ديوان كسرات الشاعر (عماد القرافي)

إليا مشى بي العمر قدام = لا بد تكبر قناعاتي
واشوف حبك مع الأيام = ماضي من اتفه تفاهاتي

تمسح يدين الجفا بسمة = كانت بوجهي ملامحها
واليوم الاحزان مرتسمة = محلها . وعاجز امسحها

فتشت في داخلك عني = لقيت قلبك خلا خالي
يا للأسف كيف تخدعني = في قولك إني انا الغالي

تترك عيونه وجع بالقلب = كل يوم يزداد تأثيره
لو آتعنّى لشرق وغرب = مالي دوا لعلّتي غيره

تركض بدرب الزعل لديار = فيها العقل دايماً مفقود
وتعود من رحلتك منهار = وصوت الندم داخلك موجود

يقلع وجودك جذور الياس = من روح ما ودها بُعدك
واليوم شايفك شايل فاس = تضرب بقلب الذي ودَّك

اليوم له عندنا لَذّه = وبكيفنا إنتذوّقها
وان كانت عقولنا فَذّه = ما نترك الهم يلحقها

تجرأي وانطقي لو حرف = من كلمه باتت بأعماقي
قوليها وآنا أغض الطرف = ولا اكتبيها على اوراقي

بِذرة غلا داخلي كبْرت = وتفرّعت بالجسد كله
والروح من حرصها قدْرت = تمنع عيوني تبيّن له

توقف حروفه على شفاهه = وتذوق طعم العسل وتعود
وازعل واقدّم لها جاهه = يا الله عساها عليّ تجود