ديوان الشاعر ( راشد الزهراني ) المحيط

كم اتمنى الدموع احروف = تكتب على صفحة اشعاري
اللي اجبرتني عليها اظروف = انتا لوحدك بها داري
يمكن فؤادك عليا يروف = اللي بكثر الجفا ضاري
في حال خارج عن المألوف = ولا هو بشرع الهوى ساري

انا تصورت هذا الكون = سبحان من صوره وانشاه
وسطه خلق كل جنس ولون = ومن فيض فضله وهب واعطاه

انا الذي ضاع مجهودي = مع ناس ما قدرت لي جهد
جاني اساهم على حدودي = وانا تبنيتهم فالمهد

تمايلي يا فنون الورد = سبحان من ميل افنونك
وسبحان من صورك في فرد = فيه الخلايق يشوفونك

الله مااجمل هوى الباحه = الديره اللي هواها طاب
وفي ربوعها الروح مرتاحه = من بعد مده وطول غياب
حسيت بالأ نس والراحه = بجمعة الربع والاحباب
اللي بهم طيب وسماحه = اهل المواجيب والترحاب

للعيد فرحه وشرحة بال = ونعايد احبابنا بالعيد
الله يعيده سنين طوال = وايامهم دوم في تجديد

دكتور قلبي وجراحه = ضالم وقلبه قوي ما يخاف
انا اتعذب من اجراحه = وياللأسف ما كأنه شاف

لا تعاتب الطرف وتلومه = لو كان هل المدامع دم
حتى اسأل الليل ونجومه = ياكم سألته عليك وكم

انكان ما تعرف الكسره = وتعرف تفسر معانيها
تحتار وتسير في حسره = لا جابوا الناس طاريها

يقول من جرب الاصحاب =والناس جرب صداقتهم
البعض في قمة المرقاب = والبعض عادي علاقتهم