ديوان كسرات الشاعر ( بحر الكسره ) ابوياسر

معقول يعجز عليه الطب = ياهل الافادات دلوني
والناس قالو بلاك الحب = والحب اشكال وفنوني
مابي مرض بس بي القلب = كثر النظر شفر عيوني
ان جيت رايح اتوه الدرب = كني مع الناس مجنوني

اخواني اطلب المعذره لعدم ذكر اسم الشاعر الذي قام بالمحاوره معي لامور خاصه

يا بحر جيتك بسبع جيوش = واحلاف اطلس والنيتو
وبتصير كانك في دار حبوش = مرفوع دايم عليك فيتو

بحر الكسره

يامرحبا والوفى مفروش = بجيوش سبعه لنا جيتو
الشعر في اصلنا منقوش = ماهمنا لو تماديتو

اصطول ومرخي عليك الجوش = غير العنا منه ماقضيتو
واللي تصدى لنا مقشوش = واليوم معنا تبلويتو

بحر الكسره

الطرح في بحرنا مقروش = باحكام انتم تجنيتو
اخاف كبدك عليك تغوش = يصبح علاجك مع الهيتو

الطرح مايبي المربوش = فتوى بفتوى يوم افتيتو
شراعكم في البحر مطشوش = اللي اخدتو ولا اعطتو

بحر الكسره

بارودكم في الاصل مغشوش = صارخ ارضي تلقيتو
نكس علم وارفع الطربوش = البادي انتم تعديتو

اتروس جلت وسارت بوش = وونين وانتو ماونيتو
قوات عندي تدك عروش = تهدم في لحظه مابنيتو

بحر الكسره

اهدافكم للاسف في الطوش = لاهدافنا ماتصديتو
شيجك تربى على القرقوش = ينفعك لا من تفديتو

الروح من مبسمه ناحت=والعقل من نظرته اختـل
اشواق في داخلي صاحت=والجسم من بعدها اعتـل

من شوق ودي انا اسقيك = اعطف عليه ولو مره
ارحم بحالي ترى يكفيك = اسقيتني بالهجر مره

تعجب من النقص وتأيد = يا للاسف ضاع مقدارك
ان كنت في ديارهم سيد = يديك قصرت مع اشبارك

ما يصعب الود للاحباب = تسال عن الحال والاحوال
غاب الرجا قفلت الابواب = حتى الامل ضاع فالجوال

بالحيـل شوقـه تحداني =الروح تشرب عنى بالكاس
امشي مع الناس بحزانـي = تايه مع الفكر والهوجـاس

الكنقرس يعطي الانذار = والحلف من وضعهم محرج
مدري يصادق على الاقرار = ولايدورلهم مخرج

حضي رماني على دربه = صوبني بعيون نعسانـه
ياليتني دوم فـي قربـه= القلب تنـزاح احزانـه

قيس البحر فـي مسافاتـه = وعمق البحر قيس لي غزره
يـفـوق ودي محيطـاتـه = زايد عن المد مـع جـزره