.. ديوآن الشآعر الـ ع ـبيدي ..

يقول يبغى الصفآء والـود=يشوف حآلـي ومآيرفـق
مرتآح .. وانآ اجتهد وآكد=واليد وحـده ومآتصفـق

الــعــبــيــدي =
مآيهمنآ الخصم مهمآ يكون=لعب ورجولـة كسبنآهـآ
وهذي شهآده مع العربون=كل البطـولات جبنآهـآ
ابــو مـحـمـــد =
الفوز ذا بالظلـم مرهـون=وتقول لعبـه حسمناهـا
كله سبب شاطرن مغبـون=بافعـال نرويجـي مبناهـا
الــعــبــيــدي =
شوف الهلآل الحكم وشلون=فـآده ولا قـآل نلنآهـآ
امآ البطـولآت يالمجنـون=انجيبـهـآ لابغيـنـآهـآ
ابــو مـحـمـــد =
العقل زينه هـم يقولـون=اسمع تشلسـي لاغناهـا
ماجبته يالخوي مـن دون=رمـوز تجهـل بمعنـاهـا
الــعــبــيــدي =
ابطآل اوروبآ بهآ مفتـون=مآجبتـهـآ ماتمـنـآهـآ
طلّع فريقك عليك قـرون=ومايعيبنـآ يـوم قلنآهـآ
ابــو مـحـمـــد =
دايم كذا بالهـرج تفتـون=ولا لعـب ماهقينـاهـا
هاك العلم والعلم مـوزون=من قبـل تبـدأ كتبناهـا
الــعــبــيــدي =
بين الكبآر انتم اشتبغـون؟=امنآفستكم مآ شفنآهـآ!!
ومآظني المسألـة بتهـون=روّح قـبـل لاتعنـآهـآ
ابــو مـحـمـــد =
خل العواذل بنـا يحكـون=ولا بتنافـس اخذنـاهـا
ثالث بطوله لنـا بالعـون=بنجيبهـا لـو سلبناهـا
الــعــبــيــدي =
سنين وانتـم لهـآ تبنـون=وفي يوم جينـآ هدمنآهـآ
لسآعكم خلفنـآ تحبـون=ماوصلتو اللي وصلنآهـآ
ابو محمد=
لابد بعد الفرح تبكون = البكره حنا حلبناها
دايم على ارضنا ترعون = وليا حلبنا شربناها
العبيدي=
وقت الخطر عندنآ سكتون=مآتخطي اللـي رمينآهـآ
بكره تعوّد لنـآ محـزون=مآتفيدك اليـآ ذبحنآهـآ
ابو محمد=
احذر اذا يمنا ترمون=رميتك تكسر بيمناها
ادعي انا يمنا تصلون=وبالدمع عينك عميناها
العبيدي=
بالهرج ياصاح لاتهذرون=من يمكـم ماسلينآهـآ
هيآ تنحى ولا تطـرون=فرقكم اللي غلبنآهـآ

اللي من اول جويد اغصآن=اليوم نسمة هـوى تدنيـه
حتى الصفآء صآر ليل احزآن=مع " لوعة العآشقين " اقضيه

هذهـ محآوره في احد المنتديآت مع اخي الشآعر:
من المآضي ..

واتمنى ان تنآل استحسآنكم..

العبيدي=
دآمك من اهل الوفآء ربآن=نبغى سوآ نرتقي بالقيـل
سلآم تعظيـم يآلقبطـآن=بالحيل فيه الغلآ بالحيـل
من المآضي=
طيب النبا في حضورك بان=تكميل ياراعي التكميـل
يامرحبا والعلـوم تـزان=مع مثلكم ترتقي لسهيـل
العبيدي=
عسى آلبقآ دآيم الآزمآن=للطيّبه مآبهـآ تبديـل
فيك الوفآء جوّد البنيآن=يآنجم سآطع فنص الليل
من المآضي=
يامن جعلت الوفا عنوان=النفس للطيبيـن تميـل
الكل بحضوركم كسبان=نبغى المثل يقتديبه جيل
العبيدي=
مآني على جيتي ندمـآن=محسوب دربك وفآء بالميل
عن حآلتي يآصقر شيهآن؟=ابغى مشوره وابي تعليـل
من المآضي=
منهاجنا للذي حيـران=نسعى ومانقبل التأجيل
وضح لنا يارفيع الشان=ومن يمنا تاخذ التأويل
العبيدي=
اصبر وانآ فحآلتي حزنآن=اتل قلبي واشيلـه شيـل
الجرح حآفظه بالكتمـآن=حتى انفضح دمع كنه سيل
من المآضي=
مايلام يوم الهموم ألوان=إزداد فيه الأسى والويل
قد ايش بتحمله أشجان=بعض البكا للهموم يزيل

الــعــبـــيـــدي =
يآبو البخت جيـت متعنـي=للحرب وابغى اشوف الـدم
يآذبحك او انـت تذبحنـي=واصحى بعد جيـت لآتنـدم
بــخـــيـــتـــان =
إن كـان بتعيـش متهنـي=ابعد نصيحـة بهـا تغنـم
ما أظـن حتـى بتجرحنـي=من نظرتي فيـك تستسلـم
الــعــبـــيـــدي =
هذآ الحكي منـك ضحكنـي=مآيهـز شعـره ولآيـزلـم
لكنـه الهـرج فـي ظنـي=ودآك للمشنـقـه تـعـدم
بــخـــيـــتـــان =
إن كـان لازلـت تسمعنـي=ماودي إنـك معـي تنـدم
باكلـك مطبـوخ والا نـي=واشويك في دربك المظلـم
الــعــبـــيـــدي =
السيـف لا مآيشـآورنـي=وفي ظنتـي انـت تتحلـم
بدري تـرى انـت تآكلنـي=وافهمـك كـآن مآتفـهـم
بــخـــيـــتـــان =
مانكرك وانتـا ماتنكرنـي=وأنـا معـي زرف يامعلـم
اقنصك من قبـل تاصلنـي=ياللي تفكـر تبـى تهجـم
الــعــبـــيـــدي =
اشبـك تلخبطـت علمنـي=الخوف شكله عليـك يعـم
لاوحسـآفـه تـحـذرنـي=خآبـرك بالأمـس تتعـلـم
بــخـــيـــتـــان =
دامك حطب كيـف تتعبنـي=ناري بعدهـا تعـود فحـم
لـكـن قـلـي وطمـنـي=وش صار في وضعك المبهم
الــعــبـــيـــدي =
دآمـي حطـب لاتجآملنـي=(انآ عسل فالملآقـى سـم)
وفآلقافـيـه لآتتوهـنـي=وتحسّب انك معـي تسلـم
بــخـــيـــتـــان =
هذا انت عاجز لاتخصمنـي=شتت فكرك وصابـك هـم
لاتحسب الحـرف حيرنـي=الحرف حرفي وعمـك عـم
الــعــبـــيـــدي =
تـوك صغيّـر مآتغلبـنـي=اربطـك بربـآط يآغلـيّـم
والحرف مآعـآد يطربنـي=(خلّك فكرآستـك وارسـم)
بــخـــيـــتـــان =
((توك تحوبي بتسبقنـي ))=بالحيـل متعلـم وملـهـم
لاتقلـي الجمـر يحرقنـي=لاتلمـسـه ثــم تتـألـم

اختآر وحده من الثنتيـن=(يآقلب صآينك)(يآظلمك)
تعبت انآ شآيـل الآثنيـن=(حُبك وحب اللذي حَبك)

الزين قآلو عنه نآقـص=مايكتمل لو تبسملـك
وانا على خوتك حآرص=وابغيك تمشي على مهلك

قلبـي رخـى فالـهـوى حبـلـه=وعـوّد يشـوف الحقيقـه وهـم
حتـى اصبـح الوهـم جآيبـلـه=(هم .. وشقى .. وإنكسآر .. وظلم)

قـآبـل الـبـشـري=
اسمع صدى صوت وجداني=اللي تروت بـه جروحـه
لعل تسعف لنـا الفانـي=وتنقذ من التهلكه روحـه
الــعــبــيــدي =
يآصوت بالهـم نآدآنـي=نبره حزينـه ومبحوحـه
فصّل لي المشتكـى مانـي=امجآوبـه قبـل مآتبوحـه
قـابـل الـبـشـري =
كيف اتعافى من احزانـي=واعلّي الـود وصروحـه
والجارح الظالـم الجانـي=مايوم فكـر فمجروحـه
الــعــبــيــدي =
لن كآن تصبرلـه يعآنـي=يتوب مآيعلـن الروحـه
يرجع لكم مثل مآكآنـي=ويعود والنفس مطروحـه

يآليته الود شربة كآس=ولاعنب حلـو بنآتـي
لآفيه هم(ن) ولابه يآس=فيه الصفآء دوم بيآتـي