ديوان الشاعر ( أحمد العامودي )

اخواني الأعزا
معظم الاخوة في المنتدى لا نعرف سوا أسمائهم
وعبد العزيز أحدهم فقدجمعتني به صدفة غير متوقعة
والغريب أننا عندما تقابلنا كأننا نعرف بعضنا من سنين
بل كأننا اخوة وأشقا وأنا أقول الفظل راجع لهذا الملتقى
فجزا الله القائمين عليه خير الجزا فقد عرفون بأناس نفتخر
بمعرفتهم وقد دار بيني وبين أخي عبد العزيز هذا اللحن وبالمناسبة
فالقا تم في مناسبة زفاف ابن صديقن واخونا عبيد الله غريب العمري
وذلك في قصر الجوهرة بالجموم ليلة الخميس الموافق 30|2|1430ه

أللي قرينا حروف اسمه= بالمنتدى اليوم شاهدناه
ونبغى لنا رسم من رسمه=اذا قريناه تذكرناه
أللي يبا علمنا لعلمه=بعد الملاقا وشاهدناه
وش حيلة المر مع خصمة=ان كان حده على بلواه
من بعد كلن أخذ قسمه= من الوفا أللي تقاسمناه
بسألك وش سبب الخصمة=قبل اصدر الحكم في دعواه
ياويل قلبي وياهمه=النار في داخلي تصلاه
وياليت أقدر على كتمه=لا اقفيت دمعي تهامل ماه
كل شي في الكون له بصمة=وذا علم كل العرب تفراه
وللأن ما بان لي وسمه= في المحضر أللي تسلمناه
رسمت حرف الأسى كلمة=وبروزتها بالألم والآه
كيف اهتني وارسم البسمة=ووقتي مع البعد في ملاواه
اعلم بأن الحياة قسمة=ومايدبر الكون غير الله
وبصبر الانسان وبعزمه=وبايمانه الصعب يتحداه

وياصحابنا سامحونا

يارافع الصوت بالالحان=ارفق علينا ودارينا
لاهل دمعي يابو راكان=ترا اللي فينا مكفينا

كم شب مال وجمال وذات=حبوب محبوب في الحارة
تسأل عنه يوم قالو مات=باسباب حادث قي سيارة

في المال والجاه خذ قسمي=يكفيني الفخر بالناموس
ما يهمني غير قسم اسمي=لو كان دونه تهاوت روس

الناس قبل الغطيس تقيس=وتشوف غزر البحر قديش
وأللي تقاعد من التدريس=واش شاف بين العقل والطيش
كل شي راجع على التأسيس=ومن يجهل البحر يدخل ليش
والعلم مثل الذهب في الكيس=من دونه الناس كيف تعيش

عادات الابا والجدان=راعي المواجيب يوفونه
ويجزون الاحسان بالاحسان=وكلن بمده يمدونه
ومن زارهم ضيف بالأوطان=يقفون سده ومن دونه
والمارق أللي طويل لسان=كانو بشوحط يسوقونه

قبل امس عيني تطالع فيه=واليم ليلة مضت ونهار
ومدري عن العين وش مخفيه=أللي كما الثعلب المكار

بعض الرياجيل راعي قول= مخلوط يصلح وما يصلح
منغر باسلوبه المعسول=وفي واقع الأمر مايكلح

هذا اللحن بداري ليلة3شوال
1427ه

العمودي=
يا مرحبا شامخ البنيان=بانيه للي لفو عندي
حوله عساكر حرس شجعان=2400 جندي
ماجد=
عسى البقا واللزوم يبان=بجهود قداحة الزندي
وحنا نوفي مع الصدقان =لوهي اساطير يافندي
العمودي=
ما ذمكم ياهل الأقنان=وانتم كما السيف في يدي
مير الحشا والفكر حيران=والدمع يجري على خدي
ماجد=
عزيز يا صاحبي ما تهان=وما بغى أواسيك في ردي
الدمع رحمة على الا نسان= حتى على مصدره نبدي
العمودي=
ما نشتكي القل والحرمان=ولاهو الم من سبب ودي
اشكي من الظالم أللي خان =يقسى عليه ويشتد
ماجد=
المحكمة فاتحة البيبان=فيها اببذل معك جهدي
لكن وين الخصم ما بان=يمكن على حق ومفدي
العمودي=
اتعب لي الفكر والأبدان=واصبحت حالي على قدي
وما دام عندك فكر واعيان= مو لازم ابيح لك سدي
ماجد=
ما يكون الامكان فاللي كان=الا سعة بال وتهدي
انته مصيبتك في الدخان=واشوف تركه لكم مجدي
العمودي=
شرواك ما قول له غلطان=ولا اقول ذا القول متردي
آنا اشتكي لك من الأزمان=وانته عن الدرب متعدي
ماجد=
لو تعلم ان الزمن ما يدان=ما تقول ظالم ومتحدي
هذا على مرتبة سلطان =حاكم وحكمه حكم فردي
وما جاك من نصح في الجرنان=أتبع خطاويه بالبندي
من ياخذ الكيف للأحزان=ينظر للازمان بالضدي

وياصحابنا سامحونا

القيل نصح وعتاب وشوق=وشرح لمعاناتنا حنا
ومن صاغ معنى بقلة ذوق=خارج ولا ينحسب منا