ديوان الشاعر سالم البشري

فواز الزويهري=
ياسالم البشري البيطـار=سلام حشمه لكم مـردود
اليوم حاير وابا استفسار=من علم مثل الليالي السود
القلب كاتب علينا اقـرار=من جذ حبله جنا المنقود
واليوم أشوف البنا ينهار=وعند الجزا للمآسـي زود
سالم البشري=
يامرحبا نفرش الأزهـار=في دربكم ياعميل الجود
ياعارف العلم يامحتـار=قلّي وبابذل لك المجهود
مايلام من يدرق الأخطار=ويحذر اللي هناك قعـود
واللي بنى عارف المعمار=مايروح فيه الوفا موجود
فوازالزويهري=
عسى البقا واسمع اللي صار=ياللي لكـم فالمعانـي فـود
اقلوب فيها الحسـد والنـار=غطت على باااااذل المجهود
والصافيه أصبحـت فاكـدار=والظن بااااادي على المورود
حاولت أدور بصيص أعذار=عجزت للقا لهـم مقصـود
سالم البشري=
ادعي لهم ربـك الستـار=يمكن ربيع القلوب يعـود
واجب لهم تلفت الأنظـار=وتفتح لهم بابها المسدود
بالطيب لاتعـدم الأفكـار=حتى الصفا فالنفوس يسود
ولاّ ابتعد واطلق الإنـذار=وأجرك تناله من المعبـود

سالم البشري=
قلب المعنّا شكا حاله=وين الذي يسمع الشاكي
كيف يتخلص من أهواله=ولايعيش طول العمر باكي
اللهيب=
سالم البشري=
بعداحتمى الحمل واشتاله=وجر القدم فوق الاشواكي
ماوافق اللي على باله=حتى بلغ حد الانهاكي
اللهيب=
ماكل جهد الفـــــتى ناله= ياقــــدرة الرب سماكي
مكتوب عمره مع افعاله=من قـبل يادار ينـصاكي
والياس جوّد على اقفاله=ويالعيــن الامال تبراكي
والصبرلاتــــــقطع احباله=صـفحة تجارب قريناكي

سالم البشري=
قلب المعنّا شكا حاله=وين الذي يسمع الشاكي
لاجل يتخلص من أهواله=ما يعيش طول العمر باكي
اللهيب=
لاباس ياقـــلب نسعاله=والطب من رب الافلاكي
لكن نبي موجز اعماله=بالمعرفه جمع الادراكي
سالم البشري=
بعداحتمى الحمل واشتاله=وجر القدم فوق الاشواكي
ماوافق اللي على باله=حتى بلغ حد الانهاكي
اللهيب=
ماكل جهد الفـــــتى ناله= ياقــــدرة الرب سماكي
مكتوب عمره مع افعاله=من قـبل يادار ينـصاكي
والياس جوّد على اقفاله=ويالعيــن الامال تبراكي
والصبرلاتــــــقطع احباله=صـفحة تجارب قريناكي

سالم البشري=
ياصحابنا يارجال القيل=سلام سالم بعد غيبـه
مع وافر الود والتبجيل=ياهل المعاريف والطيبه
صقر المقرح=
يامرحبابـك مربـي جـيـل=يـامـن سعـدنـا بترحيـبـه
لك حرف ما يقبل التعليل=وبين الرجاليل لـك هيبـه
سالم البشري=
تبقى وجانا وفـا تكميـل=من مشرف القيل مع طيبه
والآن نبغى المثل ياليـل=يمشي على نهج ترتيبـه
صقر المقرح=
ياالله عساه الكريم يطيـل=في عمركـم دوم ياشيبـه
أسمعْـك وأحلـل الترتـيـل=نروّح به الحرف ونجيبه
سالم البشري=
قلبي خضر زي غصن يميل=مع الهوى ويش اسوّيبـه
والود بيني وبينـه ميـل=إن جيته اخاف ينحيبـه
صقر المقرح=
مجبور تقبـل بـه التعديـل=والقلب ماشيـه لا تسيبـه
لا تجعل الخوف والتحليل=يؤثر علـى القلـب تأنيبـه
سالم البشري=
الود مايقبل التقبيل=عارف مكانه وراضيـبه
أخاف أنا يرفض التحميل=قلبي ويحرج محاسيبه
صقر المقرح=
أقــدم ولا تتـبـع التـأويـل=ياكم من الناس تمشي به
لجل الوداد القلوب تشيـل=والـود الأخطـاء ماتعيـبـه

محمد سعد اليوبي=
عامين في نقض وعنادي=وهذا السنة زاد حالي حال
لا مـاء أقبـل ولا زادي=ويلاه .. من شدة الأهوال
سالم البشري=
ماتلام لو وقتكـم زادي=همك وساءت بك الأحوال
اصبر وخلك معه هـادي=وبكره يجي لك لها حلال
محمد سعد اليوبي=
غرد بي الطائـر الشـادي=حتى احسب اني ملكت المال
ولما رفعت اللحـن حـادي=ولياك ترفـع معـه مـوال
سالم البشري=
ماجيت للطيـر ياستـادي=ولاجيت اناقض على العزال
وان كان ماناسبك عـادي=باخرج ولاينشغل لك بـال
محمد سعد اليوبي=
ماني لكم يافهد حـادي=في ايْمنك بالقول الأفعال
ودي دعم منك واسنادي=والفال لازم وراه عقال
سالم البشري=
أبشر إذا احتجتني نادي=آجيك وقت الطلب فالحال
وادعمك لاقلت بارشادي=اللي يفيد العليل الظـال
محمد سعد اليوبي=
لاجلك قبل كنت في النـادي=وأخذت لك في الهوى فنجال
استشعر الأمر من غـادي=ورد الخبر ياجويـد الخـال
سالم البشري=
أخطيت كنك فالاعدادي=وانته من السوق يادلال
ماني معك معطي الوادي=لساع عقلي معي لازال

ماهر أبوخالد=
سلام مني لكم ينصـاك=وخل التراحيب في جوفك
جاني صداها بعد عنّـاك=صاحب ويدري بمعروفك
سالم البشري=
يامرحبابك حسب مبـداك=واجب على من قرا حروفك
فعلك رقا فالحشـا عـلاك=عندي ولااشـك فوقوفـك
ماهر أبو خالد=
دايم يميني على يمنـاك=أفخر ويبقى السعد شوفك
مابين هذا وذيـك وذاك=عندي أمل تبصم كفوفك
سالم البشري=
فالمسأله باختلف ويّاك=فحساب عدك ومصفوفك
مابينهم من هنا لاهناك=وافي ومثبوت فكشوفك
ماهر أبوخالد=
مايختلف حي في مسعاك=والقيل من حلمك يطوفك
مادام طيبت لي مرمـاك=ضيعتني اليوم بحلوفـك
سالم البشري=
ماطافه القيل يوم أعطاك=سلمه على قد مصروفك
بذل لك الجهد ماخـلاّك=وحدك ولاراح لجروفـك
ماهر أبو خالد=
ما يجرفك كان ما مـلاك=والحكم يأتي من عروفـك
القاضي ينظر مدى شكواك=يا أعطاك ياجاب مقصوفك
سالم البشري=
عــنــدي مــبــادي ولاتـخـفــاك=وحكمي على بضاعة رفوفك
بــاب الـثـقـه حـيــث مـــاوداك=راســك بـيـدرق عــن كـتـوفـك

محمد سعد اليوبي=
سلام مبني على سيسـان=ومتكَاملـة كـل أركـانـه
أقرب من القلب للشريـان=وأعلى من سهيل في شانه
سالم البشري=
ترحيب من غالي الأثمـان=ثابت على الطيب ميزانـه
ومادامت إن الوفا عنـوان=لابـد ياصـل لميـدانـه
محمد سعد اليوبي=
عسى البقاء ومثلكم لا بان=يجلى عن القلـب أحزانـه
في دار من علَّوا البنيـان=نعميـن ساسـه وبنيانـه
سالم البشري=
تسلم ومن شارك الأخوان=شـرواك كسبـان بآمانـه
والآن قود المثـل يافـلان=عطنـا حروفـه وتبيانـه
محمد سعد اليوبي=
خرَّج سحاب البحر ربـان=حتى علـى فـوق ربانـه
لاجل ايش ماشافت الأعيان=برقه ولا شافـت أمزانـه
سالم البشري=
مادري عن الخافيه لـلآن=العلـم فيديـن سبحـانـه
يمكن هوى حرك الأمـزان=حتى تناحت عن أوطانـه
محمد سعد اليوبي=
نور انحجب والمقدر كـان=أقفى مع الطيـف بالوانـه
إن ما أنجلى والفرج ماحان=شوفه غدا والنظـر خانـه
سالم البشري=
الرب له فالخلايـق شـان=وحكم القدر معتلي شانـه
والحظ لوخالـف الإنسـان=لايقرب اليـاس وجدانـه

أبوسالم الرحال=
سلام يا سالـم البشـري=عابر بالأقمار منـى جـاك
مع التحيـه لـك وقـدري=ما يغيب عن جانبه شرواك
سالم البشري=
حرف الوفا جالنا مقري=يامرحبا ياهـلا حيـاك
وسالم لأهل الوفا يشري=يغنم بشرواك وملاقـاك
أبوسالم الرحال=
عذب النبا يشرح الصدري=وانته عليه الوفى ممشـاك
عندى حقيقه عنـه وادري=من الشام جابك تحث اخطاك
سالم البشري=
ياشاعر القيل لك قصري=طيبك رقابه هنا وهنـاك
والآن نبغى المثل يجري=حرفه وسالم على يمناك
أبوسالم الرحال=
يامن بكم ماختلف خبـري=دكتور والطـب مايخفـاك
مل الصبر من كثر صبري=وآنا وجرح الأسى فعـراك
سالم البشري=
إن كان تبغى الدوا يبري=ويساعد الصبر في بلواك
عجل وهات السبب بدري=حتى دوانـا يوافـق داك
أبو سالم الرحال=
أسباب منها سبب غدري=اللى أتانى مـن النمـاك
خلا جروح الأسا تسري=بين الهواجيس والضنّاك
سالم البشري=
لاتترك الظن يستشـري=ولا يصيب الهدف مرماك
استثمرالعقـل والفكـري=مادمت عارف هذاك وذاك
أبو سالم الرحال=
مااخطيت صوب الهدف عمري=وبالعقل خيك علـى هقـواك
لاتكبنـى فحيرتـه أمــري=ويفرح عدوى عليـه اعـداك
سالم البشري=
لوتشرب العلقم الصِبري=استطعمه عن حلا عنّاك
اعزم وخابرك ماتزري=الله يحقق أمـل دنيـاك

سرور البشري=
ســريــت والـلــيــل قــمـــاري=محلا المساري مع القمرى
ماهمـنـي طـــول مـشــواري=وفالذيب ماخابـت الهقـوى
سالم البشري=
لاهوّد الليل يالسارّي=نسايمه تبعــث النشوى
ياسرور ابو صليب سمّاري=يمشي معك لو ورى سلوى
سرور البشري=
انــشـــط لــخــوتــك وابــــــاري=سـبــاع مـثـلـك لـهــا نــــزوى
تخـشـى الـعـواقـب وبـتــداري=ماشـمـتـت نـــاس مـاتـســوى
سالم البشري=
اِشعارك الطيب وشعاري=منه ورد عِدنا يروى
هيّا معاً نسعد القاري=اللي لحرف المثل يهوى
سرور البشري=
فالحاصل اللي معي جـاري=هيا استمع موجز الشكوى
كــم اقـضـي الـلـيـل سـهــاري=من حمل كنه جبل رضوى
سالم البشري=
بالحال والمال وافكاري=مسعاي00نرجع إلى الدعوى
وش سبب الحمل من ضاري؟=معاك ولاّ الجديد اسوى؟
سرور البشري=
دنـيــا بـهــا تصـطـلـي نـــاري=شكواي ماهي من الفضوى
خـلـتـنــي الــيـــوم فــالــعــاري=عــيــت سـجـلاتـهــا تــطـــوى
سالم البشري=
قاوم صلفها والاخطاري=دنياك لاحالها استقوى
واللي توكل على الباري=لاشك فالدرب مايغوى

سموالشوق=
سلام صافي بدون عبـوس=من قلب ساير على الفطره
ابــغــاك يـاجـيــد الـنـامــوس=تحكم على القاف من نظره
سالم البشري=
ترحيبتي ماتغث نفوس=فيها الكدر مالقي دبره
والقاف ماهو حلاقة روس=يحتاج غير النظر خبره
سمو الشوق=
شفـت الأصالـه فهـم معكـوس=والــنــاس مــــا تـنــكــر الـنــكــره
مثلك ذكي في الشعر قاموس=قــيّــم لــنــا الــوضـــع والـفــكــره
سالم البشري=
ماكل معنى يجي مدروس=تلقاه عشره على عشره
والقيل لالامس المحسوس=غصنه يساوي مية كسره
سمو الشوق=
عضو الجسد دمره فيروس=تقـريـرنـا جـــاك فـــي الـنـشــره
لـــو حـالـتـه طـبـهــا مـيـئــوس=عــســاك تــقــدر عــلــى بــتــره
سالم البشري=
الكاسبر صمموه الروس=برنامجه محمي الشفره
ولابغى وراها النصيحه فلوس=تقدير للزاد والعشره
سمو الشوق=
فـي أذنكـم صوتنـا مهـمـوس=مـــــا ودنـــــا نــرفـــع الـســتــره
لا تلومني ضامري محموس=حـرصــاً عـلــى جيـلـنـا بــكــره
سالم البشري=
أنا معك مثل حد الموس=والعارفه ماقصر شبره
والقيل في مركزه محروس=باقي مع اللي عرف قدره