ديوان الشاعر ( راشد الزهراني ) المحيط

فوسط قلبي كتبتك حرف = خالد برسمه وتذكاره
مايروح مهما حصل من ظرف = عمران في داخلي داره

اخطيت في مصارحة ودي = ياليتني فالحقيقه اخفيت
ماكان سار الامر ضدي = ومن الهجر والجفاعانيت

احترت واحتارت افكاري = في حال هذا الزمان المر
كل يوم الاقيه في طاري = عيامعي في اتجاه يقر

كنا سوى بالحياه اولاف=لحظة زعل ما تفرقنـا
واليوم سرناعلى مهياف=وإنتا من اول موافقنـا

تنكر الجاهل المغرور = ونسي المعاريف لصحابه
مايدري ان الليالي تدور = حتى ترده على اعقابه

انهد حيلي ولابينت = صامد وطول الدهر صابر
آمنت بالله واستامنت = اللي بحال الشقي خابر

اخفيت حبي عشان الناس = ماتعرف اني بكم مغرم
خايف على وضعى الحساس= لاسير بين العرب مجرم

بانت وسوم الاسى فينا = اللي لنا اسنين مخفينه
من فالخلايق يواسينا = ويصبر القلب ويعينه

النوم محجوب من دوني = ما ينام طرفي نهار وليل
وكثر السهر اتلف عيوني = واثر على خافقي بالحيل

لولاك يا نعمة النسيان = ما كمل المرء مشواره
ولا كان صعب المسائل هان = واليأس ما حطم اسواره