ديوان الشاعر ( أحمد العامودي )

لا عيب في قول من يمدح= نفسه فذا حق مافي شي
العيب من يسرح ويمرح=ولا سلم من لسانه حي

هذه المحاورة دارة في حفل زفاف
أخونا وحبيبنا تركي السيد بقصر سهارا
في ليلة الجمعة 24|3|1430ه

العمودي=
ليل الصفا ضاق وتعكر=وانتم بالاعيان شاهدتوه
ما شاف له اسم بالدفتر= أللي على العرش نصبتوه
عبدالغني=
عليه من اجلكم نصبر=وما قاله الجمع ما رضيوه
ومن خوف لاالمسألة تكبر=غضو النظر عنه ما حدوه
العمودي=
الرجل في ماقفه يعذر=مير اتفقتو وقريتوه
ما للخطا غير كرت احمر= وأللي على حق ما لاموه
عبد الغني=
واقع ولا اقولكم يقدر=لولا ان غيري طلب واعطوه
لكنها المقبلات اكثر= ياامشي الأمر يا مشوه
العمودي=
على كذا قفل المحضر =أللي بالاوراق دونتوه
وان طالت اعمارنا نحضر= وان جالكم يمنا ردوه

اخواني يوجد الكثير من الناس الذين
يتمتعون بشاعرية مميزة بجودتها وغر
معانيهاولاكنهم مقلين جدا وقد صادفت الكثير
منهم وأعجبت بطرحهم ومنهم أخونا وصديقنا
جميل الصبحي فأليكم هذه المحاورة التي دارت بيني
وبينه في شهر 4 عام 1428هوأعطوني رأيكم بكل صراحة

جميل=
صاحبك ما ينعرف بالهرج=ولا بضحكة من الضحكات
يعرف اذا ليلها أدلج=ولا جات صكة من الصكات
العمودي=
آنا فدا قول من يهرج=صادق وهو من رجال ثقات
وفي ما قف الجد ما يحرج=ووقت اللزم يقضي الحاجات
جميل =
منه على طيبكم يحتج=يارجال في اللين والقسوات
آسال ربي عدد من حج= يكتب لكم أسعد الاوقات
العمودي=
تسلم عددكل مايدرج=في القول من طيب الكلمات
وانته فرسم المثل مخرج=وان كان عندك مشاهد هات
جميل=
القلب في ودهم مرتج=والعين ترسل من النظرات
واخاف بكرة يزيد العج=ونسيرمابين خذوهات
العمودي=
من كان قلبه على المنهج=على الورق يوضع البصمات
ويقيم حجة على المحتج =ودرب الخطا صاحبه مابات
جميل=
حنا عن الطيب ما نخرج= ونسمح اذا جاتنا غلطات
ونيران في داخلي وهج= وعكر صفا خاطري بالذات
العمودي=
شرواك للمدح ما يحوج=لك شكل والناس شكليات
وما يجوز بعد السماح تسج=حسب القوانين والعادات
لكن تدور على مخرج=وتبعد عن اهل الردا خطوات
واصبر ولا بد ما تفرج= لا تعرض القلب للصدمات

وياصحابنا سا محونا

ألف شكر للأخ العزيز الشاعر
عبدالخالق الحمدي ( الصارم )
وأتمنى أن نكون قد وفقنا في كسب رضاكم
وسامحونا على إطالة السهر
وإليكم خلاصة اللحنين كامله
اخوكم احمد العمودي

أحمد العمودي=
على سلوم العرب والقن=الدارِجه فـي مذاهِبنـا
جينـا نسلِّـم ونطّمْـن=عن حال جُملة حبايبنا
عبدالخالق الحمدي=
الطيب راعيه ينثمـن=ايضا ويبهج خواطرنا
يامرحبا والمعاني جن=تحكي سعادة مشاعرنا
أحمد العمودي=
تبقى ودمعي ذرف مِن مّن=كـدّر علينـا مشارِبنـا
أحْكَم قيود العـذاب بفن=من صُغرنا ليـن شيبنـا
عبدالخالق الحمدي=
حنا على حالتك نحزن=واللي يتعبـك يتعبنـا
هات التفاصيل ان امكن=حتى يفيـدك تجوابنـا
أحمد العمودي=
جا فأول الوقت وإتمسكـن=ونهـار قـرّر وحاربـنـا
صاب الضماير مرض مُزمِن=وما عـاد هبـت هبايبنـا
عبدالخالق الحمدي=
حسب السياسات والاضمن=واللـي تـوراه كاتبـنـا
خذ مامضى درس واتيقن=لاتقـول زادت متاعبـنـا

اللحن الثاني

عبدالخالق الحمدي=
بفصح عن الواقع المحسوس=من فيض فكري ومقطوفـه
واكسب من الطيبين دروس=تفيد الانسان فـي ظروفـه
أحمد العمودي=
أنا على المنهج المـدروس=حافـظ معانيـه وحروفـه
وشرواك نكسب معُه ناموس=لابان لـي نـص مظروفـه
عبدالخالق الحمدي=
دوني ودون المراد ركوس=محروم منه ومـن شوفـه
والحظ يابو عمر منكـوس=مهما الامل بانت طيوفـه
أحمد العمودي=
ياصاح مِن لُه هدف ملموس=وِدُه يلاقـيـه ويشـوفـه
مايشتكي حظُه المتعـوس=لاشال حِملُه علـى كتوفـه
عبدالخالق الحمدي=
كل يوم يرتادني هاجوس=يشرف على القلب ويطوفه
خلى عظيم الجهد مطموس=والياس مسلوله سيوفـه
أحمد العمودي=
الهجس ياما رمى بنفوس=وراعيه ماتخلُص حسوفه
يصبح وسط دايره محبوس=إن كان ما راجع كشوفـه
عبدالخالق الحمدي=
سهم الأسى فالحشا مغروس=والوقت يامصعب صروفـه
من ويل حده سواة الموس=والطـرف بالـدم مذروفـه
أحمد العمودي=
بعد إنكشف همك المدسوس=وقلبك عرفت الذي جوفـه
مثلك علاجه مهو ميئـوس=لاصـار يعمـل بمعروفـه
والصابر المِّتقي محـروس=يلطف به الـرب ويروفـه
يقضي على وقته المنحوس=ويلامس السعـد بكفوفـه

ويصحابنا سامحونا

خاطرة بتاريخ 2|4|1430ه

أللي لعب في المواقف دور=وكمل مع اهله وجيرانه
عساه في الآخرة مأجور=لا قابل الرب سبحانه
ومن صد عن واجب المذكور=لو من بنيخيه واخوانه
خاسر وسعيه ماهو مشكور=لو طاف بالبيت واركانه

القيل لو ما رفع قدرك=بين الرياجيل ماوطاه
لكن يهينك مدى عمرك =لو ما تمعنيت في معناه

المعرفة عند بعض الناس=كلمة بلا عرف يرميها
والعارفة عادته حساس=ماكل كلمة يعديها
ان جات له من صقر قرناس=ياخذويعطي معه فيها
واللي بليا قياس وساس=مردها نحر راعيها

آه الحشا كل مافكرت=في ود يتجاهل حقوقي
وانا مع الود ماقصرت= يون ويزيد به شوقي

اذا اشتكى خصم من خصمه= لوكان خصمه الد اعداه
بدون الاثبات والبصمة=لو يدعي باطلة دعواه

ساعات الانسان مثل السيف=تقطعك اذا ما تقطّعها
وأللي يخيل سحابة صيف=سنين عمره يضيعها