ديوان الكحيله للشاعرة كحيلة حرب

مانته على البال يالي دخالٍ عرضى=ليتك تجنب طريقي يا ابن الآجوادي
مارضى وجودك بدربي قلت لك مارضى=لوكنت تزعج بعال الصوت وتنادي
انا عليه غلايه فرضه فرضى=اللي سكن مهجتي في كل الابعادي
معطيته الود كامل ماقرضه قرضى=يموت في غيضه الحاقد وحسادي
يسوى عيوني رضيت او جعل ماترضى=مين انت حتى نحسب حسابك الغادي؟؟!!
مريض ربي يشفاي جملة المرضى=تبا تخطرى اطناب القلب ووتادي!!
رح صل لك ركعتين وكمل الفرضى=اخير لك من مجاوب ونة الحادي

http://www.m-harb.net/vb/showthread.php?t=116832

لومسك همنا لحلوقنا كل يوم =ما وصلنا معاه لنقطة الانتحار
كل شدة لها من الله مخرج لزوم=لو ضرب همنا بالليل مليون طار
ضربته في ايدينه ماسقطت لنجوم=السما لسماء والارض تبقا عمار
لاتكدر مزاجك يا الابنادم هموم=كل شيءٍ خلقه الله في اقتدار
شوف روحك بصدرك مثل طيرٍ يحوم=ماتملكتها لوكنت تملك عقار
من فنادق دبي وناطحات الغيوم=اومن الله خلق بالدين عز و وقار
ركعتين الفجر تسوا حياتك عموم=هي غناتك عن العدوان والاحتقار
ونظرةٍ من عيون الناس يا قوم قوم=مالها عند ربك في كتابه مدار
احسن النيه اللي في حنياك دوم=تستقيم الحياة ويعتلي لك جدار
وفي قديم المثل مافيه شيء يدوم=غير وجه الكريم الله حسن الجوار
ويا الله أني طلبتك يامنش الغيوم=تغفر ذنوب من حيله من الهم خار
لو حاول يقوم يصير صعبه يقوم= قعدٍ له نصيبه واخلف اله المسار
والحياة بنكدها كل يومٍ تزوم=وهو واقف يقاوم لحظة الانكسار
كل ماشنت اهمومه عليه الهجوم=راح يسجد لربه سجدة الاختيار
و لو وقف همنا بحلوقنا كل يوم=ما وصلنا معاه لنقطة الانتحار

http://www.m-harb.net/vb/showthread.php?t=116812

ياشوق زادت لهفة الشوق يا شوق=ماطفى لهيب الشوق لحظة وجودك
حاول تعامل مرهف حساس بالذوق=لالاتولع به شرارة وقودك
على نغم عزف الوتر علها فوق=نظرتك للي يعجبه عزف عودك
حتى يهدي لهفة الشوق ويروق=ويصر موده منسجم معه مودك
يكفيه من مر العنا دمعة الموق=برهن على حبك وجدد عهودك
قله عطيتك بالوفاء عهد موثوق=ارحم لحاله شاكرينٍ جهودك
خل الغلا يشرق بوجدانه اشروق=وسحابة اشواقه تروي نفودك
وتنبت بها من كل الازهار زملوق=تطمع بها لحظة غرامٍ ترودك
ترا حبيبك من عنا الوقت مرهوق=الله بوده يا حبيبي يزودك
عساك ماتصحي من الود وتفوق=لنه ودادٍ مايبيح سدودك
قلبه من الاشواق مغرم لك يتوق=يخيل برقك ويترقب رعودك
يجيك مع طيفه من الشوق مسبوق=يطمع بطيبك عقب ما شاف جودك
كاس الغلا مده اليمناك مسيوق=اقبل عليه ولاتبين جحودك

http://www.m-harb.net/vb/showthread.php?t=116766

[TABLE1="width:85%;background-color:black;"]

[TABLE1="width:85%;background-color:darkred;"]

الشعر لو ماهز كامل مشاعرك =مايعتبر شعرٍ ولاني بقوله
الشعر فن ورسم وابيات تاسرك=كنك تقوله لو ما انته تقوله
الياقريته كن حرفه يسا مرك=وتستوعبه في كل يسر وسهوله
وانا حديثه بالشعر بس اخبرك=اني اروض للمعاني خيوله
ابغاك لامريت لي حرف ياسرك= وتقول هذا منهو اللي يقوله!!
تفرح وتبهج بالفرح له سرايرك= وتقول معقوله هي اللي تقوله؟!!
واقول قلته بس من شان خاطرك=ياللي لك بقلبي مشاعر خجوله
متوشحة بالود دايم واناظرك=دخلت قلبي دون تدفع عموله
وبرمجت قلبي في محانيه ساهرك=يسهر من اجلك مثقلات حموله
يكتب مشاعر والمعاني تعبرك= ودٍ سكن في مهجته من يطوله?
صعبٍ على غيرك ولاهو بعاسرك=احكمت ملكه مغلقاتٍ اقفوله
ياساكن الالباب يكفي تجبرك=لاتقهره تكفي سنين الطفوله
ارفق عليه بحال وبحال عاذرك=لو جرت جورك له يناسب ميوله
لجله على طول المدا منك خابرك = ماتحتمل صده ولحظة جفوله

http://www.m-harb.net/vb/showthread.php?t=118000

قصيدة من موقف خاص فيني انا مدري فيه لقب اكبر
من(كحيلة حــرب)حتى اسعى وراه؟!!!

لودلعوني با الاسامي والالقاب=ماهمني برق القب دون اخيله
ولابحث وراه ولالنا فيه مطلاب=انا الدلع عندي سمي الاصيله
اخترت نكي بينهم بسم جذاب=يكفي اليا قالو تقول (الكحيلة)
يعني كحيلة حرب ترميز وعجاب=فيني شموخ الخيل وإيضا صهيله
صحيح بنت وتعترض لي الانشاب=لاكن ما نظر بالعلوم الهزيله
اصعد صعود العالية لي مرقاب=واكتب حروفي مثل نبت الخميله
لي شاهدٍ بين القرايب والاجناب=(وكلٍ على ماقيل عقله دليله)
متسليه بالحرف والحرف لي طاب=انسا معه كل الهموم الثقيله
في موقعٍ عند الجدي دوم ماغاب=بالموقع اللي يحمل اسم القبيله
قبيلتي ليه ذرا ستر وحجاب=حرب العزيزه حظ من تعتزيله
عزالله إن اللي تعرض لها خاب=ياعزتي له صدق يا عزتي له

http://www.m-harb.net/vb/showthread.php?t=117641

لعن ابو من لايعشق ولايهاوي=نافلات القيل وعلوم الفضيله
خايب المنطوق والتفكير خاوي=من ردي الهرج مخزونه حصيله
ياحروفي حلقي مثل النداوي=في سما المعنى وجيبي لي جزيله
اشهد ان البعد والفرقاء تداوي=يا لقلوب اللي بها حقد وغليله
لن بعض الناس بالارض متساوي=لو وطوه الناس ماحسو نثيله
خانه التعبير والمبدا شواوي= (النعيم )اليا ندبها تستوي له
ايه يالحرف البديع اللي مخاوي=من شعاع القيل ولع للفتيله
لالفاني هم نصف الليل ضاوي=وارتكز وسط المحاني في مخيله
قاومه ياحرف واندب للعزاوي=لين فكري يستوي نظمه وقيله
ماشكينا ولالنا فيها الشكاوي=يوم بعض الخلق ضايع مع دليله
انسكتنا جرها عوج البلاوي=وان حكينا زاد طفح الهرج كيله
والله ان الناس تبلى للخلاوي=لو عزل نفسه عن العالم تجيله
مالقينا طب فيهم والمداوي=حار فكره واعترف ما فيه حيله
غير بعدٍ ماطواله يوم طاوي=منه تبرا كل عله مستحيله

http://www.m-harb.net/vb/showthread.php?t=117720

ليت الزمن يومه قس ماقس فيك=ولاشعل شتات الهم في عمق ذاتي
في كل ليل اتخيلك نور واسريك=لين الصباح بنور لليل ياتي
وامضي نهاري واتحرى حراويك=واخيل طيفك صورةٍ في مراتي
احدثه واقول يالروح وشفيك؟=رد الجواب وشف صدق اكلاماتي
لولا الغلا ما صرت اخيلك واناديك=ولاصرت اشوفك شمعةٍ بظلاماتي
تبغى الحقيقة تبت ما ودي اغليك=لا والله اكذب صرت ليه حياتي
اغليك واغلي فيك حتى تغليك=ماتطلبه مني على الرحب ياتي
في ماقدرته وانت لاشيء خافيك=ماشخص خارق يقدر المعجزاتي
لكن على ماتقدر النفس بعطيك=لبيه يا اغلا من حياتي وذاتي
اومر على قلبٍ زهم لك يلبيك=صادق شعور ولاحكا زايفاتي
اختار قلي وين ودك اوديك=تبغى بقلبي لك مكان وثباتي
تبغى بعيني ياعسى العين تفديك=اسكن بها وصبيهالك مباتي
وانا بغمض واتخيلك وجيك=وعطيك مفتاح السعد ياغناتي
وابغى احقق كل ابوها امنيك=ولاتشتكي من جورها المقبلاتي
يعني سعادة دايمٍ لك تخاويك=من خلقتك يالين حد المماتي

http://www.m-harb.net/vb/showthread.php?t=117514

[TABLE1="width:95%;background-color:black;"]