسٍ بالقلب معدمني اعدام=يخنق لي انفاس النسم وسط زوري
اعيش به ليه ثلاثة عشر عام=وثنتين عدو فوقهن يالحضوري
بسباب من قفى وانافيه منلام=روحٍ خذت من روح دون محذوري
اليا ذكرته تنقسم روحي اقسام=احس كن الارض فيه تموري
ولا هيالٍ و انجرف تحت الاقدام=او كن غبات البحر في تدوري
اتوه لامني تذكرت الارسام=ولا بعد مريتهن في عبوري
وتسبقني العبرة مثل دمع الايتام=في يوم عيدٍ مالقو من يزوري
مراقبتهم سكرت كل الاقسام=وراحت تعيد ممتلكها الغروري
وانا كماهم حالتي عدة اعوام=من يرجع اللي غاب وسط القبوري ؟!!!!
اعيش بين الناس جسمٍ كالاجسام=والقلب والتفكير معه مخبوري
ترا كلامي ماهو عن حب وهيام=عن واحدٍ فارق وناحت سطوري
وااللي فقد غاليه ياناس ميلام=لو جاوب لسرحان قيل معذوري

http://www.m-harb.net/vb/showthread.php?t=147570

يامرحبا واهلين ياقرة . العين=كل المشاعر في وجودك سعيده
قلبي عطاك الود من خمسة السنين =يبني صروحه بالخفوق ويشيده
وسط المدينة فوق خمسة ملايين=وبالمملكة عشرين مدري تزيده
لكنك انت اللي لك الود معطين=في وسط قلبي ضخ ودك وريده
ملكت قلبي مثل ملك السلاطين=حاكم عليه وسيده و ابن سيده
من وين ماتامر على القلب والوين=يمشي معك في كل دربٍ تريده
لنك وداده والغلأ بين غالين= حطك على قمة غلاه وصعيده
لاتلتفت بقوال بعض الرديين= خلك معه غلاك يُرفع رصيده
ترى الغلا ماهو بيوتٍ من الطين=ترا الغلا عدٍ رهين وريده
اليا صدق به من يودك على الزين=يبقى معك طول السنين المديده
ماتغيره هبة رياح الخماسين= لو عارضت كل الظروف العنيده
يبقى معك سلم الوفا والوفيين=لين العمر يمضي ويالقا وعيده
يكفيك من رمز الغلا بس حرفين=ال-ح -تبعه ال-ب- وغنى نشيده

http://www.m-harb.net/vb/showthread.php?t=118735

من سدرة الشوق ناديتك وناديته=اللي عليها يروجع نايح القمري
وين انت ياللي لك المكنون فكيته=كيف القدر باغتك في لحظة الغدري
ياكم دمعٍ عقب فرقاك هليته=وياكم لي عبرةٍ ماغادرت صدري
اكفكف الدمع بالمنديل واخفيته=وعذري المنهو سالني والمٍ عذري
الرمش يوم انثنى بالنون عانيته=خاف الله اني عقب ماغبت ياعمري
لو يارد الذود من طرفي مرويته=صبري نفذ يالغلا ماعد لي صبري
صعب اتمالك شعوري يوم مريته=بيتٍ الياشفت بابه ينكسر جبري
الد فيه النظر والدمع هليته=ياليت في جنب قبرك وزانون قبري
وارتحت من دنيتي والحزن خليته=لكنها افلاك فيها ايامنا تجري
في قدرة اللي مصلينن على بيته=عالم خفاناوعالم قدرك وقدري
فرق شتات الشمل والحزن خاويته=خوة ندامة على ماقيل وش عذري.

http://www.m-harb.net/vb/showthread.php?t=146937