 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
|
|
30-08-23, 08:46 PM
|
#1 | |
|
مستشار القوافي
|
يالله بنون يسر العين براقه
يسقي مداهيلنا ويعم الاوطاني شهر بكل الحبيبه تشبع الناقه وتجار الاعلاف دوب تقول مجاني لو ان مالي على سج القدم طاقه من بعد مقطع بعيد الدار وحداني النفس للماضي المانوس تواقه حب البداوه جرا مع دم شرياني حرارة الشمس تعطي للجسد طاقه مايهمني لو سرحت الصبح حفياني ومكيف البيت الاسود رفعت ارواقه والتدفيه بالحطب والزند صواني والماء بقربه وربي قسم ارزاقه علام مايدور في ذهنك يالانساني واليوم نفسي من ادنا شي زهاقه وانا من اول وسيع بنود وبطاني عجاب صالح الحنتمي |
|
|
|
02-09-23, 08:30 PM
|
#2 | |
|
مستشار القوافي
|
لاصرت ماترجى ولا منك ينخاف
عزي لحالك يارفيقي باهل الجيل ييتن سمعته من على وقت الاسلاف اعجبني المعنى ودق التفاصيل واخذت لي مع هجعت الناس محراف اسامر نجوم السماء والتماثيل القاف ياهل العرف مبني على القاف شاعر بيوتي بالمعاني محاميل من شان مايلقابها كل مزهاف علي درب ويرقب الضلع ويميل من قام يرقب للخطا كل مهياف لابد ماصلف الهبايب له اتشيل نصيحتي ياهل المراجل والانصاف باليله السودا سوات القناديل من عاش بالدنيا بلا دين واهداف مايفقدونه بعد موته رجاجيل الطيب ماهو عملتن عند صراف الطيب عمله بين روس المشاكيل اليا عطوه اهل السعه عرض الاكتاف نلقاه عند رجال ماتبخص الكيل عجاب صالح الحنتمي |
|
|
|
|
05-09-23, 07:40 AM
|
#3 | |
|
مستشار القوافي
|
يامتعب ابن حمود يامعدن الجود
ياطيب الرفقه وسيع البنايد سلام تسليم الوفى ماله حدود ماغرد القمري بخضر الجرايد ياطيب الفزعه ذرى كل مضهود تستاهل البيضاء وجزل القصايد عليك يابن الخال حليا من العود الشايب اللي طيب راس عوايد رجال عرف وماوطا كل منقود يشكر ويذكر في نهار الشدايد طيبه مع العربان واضح ومشهود تشهد على جوده وطيبه بدايد ذكره وفعله بين الاجواد محمود في حال ياهونه وفي حال كايد عجاب صالح الحنتمي |
|
|
|
|
06-09-23, 07:30 PM
|
#4 | |
|
مستشار القوافي
|
يامكيف الفريون عندي هوا نجد
اخير وابرك من هواك الصناعي عليك وقتي حدني بالزمن حد خلاني امشي طوع ماني مطاعي مابيني وبينك عداوه ولا ود الود لدار البعيد الرفاعي عن زحمة الشارع وشوف المقرد وكثر الكلام اللي يجيب الصداعي على فراشي عتمت الليل ممتد والعين لنجوم المجره تراعي وعلي يذكر يوم نارد على العد وهاك الديار الطيبه والمراعي يوم القلوب انظاف ماتعرف الحسد واليوم ياستار مثل الافاعي عجاب صالح الحنتمي |
|
|
|
|
09-09-23, 01:35 PM
|
#5 | |
|
مستشار القوافي
|
ياما بهالدنيا جرت لي تكاليف
وزريت اميز وجهها من قفاها ساعه تقابلني بورد وغطاريف وساعه تكدر خاطري من غثاها ماني عليها من كثير التحاسيف اخترت عنها الاخره من رداها ياحن قلبي حن خلجن مواليف على القليب اللي طويلن رشاها وردن عليه الصبح في جمرة الصيف لقاعتة غاير من القيض ماها داجن عليه مقوسات الغضاريف وماتن ضما والشمس بوسط سماها على زمن مافيه حسد وملاقيف والناس طيب قلوبها من رضاها مافيه لاغيبه والا فيه تحريف لو صعب كل الناس تكسب رضاها واليوم وقت مفرقين المواليف ياقل طيبها وكثر اسفهاها عجاب صالح الحنتمي |
|
|
|
|
12-09-23, 07:01 AM
|
#6 | |
|
مستشار القوافي
|
يامن خبر يحذي وهو مالك شين
هذاك ابن ناحل بماضي سنينه بيت اشتهر لعبيد حرز الذليلين ياطيب معنى عبيد يسامعينه قدام تجار البلد والملايين يوم ان كلن نجدته من يمينه هذاك هو وقت الكرم والكريمين يوم الفتى تدمع من الجوع عينه رغم الظروف الخانقه والمعاوين راع الكرم والجود ربك يعينه يجود بالماجود نسل العزيزين لو الفقر والجوع واسم جبينه هذا الكرم يفاتحين الدواوين يعازمين الضيف ومصورينه قدام مايقلط تشوفه ملايين لاعاد يومن فيه يعازمينه دروبه الاقصين قبل القريبين بالضيف وبسلوم الرجاجيل شينه عجاب صالح الحنتمي |
|
|
|
|
16-09-23, 09:10 PM
|
#7 | |
|
مستشار القوافي
|
انا علاجي شوف جرد الصحاري
قبل الشتاء والقيض مقفي حسابه تو المطر مالي جميع الخباري وتشوف بالمنشا نواشي سحابه وقبل الظهر قدام وقت العصاري عم الديار جبالها والشعابه مافرقت نوه هبوب الذواري سبحان خلاقه عظيم المهابه قدام ماتجري علي الجواري وتركز على قبري طويل النصابه ابغى اتونس مع وسيع البراري وعيد للقلب المولع شبابه قدام ماسكن في هذيك الحواري وانا بدوي وسمع قنيب الذيابه واليوم ماسمع غير صوت البواري والطرق زحمه والبلد يندعابه عجاب صالح الحنتمي |
|
|
|
|
16-09-23, 10:45 PM
|
#8 | |
|
عضو نشط
|
يجود بالماجود نسل العزيزين
لو الفقر والجوع واسم جبينه هذا الكرم يفاتحين الدواوين يعازمين الضيف ومصورينه ياسلااام صح ذوقك ياسعد المحمدي ملايين صح كلك هذول بيتين كل بيت يحكي قصة جيل صح لسان قائلها وسلم بنان من أتى بها وامتعنا بقرائتها لاخلا ولاعدم |
|
|
|
|
17-09-23, 06:34 PM
|
#9 | |
|
مستشار القوافي
|
طال النهار وقلت وين انت يالليل
عسى سواهيج الكري تشرح البال اثري ظلام الليل هم وبهاذيل على عيوني يوم مريت الاطلال بالحلم سجيت القدم بالمداهيل باول شبابي يوم لزمل جمال وبطرافها شبيت ضو المعاميل وسويت لي من طيب البن فنجال ولي اشتكت قل المطر والمواصيل وبعض الشبوك اللي من الجال للجال قلت الوصل مفقود جمله وتفصيل باللاف مانطلع ثلاثين رجال اما الشبوك اللي سوات المحابيل مالي بها حيله وانا رجل رحال وصحيت من حلمي ودمعي هماليل بعض الحلوم تقول من واقع الحال عجاب صالح الحنتمي |
|
|
|
|
17-09-23, 07:56 PM
|
#10 | |
|
عضو نشط
|
بالحلم سجيت القدم بالمداهيل
باول شبابي يوم لزمل جمال وبطرافها شبيت ضو المعاميل وسويت لي من طيب البن فنجال روووعه وربي روعه واكثر صح لسان قائلها وسلم ذوق وبنات ناقلها الشاعر القدير سعد المحمدي صح كلك ملايين لاخلا ولاعدم |
|
|
|
|
|
|
|
|
 |
 |
 |
العرض المتطور
