ديوان الشاعر ( راشد الزهراني ) المحيط

حتى جبال السراة تحن = ماهي كما قلبك القاسي
يامن بوصلك على تمن = ودايم تعكر صفا كاسي

قلبي مثل مسرح الاحداث = دمعي يترجم لك اخباره
والآه خلدتها ميراث = في عالم الصمت واسواره

ما ترتفع وزنة الرجال = لا سار يخلف مواعيده
الصدق من شيمة الابطال = ويعمق الود ويزيده

اوصيك يا نجم يا ساري = اللي معك دائما مسراي
خبر محبي عن اخباري = وعن شوق قلبي وكثر بكاي

تلاطمت فالمحيط امواج = ولا اتركت للأمل ساحه
كلما انتهى فوج جات افواج = معها تجي قلة الراحه
وانا الذي للامل محتاج = وروحي عنيده وطماحه
ماتهاب موج البحر لا هاج = لوكان الاخطار ذباحه

واحه من الورد والريحان = منظر زهرها عجيب وصوف
طرفي على شوفها ولهان = ولشوف ذيك الجبال النوف

كأن قلبك حجر من صم = مايعرف الود ياكافي
يامن مزجت العسل بالسم = احرمت روحك من الصافي

ياليل ياليتني داري = قبل اتعنا وقبل اسهر
عن حي ما تهمه اخباري = ولا حن قلبه ولا فكر

ياناس ياللي تلوموني = كفوا الملام اعملوا معروف
اللوم ما يخلف اضنوني = في ود حلت عليه ظروف
منازله وسط مكنوني = وضلوع صدري عليه اعطوف
وذكراه ماتفارق اعيوني = ودايم خياله على يطوف

هاجرت من ديرتي مغصوب = ماهو بكيفي ورغباتي
واصبح على الهجر مكتوب = اعيش به جزء من ذاتي