(1111)المشاركه قدر المستطاع وحبذا لو كان شعرا=محلول معاهدة دفاع مشترك=من الشيخ حسين

رمعتك هي الجهاد يابن الكرام=والسلام اليوم قل من رحب بها
والسلام للي جنح نحو السلام=والمعزه لكل مسلم مخلص لربها

	المشاركة الأصلية كتبت بواسطة حفيد الحجيري

	بعد السلام على استاذنا القدير وجميع المشاركين نقول وش رايكم بـــــــ الأندلس ولكم تحياتي

وعليكم السلام ورحمة الله وبركاته
حياك الله وابقاك ياشاعرنا الجزل /حفيد الحجيري
مالك لواء برمعة (الاندلس )

انت تقصد على عقد اتفاقٍ بيننامثل النظام = اتفاقية وقت النوايب كلنا نلزم بها
او تدور على مال مجمع محتسينه للخصام = محتسينه لطامع في ديرنا هب وإلا دبها
مابقي عندي إلا ماذكرته والسلام = تسلم انت ومن يسمع ويقرا لبها
عاش من هندس وغنى ودمتم فالختام = والمخاليق دعها تحت حكمة ودبرة ربها

صح الله لسانك يابو مريع على هذا المردود الجزل وصح الله لسانك على الحل وهذا البيت هو حل اللغز

انت تقصد على عقد اتفاقٍ بيننامثل النظام = اتفاقية وقت النوايب كلنا نلزم بها

والجواب صحيح واليك والي الجميع مع التحيه هذا المردود

اوقفو الرمعات دام الهدف روح حطام=صابه اللي رميته في الضريبه صبها
معاهده بين العرب يامروين الحسام=واي دوله يعترضها عدو مانكبها
الدفاع المشترك اتضح هرج وكلام=العهود موقعه والخشم وحبها
بس فالواقع ليا دخنة ربعك نيام=دواء من روحك جروحك ودور طبها

نعم الحل كما تفضل ابو مريع فالبيت الاول من مردوده وهي (معاهدة الدفاع المشترك بين الدول العربيه )
وهي معاهده بين كل الدول العربيه ومضمونها (انه اذا تعرضت اي دوله عربيه لااي عدوان فان كل الدول العربيه ملزمه بالدفاع عن هذه الدوله بموجب هذه الاتفاقيه اللتي سميت((معاهدة الدفاع المشترك)) ولكن لم يعمل بها رقم توقيعها من كل وزراء الدفاع العرب انذاك

صح لسانك يابو مريع وبيض الله وجهك
وصح لسانك يابو احمد على هذا الغز الشيق وبيض الله وجهك

	المشاركة الأصلية كتبت بواسطة ابوبندرالرشيد

	رمعتك هي الجهاد يابن الكرام=والسلام اليوم قل من رحب بها والسلام للي جنح نحو السلام=والمعزه لكل مسلم مخلص لربها

صح الله لسانك يابو بندر الرشيد على المردود لاهنت
مالك لواء برمعتك وكما تعلم اللغز انحل وحله
الشاعر / حسين بن مريع العبيدي والحل (معاهدة الدفاع المشترك بين الدول العربيه )

(1111)
اليكم هذا اللغز وهو ابيات من ضمن قصيده وارجو من اخواني الشعراء التكرم والمشاركه بالرمعه شعراً قد المستطاع والامر اختياري وغير ملزوم واهم حاجه مشاركة الجميع شعراً او بالرمعات المعتاده واليكم اللغز مع التحيه

دورو عن بنت راحت سواليف وكلام =اختفت في ساعة الضيق ماحدٍ نبها
لو حفظت كان جاء للعرب شان ومقام =دونها ماحدٍ لقاء فرصةٍ يكسبها
دام كلٍ قال مالي بها شف ومرام=وكل فرقه تشكي ام الركب بركبها
من نلوم ومن نبقي سليم من الملام=ومنهو اللي يالعرب كلمته يقضبها

الردود شعراً من شعراء الملتقى
الرد الاول من الشاعر/ عبدالله بن عتيق الحنيني

مرحبا وهلين والنور جـلاي الضـلام=والقوافي لجل عيـن المعتبـر نكتبهـا
سلم اللغز الثمين وخذ على اللغز استلام=والجزاله للجزيـل بـدون لا يطلبهـا
با العروبه ما ختلفنا با العروبه والنظام=والعروبه حرف حرف وفرهـا وقلبهـا
وابضيف الكلمه الكلامه وشكرن والسلام=رمعتين بحد عرفي ونظري وحاسبهـا

الرد الثاني من الشاعر/ سعد بن رجاء الحصني

مرحبا ترحيبتن بالرياجيل الحشام=الرجـاال امثالكـم دايـم ارحبهـا
هي قضيتنا بلا شك يانسل الكـرام=نصف قرن وشعبها وسطها ايعذبها
يقدات المسلمين انهظو كفى منـام=الشهاده كل مسلم تـراه ايحبهـا
والختام اهدي تحيه وقدرن وحترام=للرجـال امثالكـم دايـم ارحبهـا

الرد الثالث من الشاعر / حمد فهبد الحربي

قول يابو فهيد والمعنى تمام=مد كفـك للرجـال وضبـهـا
العلوم جزال والموضوع شام=والقضيـه عارفينـن ابهـا
ابها معروف ملعون الرسام=محتفظ بطرافها ثـم لبهـا
ياولد جمـران ياوالد الكـرام=قبل نمدح جامعتنـا نسبهـا

الرد الرابع من الشاعر/ ابو هليل الحربي

مرحبا يالشاعر الي تعلى فالسنـام=البيوت جزال باغلى النفايس صبها
والفتاه الي تبي دونها حد الحسام=كل شخصن هازها عقب مده كبها
العرب ياصاحبي عايشينن فالظلام=كل عالم معتبر في حديثـه سبهـا
دام نلقى فالبلد قرص وشوية ايدام=وش لنا بالديره الي خطيرن حبها

الرد الخامس من الشاعر / ذيب المضيح الاول

ياهلا يامرحبا عـد مـارد السـلام=بمضحي اللي فك بيبانهـا واسهبهـا
لغزك اللي قلت من بعد خلوه العظام=ذي خلافة مسلمين وعسير(ن) جلبها
وكان مايدعالها فعل ماهو بالكـلام=والثمن يامصعبـه للـذي يحسبهـا
وكان ماهي للقياده بعد قصد وغرام=ماتحقـق قومتـن بالخيانـه لبهـا

الرد السادس من الشاعر/ عبدالله الفريدي (ابو زياد)
*

مرحبا تسحب هلا تقترن بالاحترام*=بالرفيق اللي هجوس الضماير شبها
ياعزيزي من غزى مابغا داع*السلام=ومن لقى رعيةن هامله ماكبها*
وكلمة التوحيد عنها انشغلنا بالحطام=نركض بدنيا عسى الله يكافئ غبها
ماندور *لا شهادة ولا ذروة سنام=همنا نكسب رضا هالجوز وحبها

الرد السايع من الشاعر / على بن زيد الفريدي (ابو خالد الفريدي)

لغز بن جمران وافي وله قصد ومرام=والبشركلهـا تحـت دبـرة ربهـا
صيحة راحت مع الجو للناس العظام=في اسنين هل الطب تعـرف طبهـا
لاسود اصبحت في مواطنهـا نعـام=همهـا حبهـا كيـف تلقـط حبهـا
عقب رمي الشجاعه وهلها بالـدرام=من بقلبـه شجاعـه وعـزه كبهـا

الرد الثامن من الشاعر / وجودك يكفي (الثبيتي)

مرحبا يالشاعر إللي وصل حد الغمام = ينقش حروف الجزل والهزيله كبها
ورقبة صدام بالرخص باعوها اللئام = وحفروا له حفرة)ن(مانجا من طبها
والرغد عقب الرغد والسعادة بانسجام = كيف عاشت وسط نار)ن(عدوك شبها

الرد التاسع من الشاعر الشيخ/ حسين بن مريع العبيدي

مرحبا يامرحبابك مكانك فالسنام = العلوم الغانمة جوف راسك لبها
انت لك عند الاوادم تحية واحترام = العلوم الغانمة عمها ماكبها
الخلافة روحت بعد ماكثر الخصام = بعد كل رز راسه وناره شبها
والخلافة حل لغزك بعد كثر الكلام =ورقم لغزك حروف الضايعة واغنم بها
صفها بالابجدية وتلقى فالختام = انها متساويه يامدقق حسبها

الرد العاشر من الشاعر ابو فهد الحربي

مرحبا بك يابن جمران يالحر الهمام=اذكر الله والشياطين تكفـى هبهـا
رمعة وحدة بسيطة على قد المقـام=ودي اشارك هل الكار وانزل خُبها
لزمة الرجل القديمة مثل حد الحسام=من تركها طاح قدره ونفسه سبهـا

الرد الحادي عشر من الشاعر الشيخ / حسين بن مريع العبيدي

هاض قلبي شاعرٍ قـاد قافـه بانتظام=صحـة لسانـه وتسـلـم يــد يكتبـهـا
جاب لغزٍ واسهر العين عن لـذ المنـام=العلـوم الغانمـة كــل غـانـم حبـهـا
الحميـة حـل لغـزك وشدينـا الـحـزام=صيح لي واحمل عصاتي واجي واضرب بها
كـان ماجـت رمعـة ثانيةخذهـا شـمـام=ديـرة الاعـراب داري ونـا ملـزم بهـا

الرد الثاني عشر من الشاعر/ عبدالله بن عنيق الحنيني

لغز با القمه ومعناه معنـا بـا السنـام=والحقيقـه مابهـا شـك حنـا بغبهـا
والصفوف وقوف والصف للجمع التحام=والفر وض والواجبه حق مـا نغلبهـا
والصلاه الواجبه فرض ما فيها كـلام=والفروض الواجبه حـي مـن يكسبهـا
والخطا وارد وهذا مرماعي والسـلام=والله اعلم جنة الفردوس مـن بيطبهـا

الرد الثالث عشر من الشاعر الساري ابو شمس

مرحبا والله وابن جمران من نسل الكرام=وللتميز بشت اشوفه بدا ينصبها
والعرب اوضاعهم فالزمن ماهي تمام=جامعتهم جامعه مار كلن سبها
القضايا حاضره والطلب طير السلام=واليمين اللي كسرها الوقت من يشربها
وحدتن] بالاسم والواقع تشتت وانقسام= والله يستر كيها لا يجي آخر طبها

الرد الرابع عشر للشاعر /الشيخ حسين بن مريع العبيدي

مرحبا بالشاعر اللي بدع زين الكلام = دلة بالهيل لاجاك مضحي صبها
جاب لغز(ن) بالثمن يشترى لوهو يسام = اختراع الكيميا يوم جابر ربها
ماحفظناها وضاعت تحت ليل الظلام = ثم اخذها الغرب عنا بعد ماحبها
وين ابن حيان عنا بعد صرنا نيام = موهبتنا روحت والعدو يلعب بها

الرد الخامس عشر من الشاعر الشيخ/ حسيين بن مريع العبيدي

انت سلمت وانا قلت عليك السلام = مرحبابك وما قدمت اقول ارحبها
لغزك اللي تذكره يالمعلم وين حام = هو عهود ومواثيقٍ وانا ملزم بها
هل هي نخوة والناس نسيوها قوام= او هي خطة والعارفة يحكم بها
او هي المشي بالرجلين من صلب العظام = او هي فالدوا ضمن العشوب وطبها
او هي الدار وحدة ثم راحت في انقسام = كان مااخذت تاشيرة لها ماطبها
اوهي كلمة الخلاق اوسيد الانام=ماتطبف وحنا كلنا نعلم بها

مردود مني خاص على مردود ابو مريع العبيدي وهو بمثابة توضيح وتوجيه للجميع

بينة في ثاني اثنين ياحام الجهام=وثقة بس الخريمه كثر من ذبهـا
احتزمنا والتزمنا وشدينا الحـزام=والحقيقه حلبة الهوش ماحدٍ طبها

الرد السادس عشر من الشاعر ابو فهد الحربي

والله اني يابن جمران لا شيل اللثـام=عن شفاه البنت واعلى الجبين احبهـا
كاني ماهي من ثلاثه فأني جوي عسام=جيت اميز بين هـذي وذيـك اكبهـا
حكمةٍ وقيـادةٍ أو عزيمـة واحتكـام=جبت لي رمعه جديـده وهـذا لبهـا

الرد السابع عشر من الشاعر ابو فهد الحربي

والله انك يابن جمران تساهل وسام=ميزة التفكير فينـا قـدرت تربهـا
الثقه رمعه جديده وعلمنـي شمـام=عن مدى صحة جوابي ولاتطول بها

الرد الثامن عشر من الشاعر ابو هليل الحربي

الفتاه الي تبي للمليـك ابـن الامـام=بمؤتمر لبنان عند العـوارف نبهـا
امبادره باسم الملك نصها يعني سلام=ترجع حقوق العرب واليهود نحبهـا
يحفظ الله سيدي حامي البيت الحرام=الزعيم الي حقوق العـرب ماكبهـا

الرد التاسع عشر من الشاعر الشيخ/ حسين بن مريع العبيدي

حل لغزك كلمة قالها سيد الانام = قالها للصاحب وصاحبه امن بها
يوم كانوا وسط غار حدا البيت االحرام = مااحسبوا لقريش وسلاحها مع سبها
ثم هاجر للمدينة تحت جنح الظلام = مامعاه اسلاح واللا عصا يضريها
معجزة للمؤمن الياحفظها بالتما م = ماتخيفه قوة المعركة لاطبها

الرد العشرين من الشاعر البارق الوسمي(المرواني)

ياهلا يامرحبـا لـوّ ماابديـت السـلام=والرجال الي مثل مضحي ارنحـب بهـا
بعد ماشفنا مع القـول رمـيٍ بازدحـام=والنتيجـه باقـيٍ مـاحـدٍ صوّبّـهـا
افزعوا للغز وان صارت ( الفزعه ) تمام=قلت مضحي مخطيا في كلامـه سبهـا

الرد الحادي والعشرين من الشاعر الشيخ/ حسين بن مريع العبيدي

مرحبا بالشاعر اللي بدع زين الكلام = دلة بالهيل لاجاك مضحي صبها
جاب لغزٍ بالثمن يشترى لوهو يسام = جاب جملة سابقة ماحدٍ يحلم بها
كلمة المرحوم فيصل لعله للرحام = نقطع البترول عنها وتشكي غبها
كان ماجا الحل ماعاد يلحقني ملام = عدت الستين والذاكرة يلعب بها

الرد الثاني والعشرين من الشاعر سامي الفكر (الهويملي)

يا سلام الله عدد ما لاح براق الغمام= في ليلة ظلما خيّال البــــروق يحبهــــــا
والله انه يا بن جمران ياطانا المـــلام= تاركين البنت لا ننطقها ولا نكتبـــهـــا
وإلا فلسطين الحبيبه قبل ستين عام =راحت من يدين العرب لحكمة من ربها

الرد الثالث والعشرين من الشاعر بعيد السجه(عبدالعزيز المخلفي)

بالبدايه لك سلام وتحيّه واحترام =والرجال أمثالك انعزّها ونحبّها
لغزكم يالشيخ مضحي من النوع التمام =وفيه ضربة حظ قلنا نبا نضربّها
كان ماهي ليلة القدر قلنا ياحرام = رميةِ لاحّول ماالله ومرنا نكبّها

الرد الرابع عشر من الشاعر بندر الرشيد

رمعتك هي الجهاد يابن الكـرام=والسلام اليوم قل من رحب بها
والسلام للي جنح نحو السـلام=والمعزه لكل مسلم مخلص لربها

الرد الخامس والعشرين من الشاعرالشيخ / حسين بن مريع العبيدي وهو رد الحل الله يبيض وحهه

انت تقصد على عقد اتفاقٍ بيننامثل النظام=اتفاقية وقت النوايـب كلنـا نلـزم بهـا
او تدور على مال مجمع محتسينه للخصام=محتسينه لطامع في ديرنا هب وإلا دبهـا
مابقـي عنـدي إلا ماذكرتـه والـسـلام=تسلم انـت ومـن يسمـع ويقـرا لبهـا
عاش من هندس وغنى ودمتـم فالختـام=والمخاليق دعها تحت حكمة ودبرة ربهـا

صح الله لسانك يابو مريع على هذا المردود الجزل وصح الله لسانك على الحل وهذا البيت هو حل اللغز

انت تقصد على عقد اتفاقٍ بيننامثل النظام=اتفاقية وقت النوايـب كلنـا نلـزم بهـا

والجواب صحيح واليك والي الجميع مع التحيه هذا المردود

اوقفو الرمعات دام الهدف روح حطام=صابه اللي رميته في الضريبه صبها
معاهده بين العرب يامروين الحسـام=واي دوله يعترضها عـدو مانكبهـا
الدفاع المشترك اتضح هرج وكـلام=العهـود موقعـه والخشـم وحبهـا
بس فالواقع ليا دخنة ربعـك نيـام=دواء من روحك جروحك ودور طبها

نعم الحل كما تفضل ابو مريع فالبيت الاول من مردوده وهي (معاهدة الدفاع المشترك بين الدول العربيه )
وهي معاهده بين كل الدول العربيه ومضمونها (انه اذا تعرضت اي دوله عربيه لااي عدوان فان كل الدول العربيه ملزمه بالدفاع عن هذه الدوله بموجب هذه الاتفاقيه اللتي سميت((معاهدة الدفاع المشترك))
ولكن لم يعمل بها رقم توقيعها من كل وزراء الدفاع العرب انذاك

الشاعر الخلووووق والرائع .. مضحي بن جمراان العلوي 0

صــح لسانك مليوون على هاللغز الرائع والملياان حقيقه اللي اتعب الشعراء وصح لسان الشاعر الشيخ حسين العبيدي على الحل 0 والله يبيض وجيهكــم جميعا 0
كنت ابستعير بفزعه تعاوني لكن سبقنا بها الشيخ ابو مريع الله يبيض وجهه ..

تحيتي لك وله وللجميــع

	المشاركة الأصلية كتبت بواسطة البارق الوسمي

	الشاعر الخلووووق والرائع .. مضحي بن جمراان العلوي 0 صــح لسانك مليوون على هاللغز الرائع والملياان حقيقه اللي اتعب الشعراء وصح لسان الشاعر الشيخ حسين العبيدي على الحل 0 والله يبيض وجيهكــم جميعا 0 كنت ابستعير بفزعه تعاوني لكن سبقنا بها الشيخ ابو مريع الله يبيض وجهه .. تحيتي لك وله وللجميــع

الله يرضي عليك ويرحم والديك ياشاعرنا الجزل والمبدع البارق الوسمي وصح الله بدنك ولا عليك زود يالجزل والحقيقه ان ردودكم هي الاجزل وهي الابداع بعينه الله يبيض وجهك ووجيه كل من رد ورمع شعر او رمعه واسعدني وسرني هذا التواجد والمرور لشخصك الغالي الله لايهينك ولانعدم تواجدك يابن العم الكريم وتقبل مني صادق ودي وتقديري والله يحفظك ويرعاك

صح لسانك يابومريع وبيض الله وجهك
وصح لسانك يابو أحمد وبيض الله وجهك على اللغز الجزل والثمين وعادتك الجزاله ياراعيها

	المشاركة الأصلية كتبت بواسطة ابوهليل

	صح لسانك يابو مريع وبيض الله وجهك وصح لسانك يابو احمد على هذا الغز الشيق وبيض الله وجهك

صح الله بدنك يابو هليل وجهك ابيض لاهنت على المرور النير اللي اسعدنا لاعدمناك