ديـوان الشاعر / نفاع محمد السهلي ابوفـــرح

مع الشاعر قابل البشري ( الجمل )

نبغى دفاتروكشف حساب = فاللي عليه وفاللـي لـك
والياحصلك طريق وباب = الحق على الباب لاينصك

ابوفرح

اقرب تراها فراس النـاب = حضر شهودك وهات الصك
ماعندنا حسـاب للطـلاب = والباب لـو ينقفـل ينفـك

الجمل

مافيه بين الخصوم حجاب = والبينة مايصلهـا شـك
واماتوقيت رمـح ذيـاب = مالك عليه ولالـي بـك

ابوفرح

السيف عندي يجز رقاب = والصرح عالي ولايندك
ماهمنا رمـاح للحـرّاب = والنار من طبها يهلـك

الجمل

اعرفك وقت اللقا ماتهاب = و قليل في وقتنا مثلـك
بس المنايا لها اسبـاب = كم جندلت من بطل قبلك

ابوفرح

ان كان تسمع من الشياب = خلك على نهج يشفعلـك
ماحدٍ لجور الزمن غلاب = واللي تسويـه يرجعلـك

الجمل

ابا اعتزل واعلن الاضراب = ولا انت ربـي يوجهلـك
هـذي وكالـه بلابـواب = فهمـت ولا اوضحـلـك

ابوفرح

بعد الصفا في صفاه انصاب = عن مجمل الوضع بشرحلك
يامجمّـل العلـم بـاالآداب = لاني براضي ولااسمحلـك
جميعنا صقور في مرقـاب = واخوان فالدرب والمسلـك
(ولهّنا) عن الطيبه مجناب = لـو انهـا ليلهـا احلـك

مع الشاعر الخيال ( عبدالرحمن القريقري )
.
.

الخيال

سـلام رده علـي يوجـب = للـي لهـم فالمعانـي دار
من قبل لابـداه يستوجـب = ذكـر النبـي سيدالاخيـار
من حال بعض العرب نعجب = ماله فرسم المثـل مشـوار
أحدٍ نزل في غياب الجـب = وأحدٍ على جالهـا سبّـار

ابوفـــرح

ترحيب منـا ولايحجـب = ضوه يلالي على الشعار
ومثل النبي ام ماتنجـب = صلاة ربي عليه امـرار
خيالنا ليـه تستعجـب = عد الصفا للعوارف كـار
واللي بلاعرف لو نشجب = مايردعه شجب واستنكار

رحــلــــــــة ألــــــــــم
,

,

رحلـة ألـم .. والسـنـيـن عجاف = مابل ريق الصبر ماها
استكثرت فالحياه اطياف = نفرح بها يوم لقياها

كـــل ( ماغـــــفـــــــــــــــى )

.

.

كـل ماغـفـى عنك احساسي = واقول قلبي بدا ينساك
القاك اقرب من انفاسي = والروح ماتحتمل فرقاك

يــرودنــــــــي
.
.

يرودني في هجيع الليل = ذكرى لها ايام وسنيني
تمكنت من فؤادي حيل = حتى اصبح الهم طاويني

من راس مالي صفالي دين = ماقضيه لوينقضي عمري
ذبل الزهر والقهر ياعين = مات الزهر والنهر يجري

مع الشاعر قابل البشري
.
.

سلام يابوفـرح وينـك = غايب وعديت سبعه ايام
وغيبتك فحساب مغلينك = اليوم فيها يساوي عام

ابوفرح

ترحيب وانتـه محبينـك = من اليمن لاحدود الشـام
غالي عليهم وشارينـك = ياوافي المـد ياضرغـام
ان كان تنشـد مودينـك = ياصاحبي للظروف احكام
يعينـنـا الله ويعيـنـك = في وقت ماله سنع ونظام

تأملوا في غزير اليم = اللي تلاطم به امواجه
ياكم روّح وباقي كم = ماحسّب حساب مخراجه

ســـؤال
.
.

يامن فروحي ملكت العرش = وعيشتني سنين فاالحرمان
مشاعرك يوم شفت النعش = ماهزها منظر الجثمان ؟!

عبدالله اللحياني

دايم وقلبي معي محروم = ودي احقق له امناتـه
كل ماطلبني طلب معدوم = واصبحت أشكي معاناته

ابوفرح

ياصاحبي خل عنك اللوم = جهد الفتى حسب قدراته
مانـته على طاعته ملزوم = ان ماتـمـلكـت رغباتـه