ديوان الشاعر حمدان الوافي المحمدي ( عاشق الاصاله )

تدري غلاكم يساوي كـم=انت النظر داخل عيوني
وشريان فالقلب يوصل دم=دنياي انته و مضنونـي

وعيني الي طرفها فن=تمايل الفـن وعماهـا
قالوا هل الطب مايشفن=اعلاجها من تبلواهـا

ودي اقطف الورد من امه=ياصاحب الورد ماتهديـه
ماذيه بـس ودي اشمـه=لان قلبـي مولـع فيـه
ولى اخذ الغصن وخمـه=بيدي لنه عطش اسقيـه
راضي انا بشوكه وسمه=غيره من الورد ما نبغيه

ودي اقطف الورد من امه=ياصاحب الورد ماتهديـه
ماذيه بـس ودي اشمـه=لان قلبـي مولـع فيـه
ولى اخذ الغصن وخمـه=بيدي لنه عطش اسقيـه
راضي انا بشوكه وسمه=غيره من الورد ما نبغيه

اول اشوفه وحيي فيه= ولاشافني وهوحياني
واليوم قفى وقعدة ابكيه= طول المسافات يحداني
لاورفع الصو ت ما يمديه= يرجع صدالصو ت لي ثاني
وان مر طيفه وقمت اطريه = يذرف له الدمع فاعياني

ورد البساتين بغصونـه=لاجيتله ينحنيلك شـوق
الورد لجلك يغرسونـه=انت مليك الحسن والذوق

شوف العرب للقمرطلعت=ونـت وانـا ماتلاقينـا
وقلوبنا من الهواء ولعت=الكـل مجهـد وممدينـا

نومي تعازيـر بسبابـك=حتى الاكل مطعمه بالحيل
مغرم و واقف على بابـك=عيالغيرك فـؤادى يميـل

حبك مرض انتشر فعضاي=باستاصله مير ممديني
والان انته تراك ادواي =اوداعتك لاتخليني

حسبي عليك انعمت عيني=من كثر مبكي على فرقاك
لاويـن ونتـه تمنينـي=ليتك تقلـي انـا مابغاك