محاوره لجميع الشعراء

لله درّ اللِّي حريص و لا بقوماته طِفَق= في موقعه ماشي بعيد(ن) عن متاهات الشّلَلْ
يمسك اشْعَرْةْ معاويهْ بيديه و بجيبه تِفَق= و لا يهاب يقول كلمةْ حَقّ الى شاف الخَلَلْ

ثلاث لاجت فا الرجل ترفع مقامه بالثبات = الفكر والمنطوق واليمنى لامنه مدها
مضحي جمعها لين عدا فالحيود النايفات = حبه على راسه والاخرى عن يده لاتردها

صح الله السنتكم مساجلات رائعه

	المشاركة الأصلية كتبت بواسطة حسين مريع العبيدي

	لا جت ثلاثٍ فا الرجل ترفع مقامه بالثبات = الفكر والمنطوق واليمنى لامنه مدها مضحي جمعها لين عدا فالحيود النايفات = حبه على راسه والاخرى عن يده لاتردها

سلمت يا حسين مريع العبيدي
الظاهر انك نسيت شرط اللعبه اللي انت وضعت
و من باب الميانه قدمت "لاجت" على "ثلاث" حتى نمشي على الشرط

حياك الله يالصييفي
ارجو انك بخير
اخوي انا عند ماجيت اكتب كان الموجود البيتين اللي قالها اخونا مضحي وعن ماقر يناها انا والولد في الليل
قال لي اخرها مثل وعلى هذا الاساس بنيت ابياتي معذرة عن الغلط وجل من لايسهو لك تحياتي اخوي الغالي
واسمع طالعمرك

للي علينا حط ملحوظة نعم للمحترم = قولك ترى جا في محله والغلط منا حصل
واللي عرف مقدار نفسه قدروه اهل الكرم = واسمح لنا لاشفت سهوة مثلكم من يحتمل

	المشاركة الأصلية كتبت بواسطة حسين مريع العبيدي

	حياك الله يالصييفي ارجو انك بخير اخوي انا عند ماجيت اكتب كان الموجود البيتين اللي قالها اخونا مضحي وعن ماقر يناها انا والولد في الليل قال لي اخرها مثل وعلى هذا الاساس بنيت ابياتي معذرة عن الغلط وجل من لايسهو لك تحياتي اخوي الغالي واسمع طال عمرك للي علينا حط ملحوظة نعم للمحترم = قولك ترى جا في محله والغلط منا حصل واللي عرف مقدار نفسه قدروه اهل الكرم = واسمح لنا لاشفت سهوة مثلكم من يحتمل

الله يحييك يا حسين مريع العبيدي
و ملا حظتي كانت من باب المداعبه طال عمرك
و كلنا نخطي و حدّث و لا حرج
لو دريت انك تبي تلكلف نفسك ما مزحت معك
بارك الله فيك

لا تحسب انِّي في ملاحظتي قصدتك بالعتب= كانت ملاحظتي دعابه، ليتني ما قلتها
كفّيت باللِّي قلت و اوفيت و خذيت اعلى الرّتَب= يا شاعر في ماقفك كل الشهامه نلتها

اخوي الصييفي امزح طال عمرك ماعليك نحن في ملتقى المحبة بالعكس ماهناك اي تكلف ولكن ورانا ناس تقرأ ولازم مانكابر نعترف بالحقيقة اما مداعبتك فحياك الله خذ راحتك وافهم ان اخوك مايطري على باله الزعل مهما حصل من اي شخص كان اما انت تدلل لك تحياتي

هاوي لنصح الي نصح وقرا ليامنه كتب = نقدك شرف ليه بعد نبهتني عدلتها
يامرحبا بك قول وانا لي على الغالي طلب = انك تعدلها ليا ماشفتني ميلتها

والله اخرتكم ماشفت الابيات الا الان اول احسبها توقيعك لك المعذار عن التاخير وتقبل تحياتي

صحت السنتكم شعرائنا الكرام
واصلوا ابداعاتكم

لكم ودي وفائق احترامي


العبيدي

هات خشمك ياحسين العبيدي يا كبير=أنت شيخ(ن) في تعاملك شيخ(ن) في أدبك
طال عمرك ماني امراقب و لاني نظير= شاعر(ن) يدخل و يسبك حروف الشعر سبك