ديوان الشاعر ( حفيد الحجيري )

يا نجمـة سهيـل دلّينـي=عنوان من كان لي عنـوان
ومن يوم ضاعت عناوينـي=و آنا على الصبر و السلوان

يوم الوطن كان ما حـركّ!!=مشاعرك !! وش يحركّهـا؟؟
و حسّ الوطن كان ما مركّ!!=اِرحل عن .. الدار .. واتركها

أيام راحت و أبتْ ترجع=في جوفها أسرار مكنونه
لو بحتها القلب يتوجـع=و دمع المحاجر يبَس نونه

يا ذابل الطرف ما ترحم=طرفاً ذبل في مراعاتـك
عزمّت بأشكيك وأسترحم=قاضَ الهوى في مقاضاتك

ابن حاسن اليوبي=
يا اهل المروات ابغى حل = الجرح في القلب متعبني
صبرت نصف العمر واشكل=والصبر عيا يقربني
الحجيري=
ما ظنّ قلب المعنّـا يكـلّ=لو غيـر الآلام مـا يجنـي
غيرك قضى العمر عيّا يمـلّ=تسأله قال .. الصبر يا .. ابني

كسرات رائعه جداً
صح لسانك
اعجبتني
ان شالله رايح اسولي
قصائد بالكسرة
تحياتي لك

الحجيري=
يكفيك يا قلب ما صابـك=لا عاد للود تفتـح بـاب
بعْد إنّها جت من أحبابـك=وش عاد ترجي من الأغراب
أبو رحم=
مبـدع دواما"وباعجـابـك=حبيت أسجل لك الأعجـاب
للـود لاينقـفـل بـابـك=إن جت من أحباب ولاأقراب
الحجيري=
و اِحنا كذلك سعدنابـك=كلمتك عندي بوزن كتاب
لا جتك من أقرب أقرابك=لا عاد تبحث عن الأسباب

يا شين راع الكرم شيناه=لا صار مصحوب بمهايط
مهما بهياطه عطت يمناه=تبقى شخابيط عالحايـط

أصعب قرار اتخذته يـوم=يومنّ قـررت نسيانـك
ما كنت أحسبّ يجيني لوم=من قلب خنته ولا خانك

وليف الطير=
أيامنا بين عدل وميل=والمايله مـن يعدلهـا
وقلوبنا بين حط وشيل=منهو عن الود يعذلها
الحجيري=
اِعنز على الله يا راع القيل=عليه توكل واِعقلهـا
كم ديرةٍ ما وطاها السيل=بعد الدُعا الربّ سيّلهـا